عرض للطباعة
سلام ..
انا توني مطلع السياره من اسبوعين 2012 سبيشال ليميتيد ..
السياره مشت 1000 .. وابغى اوديها الصيانه .. وين الفروع الا بالشرقيه للصيانه السريعه .. كم تاخد وقت .. وعادي ادا مشيت بها مثلا 1200 كيلو بدون ماسوي الصيانه او لا
ابي نصايحكم في السياره .. كيف احافظ عليها
وعندي سؤال:d .. كل المنتدى يتكلموا عن الشماسه وش تطلع ذي :d
شاشه الوكاله كم سعرها ؟؟
انا من هواة تعديل السياره .. ترقبوا تعديلي ليها
اسمحوا ليي كثرت الاسئله
سلااااااام :p
للتواصل PIN:238F7E4B
انصحك تروح تبيعها وتنتظر 2013 :d عشان تقول اني مكرهك في السيارة
عادي تمشي عليها 1200 كيلو
بس انتبه تزيد كيلو واحد زيادة عشان العزل الارضي ههههههههههههههههههههه
صيانة الالف لابد منها لان الزيت الي في السيارة مؤقت ،،
لازم تغير الزيت + السيفون في الوكالة ( تراها مجانية )
دوام صيانة خريص في الرياض في رمضان
من 6 ص - 12 ظهرا
ومن 9 م - 12 في الليل
الجمعة اجازة
ايام الدوام العادية ( غير رمضان )
من 7 ص إلى 7 م
الجمعة اجازة
+
لاتنسى تاخذ الهدايا مثل شماسة ميدالية طفاية حريق - قلم معيار الضغط للكفرات - اسعافات اولية
تحافظ عليها
1/ لا تدوس عليها بقوة وهي لسه جديدة
2/ امش سرعات عالية بعد ماتغير زيت الالف كيلو لكن لا تتعود انك تمشي بسرعه عالية لمدة طويلة نوع في قيادتك ( وينصح بالابتعاد عن السرعة)
3/ احرص على ترك السيارة تحمى لين ترتفع السيارة خصوصا عند اول تشغيله في اليوم مثلا 3-4 دقائق في الصيف
5-6 دقائق في الشتاء ( خلها تحمى اوتوماتيك يعني لا تدوس بنزين )
احرص على تغيير الزيت والسيفون في الوكالة او في محل شغله كويس ومضمون ( واستخدم زيت اصلي وانتبه من المغشوش والتجاري عند ابو يمن )
احرص على معايرة الزيت اسبوعيا عاير الزيت والسيارة طافية
زيت حق طرمبة الدركسون والفرامل ( لا تخلي اي بنشري يلمسه او يحط زيت اي سيدلكو او من الزيوت التعابة هذي بالذات لها زيوت خاصة تباع في قطع غيار هوندا او خل الصيانة يشوفون امرها
تنظيف فلتر الهواء وفلتر المكيف عند كل 5000 الاف كيلو بالهواء المضغوط ( يعني كل تغيرت زيت ضروري ومهم وانتبه للبنشري لا يكسر لك الفلاتر )
عاير مستوى الزيوت اسبوعيا
ضغط الكفرات يكون بين 32و 35 يفضل 35 اذا انت تركب معاك ناس بالسيارة دائما ( اشتر معيار ضغط اصلي وخليه معاك في الشنطة لان معايير الضغط الي عند البناشر كلها مضروبة وقديمة وتعطي نتائج خاطئة )
لما تشغل المكيف اضغطAUTO
اذا سيارتك فل وفيها مكيف الكتروني اضغط على زر SYNC واجعل درجة الحرارة يمين ويسار 19 او 18 افضل للسيارة على المدى الطويل
تعود انك ما تلف الدركسون للاخر عشان ما تخرب عليك الطرمبة سريع سريع
بدل اماكن الكفرات X عند كل 10 الاف كيلو وتاكد من ربط المسامير بشكل جيد
استخدم ماء مقطر في قربة موية المساحات
احرص على عدم دخول السيارة في المستنقعات التي في الشوراع لان الاكورد حساسة شوي
زيت القير ( غيره في الوكالة ثم الوكالة ثم الوكالة ) (( لما تغير زيت القير قل له غيروا معاه (((( فلتر القير الخارجي ضروي جدا ))))
زيت القير يتغير عند 60 الاف للمره الاولى واذا انت حاب تغيره عند 40 الاف كيلو ما يمنع
المرة الثانية لتغيير زيت القير عند 100 الاف ( اذا كنت مغيره في المرة الاولى عند 60 الاف )
الثالثة عند 140 الاف
الرابعة عند 180 الاف وهكذا
استخدم بنزين نظيف دائما يعني ( عب بنزين من محطات نظيفة دائما واحذر من المحطات القديمة او الي على الخطوط )
ودائما قبل لا يوصل البنزين للربع الاخير عب السيارة فل لا تتعود تخلي السيارة لين تظهر لمبة البنزين على المدى القريب مضر
(( لما تعبي البنزين فيه عدة خطوات لازم تنتبه لها )):
1/ اطفء المحرك وكامل الانوار والمسجل وافصل اي شاحن مشبوك
2/ لما تفتح وتعبي بنزين قل للعامل طقه وحده ( وشوي شوي يعني ابطء سرعة تعبئة ) عشان ما توصخ السيارة ويدخل تراب ووصخ على السيارة
3/ حاول دائما تعبي بنزين في وقت تكون الحرارة نازلة يعني الليل بعد العشاء ( خصوصا في الصيف )
4/ مثلا عبيت فل وصار حسابك 31.16 هلله قل للعامل لا يزيد بنزين وعطه 32 لان الزيادة هذي مضره للطرمبة والضغط داخل الخزان وفي الصيف قد تسبب حرائق لا سمح الله
5/ بعد ما تعبي
شغل السيارة وانتظر 10 ثواني لين ينخفض الضغط شوي وبعدها توكل على الله
_____________________________
شوف لك تظليل محترم وشغل نظيف وعليه ضمان وضلل السيارة ( خليك عند المحل اثناء ما يظللون السيارة عشان ما يكسرون عليك شيء ولا يتعبثون في السيارة ولا تترك اغراض ثمينة داخل السيارة ابدا ابدا )
احرص على وضع الشماسة او اشتر شماسة وضعها في مقدمة السيارة دائما عشان تحافظ على الديكور وحتى تكون السيارة ابرد قليلا
اذا كان عندكم حوش وبايكة دخل السيارة في وسط البيت ( لان الاكورد العين عليها من قبل المفحطين واللصوص وهي محببه لهم وخبره في سرقتها )
واهم شيء لاتنسى الاذكار والادعية والله الحافظ
ممكن انك تلبس الارضية والدعسات بلاستيك شفاف لكن انتبه من شغلتين
1/ قبل لا يبدون العمل افصل اصابع البطارية قبل العمل وبعدها باشر العمل لان الشغلة فيها فك كراسي
2/ بعد فك الكراسي اياك ثم اياك من تشغيل السيارة والكراسي مفكوكه لانها وقتها راح يطلع الارباق في وجهك ونبه الي يشتغل على هذه الشغله وخلك على راسهم لا تروح
+ انتبه من شغلة التدبيس لا يجرحون او يقطون عليك احد الاسلاك الي تحت الفرشة
ملحوظة هامة /
عند ايقاف السيارة خل القير على N ثم اسحب الهاند بريك ( الجلنط ) ثم ارفع رجلك عن الفرامل وخل القير على P خصوصا لما تكون عند طلعة لان هذا الاستخدام الصحيح
والجلنط اذا كنت على ارض مستوية 3 - 4 طقات كافية
اذا كنت على طلعة او نزلة ارفعه لحد ما تثبت السيارة ولكن لا تسحبه للاخر
نصيحة اخوية اتمنى تسمعها /
لا عمرك تنزل من السيارة لاي سبب كان في الشارع والسيارة تكون شغالة والمفتاح داخلها حتى لو تنزل للبقالة لمدة 3 ثواني لا طفها وانزل لان الاكورد دائما تسرق كذا عند البقالات والمغاسل وحتى لو السيارة قدام عيونك انتبه ثم انتبه ثم انتبه وسبب التساهل هذا ( وانتبه يكونون الاهل معاك والسيارة مو مقفوله وانت برا السيارة خل الاهل يقفلون الباب عن طريق الزر في الباب حق الراكب )
بالنسبة للاضافات زنون او غيره انتبه ترا الاكورد حساسة ولا تغير الا عند محل سبق وتعامل مع الاكوردات وشغله مضمون وعليه ضمان
وكذالك الشاشات
الجنوط احذر من المقلده الصينة وعليك بالاصلي المضمون
واي شيء تبيه لا يردك الا الكي بورد
((لا تزعل من كلامي بهذا الموضوع والثاني لكن الحماس يطغى ;) ))
احرص على قراءة كتيب السيارة دائما
واستخدم نوع زيت بمعيار ولزوجة متطابقة مع الكتيب
اخوي هوندانا ماتعببت هههههههههههههههه ^^ ماشاء الله علييك
افاادك الذيب هوندانا على كل شي ماشاء الله عليه
خخخخخخخخخخخخخخخ حلوه ما تعبت
افادك اخونا
ماقصر