عرض للطباعة
شخباركم شباب انشالله الكل بخير
والله ياشباب انا عندي طلب
ابي اركب شاشة دي في دي حق سيارتي هوندا سيفك 2006
بس مابي افصل رموت التحكم الي بالسكان حق المسجل
وسمعت انه هناك مسجل دي في دي خاص حق هوندا سيفك
ياريت الي عنده خلفيه عن المسجل يخبرنه عنه
و يخبرنه وين انحصل المسجل
شكررررررا شباب ويعطيكم العافيه
والله يا خوك علمي علمك
ان شاء الله الشباب ما يقصرو
روح الغرابي وتحصل إلى تبيه وأسئل ماراح تخسر شي
:)
بالعكس راح انت تفيدنا ليش لأنك رحت وسألت
:cool:
وإذا كانك عجاز :dالشباب مايقصرون معاك
دمت بحب
اخوي انا كنت نفسك ولكن بعد تعب وعناء بعث لاكثر من شهر توصلت الى نتيجة
اولا لم اجد اي شاشة تستطيع تشغيل ازرار التحكم بدون اي اضافات الا انني سمعت من عضو هنا ولكنني لست متاكدا ولكن وجدت قطعة تباع بالنت بحدود 50 دولار وتركب على اي شاشة وتستطيع منها تشغيل ازرار التحكم وهذه القطعة تسمى interface وهي من الشركة المصنعة pac-swi فابحث عنها تجدهما وبكثرة ارجو انني افدتك
مشكور اخوي ابوريش واخوي king honda واخوي bassol -act على الردود الحلوه
وبقيت اخبركم انه حصلت دي في دي خاص حق هوندا سيفك لكن سعره بصراحه وايد سعره تقريبا 390 دينار وطبعا الدي في دي ينياب اوردر بس من وين مادري بالضبط بس بصراحه انه هالمحل معروف انه يضرب بالاسعار يعني اعتقد ان المسجل ايبه قيمة 250 دينار لكن ياخذ دبل على سعره
وانا قلت مدام موجود عنده بالبحرين الدي في دي اكيد بالسعوديه موجود او الخليج
مشكورررررين شباب وماقصرتوا واذا احد عرف وين ينباع بسعوديه يخبرنه او الامارات او اي مكان
وياريت حق الي مركب شاشه دي في دي بسيارته السفك يحط لي صورة الدي في دي ومن اي ماركه تسلمون شباب
اخوي على ما اذكر انا في محل بالامارات تشتري الشاشة من عنده او من برا واهو يركبلك القطعة عشان التحكم واسمه نجم المدينة في دبي ورقم تليفونا 042737800 بس لا تسالني وين لان بصراحة في واحد بالمنتدى مركب عنده الشاشة والقطعة واهو حط تفاصيل المحل بس انا اقولك اهو من وين ركبها
هذا الموضوع راح ينفعك 77
للبيع شاشة مع نظام الملاحة تعمل باللمس
تسلم اخوي bassol و اخوي black arrow
بجم سعر الشاشه ياخوي black arrow وفي وين تباع
شكراا شباب
بو همس حصلت الشاشه وبجم
اذا عرفت خبرني؟
خلفيتي بالأكورد خيي ان شاء الله الشبابا عم بيفيدوك