..::تقرير يهمك عند تغير اطارات سيارتك::..

السلام عليكم ورحمة الله وبركاته

معظم الناس اذا اراد تغير اطارات سيارته يجهل ان تغير من مقاس الوكالة الى مقاس آخر لها حدود ومخاطر.

عند دخولك لـ موقع Tires & Wheels - 1010tires.com the absolute tire and wheel authority سوف تندهش من المعلومات المفيدة التي تخص الاطارات... يعتبر هذا الموقع من افضل المواقع المعتمدة في امريكا لتقيم الاطارات وتقديم النصائح والمعلومات.

لذلك تستطيع عمل مقارنة لمقاس الوكالة مع مقاسات اخرى عن طريق هذه الصفحة>>> Tire Size Calculator - tire & wheel plus sizing

وانا بدوري قمت بمقارنة اطارات هوندا أكورد مقاس 205/60/R16 بالمقاسات التالية والتي تحتوي على ملاحظات مهمة:
ملاحظة: يخبرك الموقع ان مجرد تجاوز الاطار نسبة 3% عن مقاس الوكالة يشكل خطر على السيارة من ناحية الفرملة والوقوف المفاجئ لا سمح الله.
1- مقاس 205/55/R16 قد تجاوز 3% عن مقاس الوكالة وهو سريع جدا جدا ويشكل خطر في الفرملة.
2- مقاس 215/60/R16 قد تجاوز 1.8% عن مقاس الوكالة وهو بطيء وثقيل جدا على السيارة.
3- مقاس 215/55/R16 قد تجاوز 1.46% عن مقاس الوكالة وهو سريع نوعا ما لكنه ملائم للسيارة.
4- مقاس 225/55/R16 قد تجاوز 0.23% عن مقاس الوكالة وهو بطيء وثقيل جدا جدا على السيارة.

ارجوا ان ينال هذا التقرير البسيط على استحسان الجميع علما ان كل الذي كتب اعلاه ليس من واقع خبرة بل من كلام الموقع الشركة التي اعلمتني بذلك.
تحياتي لكم جميعا
اخوكم a_ya7ya

واول رد يالله صلحووووووووو


يعطيك العافيه ياخوي ومشكووووووووور ع الموضوع لاعدمنااااااك

والموقع بالعنقريزي يعني يبيله قعده

بس معلومات مفيييييييد والمقارنه واااااضحه ثانكس
مستر

السلام عليكم

اخوي الغالي بالنسبة للي مركب جنوط 16 انش انصحه بمقاس
205/16/60r
ولا تتوفر الا في ميشلان (480 ريال ) او بريجيستون ( 430 ريال ) وانا انصح بشده بالميشلان لقوتها وجودتها العالية وانا بصراحة مجربها ولا يعلى عليها
لكن الصوت انصحك اخي السائق بان تسد اذانك بقطن

اخي العزيز accord2002
الله يعافيك ويخليك... شكرا على الرد الجميل
===
اخي العزيز طارق2004
كلامك صحيح بالنسبة للمقاس دائما مقاس الوكالة هو الافضل والأنسب... وهذا رأيك وانا احترمها... لكن مجمل الموضوع يكمن في ايصال المعلومة الصحيحة حول اختلاف المقاسات واضرارها.
لكن الميشلان انا ماحبيته بسبب قساوته وسعره فووووووووق الحين راح يلامس 600 ريال وتشوف.
تحياتي

الله يعطيك الف الف عااااااافيه اخوي ع التقرير

صراحه معلومات مررره مفيده

اخي العزيز المسافر
الله يعافيك عزيزي تسلم والله.
على فكرة النك حق رااايق:cool:... ذكرني بزمااااااااان على اغنية المسافر:(
مشكور على مرورك :)
تحياتي

يعني اللي يبي يغير مقاس كفرات الوكالة احسن شيء ياخذ رقم ثلاثة :
3- مقاس 215/55/r16 قد تجاوز 1.46% عن مقاس الوكالة وهو سريع نوعا ما لكنه ملائم للسيارة.
ومنها يكون عرض الكفر اكبر و يعطي ثبات ورساوة وشكل افضل;);).

يعطيك العافيه اخوي على التقرير المفيد وان شاء الله يستفيد منه باقي الاعضاء باذن الله
والله يجزاك خير

اقتباس:

---

المشاركة الأصلية كتبت بواسطة م م و السعوديه 5 5 7

يعني اللي يبي يغير مقاس كفرات الوكالة احسن شيء ياخذ رقم ثلاثة :

3- مقاس 215/55/r16 قد تجاوز 1.46% عن مقاس الوكالة وهو سريع نوعا ما لكنه ملائم للسيارة.

ومنها يكون عرض الكفر اكبر و يعطي ثبات ورساوة وشكل افضل;);).

---

حياك الله اخوي م م و السعوديه 5 5 7
ياعيني عليك :)... بالضبط عندك المقاسين مقاس الوكالة او هذا المقاس المذكور عندك.
======
اخوي تويتي
حياك الله ... وهذا المطلوب وصول المعلومة للعضو بشكل صحيح:)... مشكور على المرور عزيزي.

تحياتي لكم

اقتباس:

---

المشاركة الأصلية كتبت بواسطة a_ya7ya

3- مقاس 215/55/R16 قد تجاوز 1.46% عن مقاس الوكالة وهو سريع نوعا ما لكنه ملائم للسيارة.

---

مقاس ممتاز جداً للاكورد ودايم انصح به

:cool:

اقتباس:

---

المشاركة الأصلية كتبت بواسطة B Unique

مقاس ممتاز جداً للاكورد ودايم انصح به

:cool:

---

حياك الله اخوي B Unique
ومثل ماتفضلت المقاس هذا ممتاز بعد الوكالة طبعا;)
وتسلم على مرورك
تحياتي

والله أنا احترت عند تغير الكفرات وتعبت ومالقيت نفس المقاس الا ميشلان وبريللي..........

مشكوووووووووووور على الموقع الرائع الي مافهمت منه شي:d

السلام عليكم
اخي العزيز زيزو
والله المقاسات موجودة وبكثرة وخصوصا البريجستون والتويو ودنلوب انا سالت قبل فترة وكلها متوفرة
بس الميشلان والبريللي غالين جدا... انا قبل شهر رحت بريللي وسألت عن مقاس الوكالة تتوقع كم سعر الكفر والواحد.... 920 ريااااااااال:eek: قسم بالله بغت اطق الباكستاني المسؤول شنو الجنط 18 وانا ما ادري... واسواء كفرات شفتها بحياتي البريللي واذا تبي القصة انا مستعد اقولها.

اخي العزيز accord05
حياك الله ... وحاول تفهم وطور مهاراتك
والله انا ماتعلمت الا من الكلية
مشكور على المرور
تحياتي

مشكور أخي الكريم
موقع مفيد ومهم

هلا اخوي u'accord
العفو وانشالله تكون استفدت
تحياتي

ممكن تذكر لي قصتك مع بيريلي
لاني ممكن اركبها بعد شهر

اقتباس:

---

المشاركة الأصلية كتبت بواسطة BLACK_ACCORD

ممكن تذكر لي قصتك مع بيريلي
لاني ممكن اركبها بعد شهر

---

هلا اخوي BLACK_ACCORD
ابشر والله ماطلبت شي
بسم الله...هذا الله يسلمك الوالد عند فياغرا 2003 S350 وكان ناوي يغير كفرات دنلوب بس كان يومها الوقت تأخر وقفل دنلوب والكفرات رايحة فيها والوالد مايبي يمسك فيها خط مرة ثانية... قرر يغير بريللي
المهم رحنا للفرع اللي بخط الخبر الدمام السريع قرب الراكة... بعد الخصم والمفاوضات ركب الوالد نوع PZERO وهو من افضل انواع الكفرات عندهم وسعره 1600 ريال جنط 18 :eek:... الوالد ركبها الاربعة... بعد اربع اشهر قام يسمع صوت قدام صوت مزعج مع المشي المهم راح لهم الوالد وافحصوا الكفرات لقوا ان الكفر الايمن متقطع ومتشقق:confused: اكثر من محل<<< مع ان الوالد عامل ميزان كفرات مجانا بعد تركيب الكفرات المرة الي فاتت.
قالوا هذا سوء استعمال!!!!:mad:حبييييييييييييييبي والله وانت وييين سوء استعمال... المهم الوالد تهاوش معاهم وقال ماني متحرك من مكاني لي تكلمون مدير بريللي :cool: بعد دقائق حضر واحد بريطاني وبعد المناوشات من الوالد بالانجليزي وافق وغيرنا كفر واحد الامامي.
راح الصوت... بعد 8 شهور صدفة زلت تحت السيارة وانصدمت يوم شفت الكفرات الخلفية (((( الاسلااااااااااااك طاااالعة من الكفر )))) سلااااااامااااااااااات قلت للوالد وانهبل قلت له كلمهم قال يخسون والله مااتنزل اترجاهم يغيرونها بعد المرة اللي فاتت.
المهم رحنا لميشلان وركبنها كفرات الواحد 1350 ريال والله فرق:eek:
بعد توووووووووووبه بريللي كفرات زببببببببببببببالة وانتم بكرامة.
وهذي القصة بالتفصيل.
ملاحظة: مع احترامي للشركة الكبيرة بريللي... انا بنفسي سالت الجفالي مرسيدس عن بريللي... قالي المهندس لا تركبها ركب دنلوب او ميشلان<<< هذا الكلام قبل تركيب بريللي وصدق والله.
تحياتي

4- مقاس 225/55/R16 قد تجاوز 0.23% عن مقاس الوكالة وهو بطيء وثقيل جدا جدا على السيارة.

انا مركب نفس المقاس و ما لاحظت فيه اي مشاكل ;)

بصراحة كلامك حلو ومفصل
انا مدير فرع في شركة بريجستون وكيل بقشان الطلائع
ودايم ننصح الناس بهذا الكلام
نطلع على القاعدة الجوية وغيرهم ننصح لاتغير المقاس أبدا
لاكن هي لها معادله نسبة وتناسب بين الإرتفاع والعرض

وانا ودي اغير الاكور حقتي 2007 فل كامل
205/60 R16 إلى 215/55 R16 من بريجستون نقشة ادرينالين
انصحكم بهذه النقشه
لاكن خلوني اجرب المقاس هذا على السيارة حقتي
الإرتفاع حيكون اقل ب 4مل
لاكن النقشه؟؟؟؟؟؟؟؟
رووووووووووووعه روووووووووووووووووعه
وسعرها في متناول الجميع
وروحوا اسالوا في مراكز الخدمه عن مواصفاتها
واللي ما اقتنع اروح اشوف الاوتو كروس حق جده

اخي العزيز هيمي 5.7
يمكن فاهم الموضوع غلط:)انا جالس اتكلم عن سيارة هوندا اكورد مش سيارة ثانية
يمكن سيارتك ( كريسلر ) 300 سي او شارجر هي مقاسها كذا

اخي العزيز nasa_city
حياك الله يالحبيب نورت الموضوع :)... وكونك مدير هذي شهادة ياشباب ;)
وانا اعتز فيها عزيزي... وانشالله الكفرات الجاية راح تكون اديرنالين بعد البوتينزا:d<<< لازم خصم :rolleyes: لوووووووول
اشكرك على المرور يالغالي وانت افهم مني بهذي الامور
تحياتي

اقتباس:

---

المشاركة الأصلية كتبت بواسطة a_ya7ya

4- مقاس 225/55/R16 قد تجاوز 0.23% عن مقاس الوكالة وهو بطيء وثقيل جدا جدا على السيارة.

اخي العزيز هيمي 5.7
يمكن فاهم الموضوع غلط:)انا جالس اتكلم عن سيارة هوندا اكورد مش سيارة ثانية
يمكن سيارتك ( كريسلر ) 300 سي او شارجر هي مقاسها كذا

---

اخي العزيز a_ya7ya
انا مافهمت الموضوع غلط :confused:
سيارتي اكورد فل 2006 ومركب مقاس 225/55/R16

HANKOOK Ventus V2 LS
مثل اللي بالصورة بالضبط

http://www.hankookabdulkadirozcan.co...r/pcr/k111.gif

بس حبيت اعطي معلومة من واقع تجربة
لاني مجرب نفس المقاس وما لاحظت اي مشكلة وماشي معي تمام والحمد لله
وخاصة انه مريح و ماله صوت مع ان النقشه رياضية واتكلم عن الكفر اللي بالصورة
علشان كذا حبيت انقل تجربتي علشان الكل يستفيد

ملاحظة :

لا تحكم على الناس من خلال الصورة اللي بالتوقيع ;)

اقتباس:

---

المشاركة الأصلية كتبت بواسطة هيمي 5.7

اخي العزيز a_ya7ya
انا مافهمت الموضوع غلط :confused:
سيارتي اكورد فل 2006 ومركب مقاس 225/55/R16

HANKOOK Ventus V2 LS
مثل اللي بالصورة بالضبط

http://www.hankookabdulkadirozcan.co...r/pcr/k111.gif

بس حبيت اعطي معلومة من واقع تجربة
لاني مجرب نفس المقاس وما لاحظت اي مشكلة وماشي معي تمام والحمد لله
وخاصة انه مريح و ماله صوت مع ان النقشه رياضية واتكلم عن الكفر اللي بالصورة
علشان كذا حبيت انقل تجربتي علشان الكل يستفيد

ملاحظة :

لا تحكم على الناس من خلال الصورة اللي بالتوقيع ;)

---

والله غريبة !!! في شباب في المنتدى ذكروا مشكلة ضعف وثقل في عزم السيارة واتضح بالاخير ان المقاس عريض زي الي ذكرته هو الي اثر... وكلام الموقع يقول انه يقلل من العزم بسبب زيادة مساحة الاحتكاك بالارض... انا ما عندي تجربة عشان اجزم ان كلامي صحيح.
لكن هذي كلامك وانا احترمه ;)... واعتذر اذا غلطت عليك... النك نيم حلو وخاصة انه احد وحوش امريكا:d:cool:
تحياتي لك

اقتباس:

---

المشاركة الأصلية كتبت بواسطة a_ya7ya

والله غريبة !!! في شباب في المنتدى ذكروا مشكلة ضعف وثقل في عزم السيارة واتضح بالاخير ان المقاس عريض زي الي ذكرته هو الي اثر... وكلام الموقع يقول انه يقلل من العزم بسبب زيادة مساحة الاحتكاك بالارض... انا ما عندي تجربة عشان اجزم ان كلامي صحيح.
لكن هذي كلامك وانا احترمه ;)... واعتذر اذا غلطت عليك... النك نيم حلو وخاصة انه احد وحوش امريكا:d:cool:
تحياتي لك

---

اشكرك على كلامك الرائع :cool:

حتى انا سمعت نفس الكلام قبل ماركب الكفرات ان المقاس كبير ويقلل عزم السيارة
بس مع بعض الحسابات البسيطة اتضح انه مافيه فرق كبير مثلاً
الارتفاع " المسافة بين الجنط والأرض"
مقاس الوكالة 205/60/16------- 205×60. =123 ملم
المقاس الجديد 225/55/16------ 225×55. =123.75 ملم الفرق 75. اقل من1ملم
العرض 205 - 225 = 20ملم يعني زاد عرض الكفر 2سم
عموماً نوعية الكفر لها دور

بالنسبه لي انا غيرت كفرات الوكاله الى كفرات دعستها اكبر لكن ميزانية السياره راحت فيها

حتى الوقوف المفاجأ صارت السياره ماتوقف الا بالعافيه