ما حصل معي في محل ريد كاب بالدمام
السلام عليكم ورحمة الله وبركاته ..
والله بصراحه مو عارف من وين ابدّي ..
بس بابدي وامري لله ..
<<< اقول امش خلصنا :mad:
انا قريت في موضوع عن تغيير الزيت والكل قام ينصح بزيت كاسترول ماغناتيك ..
والكل ايقول زين والا يقول يمشي الى 15 ألف والا يقول صوت المكينه يتغير والا يقول دعسة البنزين اتصير غير ..
على العموم انا قلت المرة الجايه باروح اغير الزيت وزي ما قالو الشباب في محل ريد كاب الا في الدمام ايغيره .. لأنه مو أي بنشري عنده هالزيت بسبب غلائه ..
ماعلينا من كل هالأمووور ..
جا موعد تغيير زيت السيارة .. واشتريت كالعاده فلتر من الوكاله وقيمته 15 ريال في كل مرة اشتريه ..
وانا من النوع الا يغير زيت وفلتر في كل مررررررررة ... :)
عاد رحت ريد كاب الا في الدمام ودخلت سيارتي عندهم .. والموظف الا في الرسيبشن ماخلى سؤال ماسألني وياه ..
لدرجة ان انا استغربت .
يعني مثلاً يسألني عن رقم جوالي ورقم اللوحة موديل السيارة ونوعها وكم ماشيه ..؟؟
انا اقول هالأسأله ماتسألها الا الوكاله ..:confused:
وبعدين قال ليي وش نوع الزيت ووريته وياه .. وقال بفلتر ولا بدون ؟؟ قلتله بفلتر وموجود عندي في السيارة ..
ايه اهني الزبده ياشباب وخلكم امركزين اشوي ويايي ..
<<<< هم امركزين بس انت كمل وفكنا :mad:
عاد ياشباب الا الهندي ايقول ليي .. انت لأنك اول مرة اتجي .. وماتدري عن القوانين اهني ولا شي .. بنسوي لك السيارة وبالفلتر الا انت جايبنه .. اقوله زين ويش يعني وش قصدك ؟؟ قال ليي المرة الجايه ادا اتدخل السيارة لازم الفلتر تشتريه من عندنا .. قلتله زين اذا مايفرق عن الوكاله الا ريال او ريالين ممكن ايه ليش لا ...
بجم اتبيعوه ؟؟ قال ليي بــ 25 ريال ...:eek:
قلتله ولو شريته من الوكاله .. قال مابنسويها لك .. لأننا مانستقبل قطع من الخارج حتى لو كانت الوكاله نفسها ..
اقوله جاي بفلوسي واتقول مابتسويها ليي ؟؟:mad:
انا اضمن ان ده الفلتر مال هوندا سيفيك بس الا عندكم ما اضمنه مال كورلا لو ديهاتسو .. حتى لو كان يركب ..
وبعدين انتون ويا الوكاله على نفس الشارع ومابينكم الا دقيقتين عن بعض ..
بشتريه من الوكاله ولا عليي منك ..:p
والسالفه ياشباب مو سالفة بخل ولا شي .. السالفه ان أنا اضمن الشي شارنه من الوكاله وثاني شي الوكاله مو بعيده عن المحل ..
ماعلينا .. ركبت الزيت وقعدو يفحصو السيارة ويشغلو الخطر والنور ويشغلو المساحات .. اقول ايه ماعليه .. كله كلام فاضي ايفكرو روحهم وكالة الهوندا ..
وآخر شي قال ليي 144 ريال ...
طبعاً ياشباب قيمة الزيت العلبة بــ 31 ريال .. وسيارتي يبغى ليها 4 علب ..
لو تحسبوهم يطلع 124 ريال .. وقيمة شغلهم 20 ريال .. مع ان البنشري ياخذ اذا كان الزيت والفلتر من عندك بس 10 ريال ..
ولو حسبنا الفلتر من عندهم بــ 25 زي ما قال .. يطلع المجموع 149 ..
فقلت انا ماليها داعي السالفه ولا شي ..;)
والمرة الجايه باروح اشتري علب الزيت 4 وحدات وفلتر من الوكاله وانا راجع من عملي لأني اشتغل على نفس شارع الكباري بعد .. وبوصل البنشري الا صوب البيت وباغيره بــ 10 ريال ..
بدال ما اقعد اهناك ساعه الا ربع .. واهني البنشري كل فاضي ما ياخد حتى ثلث ساعه ويعطيني كرتونين كلينكس وكرت 10 مرات ووحده مجان وخلصتهم كلهم بزيت هوندا وآخر تغييره مجان وللحين مارحت ..
هههههههههههههههههههههههههه
ولا وش رايكم انتون ؟؟:rolleyes:
