بخصوص تغير الكفرات

السلام عليكم...

شباب ممكن احد يفيدني كم المده الافتراضيه لتغير الكفرات ؟ او كم المسافه ؟؟

علما بان كفراتي مشلان إلي جات مع السياره 07 اكورد - تاريخ الكفر 2006
الكفر ماتسمح للحين،، بس صراحه مع الجوانب بدا يتقطع ..

هل حان وقت التغيير ؟

ممكن يمشيك من 100 الف الى 120 الف كحد اقصى ..

لكن رايي اذا ملاحظ ع الكفرات عيوب .. غير وتوكل ع الله ..

ممكن لا سمح الله يضرب عليك كفر وبدال ماتغير الكفرات تغير الرفرف والصدام والجنوط ورش ..

اتمنى فهمتني ..

يعني الاحتياط واجب ..

اقتباس:

---

المشاركة الأصلية كتبت بواسطة مجوووودي

ممكن يمشيك من 100 الف الى 120 الف كحد اقصى ..

لكن رايي اذا ملاحظ ع الكفرات عيوب .. غير وتوكل ع الله ..

ممكن لا سمح الله يضرب عليك كفر وبدال ماتغير الكفرات تغير الرفرف والصدام والجنوط ورش ..

اتمنى فهمتني ..

يعني الاحتياط واجب ..

---

افهم من كلامكـ ان المشيلان يمشي افتراضي 100 الف ؟؟

لان امس شيكت مع ابو يمن قالي 50 الف وتحمد ربك !! وانا السياره الحين 58 !!

عالعموم بحاول اصور الكفرات واتمنى اهل الخبر يفيدوني ،،، :cool:
2000 ريال ممكن تفيدني الحين اكثر من الكفرات :d

^^^^

هي ترجع لمشاويرك ..

اذا داخل المدينة تمشيك الى 100 الف بالراحة وزيادة

بس اذا راعي خطوط ينخاف منها صراحة :d

وبعدين وش 2000 انت الثاني 1500 تجيب لك كفرات يبانية اطلق من اوم 2000 :d

وش ذا اليمني النصاب ...!

اقتباس:

---

لان امس شيكت مع ابو يمن قالي 50 الف وتحمد ربك !!

---

حسبي الله علية ، كذاب كل همة يبيك تغير عندة ..!
مثل ما قال ماجد حدود ١٠٠ الى ١٢٠ الف كيلو وبلاحظ ان كفراتك اصلاً مهي مثل اول او غيرها كل سنتين .

ميشلان معروفة بالتحمل لكنها قاسية ومزعجة خاصة الموديل اللي جاي على الاكوردات ميشلان الفرنسي ٠٣-٠٧

اذا تبحث عن الهدوء الافضل من الميشلان والاداء الرائع ، انصح بأستخدام بريدجستون بوتنزا ادرنالين ، الطقم بحدود ٢١٠٠ ، وهذا المقاس المناسب ٢١٥/٥٥/١٦ مع المحافظة على تبديل اماكن الاطارات كل ١٠،٠٠٠ كيلو .

مشكور B useful :)

انا الكفرات ماشي عليها سنتين وكم شهر،، اذا بمسك خط بغير الكفرات عالنوع الي ذكرته ،، لان الفرق 100 ريال بالنسبه للميشلان
وموضوع قساوة المشيلان صادق فيه ،، من زمان والكفرات مزعجتني بصوتها،،

يعطيك العافيه

رفعت صور الكفرات وانتم بكرامه،،،

الخبير بالكفرات وللفائدة للجميع لو يعلمنا ، اذا وصل الكفر للحاله الي فوق هل معناته يجب تغيره؟

الســـــــــــلام عليكم

بنسبة للكفرات على حسب وضعها الحالي في رائي جيد

لاكن اذا انت والله سواقتك محلي داخل المنطقة لا تغير وصلا حية الكفر اذا كثرت سنتين

لاكن اذا والله حق خطوط رايح وجاي لسلامتك والأحوط غيرها واستفد من الكفرات الي بتغيرهم اما تبيعهم او
تخليها سبير لك سبحان الله ماتدري وش الظروف وانا كثير ماشي على الوضع:)

وشكرا

B useful مساء الخير عزيزي انا معي 2009 هل المقاس اللي ذكرته مناسب للاكورد 2009 او حتى على شكلها من برا

لاني ودي اركبهن مكان الميشلان التايلندي بس يبدو ان المقاس يختلف

العمر الافتراضي لكفرات السيارات 24 شهر من تاريخ الانتاج يعني سنتين وخلال هذي الفتره يكون

في افضل احواله او مثل ماقالوا الشباب 100 الف كيلو

كفرات سيارتك واضح انها ناشفه من اثار التشققات الي فيها لان عمرها ثلاث سنوات وتمشيك

مشاويرك داخل المدينة لكن لا تسافر عليها

تحياتي

الكفرات بتمشيك داخل المدينه

أما في السفر الأفضل لك والأمن لك تغيرهم

وإذا بتغير كفرات غير يا برجستون جي أر 80

أو تويو

لاتثق بكفرات المشيلان تراها قداره:d
كانت كفرات سيارتي يمكن احسن من الي شفتها بالصور وكنت واثق منها
وع 60 الف وانا ماشي بخط كنت امشي 170كم انصلخ علي الكفر الأمامي
بس الحمدلله سيطرت اصلاً ماحسيت انه انصلخ
الزبده اذا انت راعي سفريات غيرها احسن واضمن لك