كم درجة الزيت المناسبة للاكورد ؟؟

اهلا وسهلا,,

كم درجة الزيت المناسبة للاكورد 4 سلندر ؟؟

فتحت كتيب السيارة وطلعوا لي جدول ما فهمت فيه شي فيه درجات زيت مختلفة مع درجات حراراة مختلفة

وبعد الجدول كاتبين هذه الجملة

الزيت 0w30 مصمم لكي يساعد محرك سيارتك على استهلاك وقود اقل

هل درجة الزيت 20w50 مناسبة؟؟ يقولون انه يضر طرمبة الزيت وما ينفع للسيارات الجديدة وخاصة الامريكية

حاليا استخدم كاسترول gtx 10w30 هل هو زيت مناسب وماهو الافضل؟؟


رجاء لا يجي احد مطفي النور ويقول غير الزيت في الوكالة, هم مخفين نوعية الزيت لانهم يسحبونه من تانكي كبير!!!

اظني 15w40 هو النوع المناسب لان يبعونه في محلات قطع الغيار

يابوي زيت الاربعه سلندر معروف 10 على ثلاثين يمشيك 5 الاف

10 دبليو 40 هذا زيت الوكالة ويخوف ويتاكسد ابتداءا من مسافة 3000 كيلو

20 دبليو 50 هذا الزيت بهذه النسبة مناسب في الصيف ويختلف نسبة التاكسد حسب الشركة المصنعة

الانسب استخدام زيت موبيل 1 الغالي اعتقد سعره 30 للعلبة الواحدة ويمشيك 5000 وانت مبسوط ومتطمن و لزوجته 10 دبليو 40 مثل الوكالة لكن يختلف في التكنولوجيا عن زيت الوكالة

يعني في الصيف تحتاج لزوجة اعلى وفي الشتاء تحتاج لزوجة اقل في النهاية المحرك بيحاول قدر الامكان المحافظة على درجة حرارة ثابتة لكن درجات الحرارة الخارجية تختلف معها طريقة تعامل المحرك مع الزيت

يعني في الشتاء طول الوقت تلقى البلف مقفل وتلقى المراوح طافية وبالتالي الزيت ماخذ جو فرنسي

لكن في الصيف طول الوقت البلف مفتوح واغلب الوقت المراوح شغالة ومن بارد في الكارتير الى حار في المحرك ويظل ينطبخ داخل المحرك يعني يتعرض لاجهاد علشان كذا غير بين اللزوجة في المحرك او سوي مثل ما اسوي دايم اغير كل 3000 كيلو في الوكالة

معليش أخوي بلال ... زيت موبيل 1 ... أو موبيل ون .... زيت تخليقي و يمشي السيارة لحد 20.000 كيلو

لكن الحريص بالحيل يمشي مسافة ما بين 10.000 إلى 15.000 كيلو ... مع عدم إهمال نقطة مهمة جداً كل مسافة 2000 كيلو ينظف فلتر هواء المكينه من الغبار والشوائب الصغيرة .

أما الزيون العادية مثل كاسترول ، وجي تي فوكس ، والترا سفن ، شل سوبر ... الخ . تقدر تمشي السيارة لحد 5000 إلى 7500 كيلو ... حسب الأحوال المناخية وكيفية الاستخدام والدخول في الزحام ..... الخ .

وأنا عن نفسي ما أدري أكمل مع الوكالة علشان الضمان أو أتوكل على الله من قبل وبعد ... وأسوي الصيانة من نفسي ( غيار زيوت المحركات وفلاترهم ، تغيير فحمان ، بواجي ، سير المكينه ... الخ ) الصيانة المعروفة واللي استفدنا من هالمنتدى الطيب في طريقة وكيفية الصيانة .

والله يوفقنا وإيـــــــــــاكــــــــــــــــــم .

اخوي الزيت المناسب 30-10 وكاسترول ممتاز

الدرجات واللزوجات تفرق في الاجواء الباردة فقط

اما في جونا استخدم اي زيت 40-15 او 30-10 او 30-5 كلها واحد

عندك مثلاً 30-10 هو 30-5 الفرق ان 30-5 حق جو بارد جدا وحار

اما 30-10 للجو الحار


لكن لاتستخدم 50-20 وتراه يفرق بصرف البنزين ويستخدم للاعمال الشاقة جدا

20w50 ثقيل ولا يصلح للأربعه سلندر ولا حتى السته ،، 10w30 مناسب والافضل كاسترول ماجناتيك الاخضر ..!
سالفة تغيير الزيت قبل خمسة آلاف اسراف وحرص زائد ،، ذاك اليوم مشيت على الفكتوريا 13 ألف ...! :eek: 20w50 وقبل لا أغيره لمست الزيت وفركته بين اصابعي وصار فيه لزوجه جيده يعني يمشيك الى 15 مرتااح ولونه كان بني غامق ما بعد صار اسود ..
وعشان تتطمن على الزيت افركه بين يديك اذا صار لزج فهو ممتاز و اذا صار مثل المويه فهذا لازم تغيره .