والله محتآر .. تكفوووون دلوني :(

-------------------------
------------------------
----------------------
--------------------
------------------
----------------
-----------
-------
----
--
-



السلام عليكم ورحمة الله وبركآته

أسعد الله صبآحكم / مسآئكم بكل خير

والله يالربع إني على قلبي ومتخوّف يوم جتني سفرّة ضرورية لخآرج المملكة

وإن شاء الله رآيح على موتري

وللمعلومية يعلم الله إن أول ما جآني ذا الخبر قلت مآلي إلا الله ثم منتدى هوندا قسم الصيآنة

ما اطيل عليكم

بمشي لدولتنا الحبيبة الإمآرآت ( دبي ) علشآن آخلص أمر ضروري هنآك والمسآفة مثل مانتو عآرفين قريبه للـ950 كيلو

سيآرتي هوندا آكورد 2006 ( سبشل ) ممشآهآ 75 ألف
أبي الأشياء الضرورية اللي لازم تتغير
انا جاء ببالي الكفرات لازم اغيرها ضروري جدا
( أفضل الكفرآت لجنط 16 ) اهم شي عندي الصوت إنها تكتم الصوت
وغير كذا وش اللي لازم اغيره
علما بأني وديتها صيآنه الـ 40 ألف ووغيروا اللي يـنــتــغـيـر
يعني غيروا البواجي ومنقي الهواء للمكينة
ومدري بعد وش غيروا

الزبدة وش الأشياء اللي تنتغير بعد صيآنة الأربعين ألف إلى ممشى خمسة وسبعين ألف .؟

بسم الله الرحمن الرحيم
:/:/:/:/:/:/:/:/:/:/:/:/:/:/:/:/:

يسعدني الرّد على استفسآركـ ..:)

قبل السفر:
1/ التشييكـ على الكفرآت وضبط ضغطها .. وإذا كانت تحتاج لتغيير قم بتغييرها .. (( أفضل نوع للكفرات استخدمتها هي بيرلي الألمانيه )) ...

2/ التشييكـ على زيت المكينـه والقير .. وتغييرهم ان احتاجا لتغيير ..

3/ التأكّد من الفحمآت الأماميه والخلفيه وانها مازالت صالحه للاستخدام ..

4/ إربط الحزام وتوكّل على الله واقرأ دعاء السّفر وإن شاء الله تصِل بالسلامه .. :)




.. دمتم في حفظ الرحمن ..

:rolleyes:

الله يسلمك ويخليك

لكن زيت القير ما ادري اهم غيروه في الوكالة في صيانة الـ 40 او ما غيروه
بس اتوقع انهم ما غيروه وسيارتي ماشيه خمسة وسبعين
يعني عند كل كم اغير زيت القير مع الفلتر ...
وغير كذا السير ما غيرته ابد هل اغيره
وغير كذا ,,, كم سعر البيرلي الألمآنية ,,, وهل هي ممتازه بأنها تكتم الصوت .؟ لان الدنلوب ازعجني

888888888
88888

اقتباس:

---

كم سعر البيرلي الألمآنية ,,, وهل هي ممتازه بأنها تكتم الصوت .؟

---

البيرلي الالماني غالي .. :)

من افضل انواع الكفرات من حيث ( نعومه الممشى ، الهدوء ، جمال النقشات ، العمر ...).. :rolleyes:

اما عن السعر
قبل 8 اشهر مركبها بـ 480 ريال للكفر ..
+
تعبئتها بغاز النيتروجين ..

القيمة كامله للأربع كفرات
1920 ريال *

اقتباس:

---

القيمة كامله للأربع كفرات
1920 ريال *

---

عآآدي يآخوك بس النيتروجين ذا عبيته على الدانلوب واعدمني صارت الكفرات مثل الحصى قوووية مرة
غير كذا لو استب اقعد يوم ويصير لون الكفر كأنه ابيض ويوم شلت الهواء استانست


طيب ما عندك علم بزيت القير والفلتر والسير ... أغيرها والا شلون
لاني كأني اخبر وانا ما ادري ان تغييرها بعد الـ 100 الف .؟! اما السير ما ادري متى تغيرها

طيب وش افضل المقآسآت للكفر من الطول والعرض اللي يطلع السيارة شكلها حلو > آكورد 2006 ؟!

زيت القير على ما أعتقد كل 40 ألف يتغير ويمديك انت تشيك عليه له سيخ نفس حق زيت المكينة اللي تسحبه عشان تشيك على الزيت
بس لا تسألني وين مكانه>>>>أخوك معاه سيفيك
المهم شف الزيت كلما كان لونه أحمر يكون كويس
أرجو انك فهمتني

زيت القير و الفلتر يتغير عى صيانه 40الف

كان عندي سيفيك قبل رحت عليها الأمارات كل اللي سويته اني غيرت الزيت والفلتر وشيكت زيت القير وموية الرديتر وتأكدت من التواير ودزيت عليها والحمدلله مشت الأمور بكل سهالة.

انت توكل على الله وشيك الموتر بنفسك بتشييك بسيط وروح خلص مشوارك واذا رجعت بعدين شيك عليها بالوكالة اذا حبيت

يآحوبنيكم كل آبوكم يآشيخ

يآخي ردودكم تفتح النفس
مشكورين كذا عدل وتريحون الواحد
:d

حبيبي سيارتك ماشالله جديدة يعني لو الكفرات نظيفة ادعس على طول غير زيت وفلتر ماكينة وتوكل

انا سيارتي 2005 وماشية 100000 وطنت في راسي انا والشباب وندعس لعدن 1800 كيلو رايح و1800جاي من جدة طبعاً وسواليف وحالك طيب انت مشوارك يعتبر قريب توكل على الله حبيبي وبتشوف سيارات في الخط حالتها سيئة وتسافر وقتها بتعرف قيمة سيارتك بجنب هالسيارات

يسعدلي صبآحك آخوي الفجر البعيد إيه الظاهر اني تذكرت موضوعك يوم تخرب عليك البطآرية وتقلقك

عسا الله يكتب فيه الخير وأبد مانيب مغير الا الكفرات وبركب يوكوهاما ( 430 ) للواحد

علما إنها بعد العيد بترخص على كلام راعي أحد المحلات الكبيرة والمشهورة قآلي إن كل الكفرات بينزل سعرها مثل الكفرات الكورية نزل بالكفر الواحد (40 ريال)

بس مضطر أغير الحين

والزيت توني مغيره وماشي علي 1300 كيلو

بالتوفيق اللي ردوا علي واللي دخلوا كلهم والله يوفقكم

دعواتكم

عندك الهنكوك حلوه جداً كورية وسعرها جيد وانا مجربها

بس ابعد عن الفالكين حتى لو قالو لك انها يابانية لاتشتريها

لا ابشرك ركبت يوكوهاما 215-60-16
الواحد بـ425 والطقم بـ 1700 ريال
فئة A حقت سرعه 240
وهذا رابط مني هدية لأعضاء القروب من تصويري
http://www.abunawaf.com/post-7526.html

بالتوفيق خيو وتروح وترد بالسلامه وبتنور دبي :)