عرض للطباعة
بسم الله
اتصلت لكي احجز موعد لصيانة الأكورد 40،000 كيلو
وفوجئت أثناء حديثي مع الموظف المختص بأن تكلفة الصيانة 1200 ريال :eek:
فما أدري وش الاجراءات التي يجرونها في صيانة 40000 ؟
وهل هي ضرورية ؟
وهل يمكن أن أجريها خارج الشركة ؟
لأني ما راح أوديها الصيانة إلا لأجل ليات الدركسون . فهل ياخذون على شغل يدهم أجور ؟
وشكرا لكم
صيانة الأربعين ألف يصير على السيارة صيانة كاملة (Full checking)..
يكشفون على كل شي في السيارة .. تونا اليوم رجعنا سيارة الوالد من (تويوتا) و سيارته أفالون مشت 30.000 (استعجلنا على الصيانة) و صارت علينا 115 دينار .. (1150ريال)..
وايد أشياء بدلوها على الضمان
صديقي بعد كانت عنده كورولا بعد وداها عند 40.000 و بدلو له بعد وايد أشياء على الضمان..
بصراحة ما عندي تجارب مع الهوندا .. سيارتي توها 5.000 ... بس أكيد نفس الشي ..
ما أدري عن وكالتكم في السعودية شلون .. لكن إذا تثق بشغل الوكالة سوها .. و ما بتندم ..
و سوها عند 60000 عشان إذا في أشياء ممكن تتبدل على الضمان تتبدل قبل لا يخلص الضمان ..
بالنسبة للأشياء اللي يسوونها في 40.000 شوووف كتيب الوكالة .. فيه كل شي ..
إذا عندك مكان بره الوكالة ممكن يسويهم لك و تعرف شغلهم زين .. سو .. لكن مثل ما قلت لك .. الوكالة أحسن لك لأنه يمكن أشياء تتبدل على الضمان و انت ما تدري عنها و ما تحس فيها ..
وبالنسبة لليات الدركسون .. ما أعتقد ياخذون أجور .. لأن الغلط من عندهم .. مو منك إنت ..
المفروض السيارة تجي سليمة .. مو عيب مصنعي .. فـأعتقد هم يتكفلون بكل شي (المفروض)..
و حياك الله
صيانة الاربعين الف تكلف تقريبا 800 ريال بدون تغيير الفحمات
550 ريال شغل يد .. و 250 ريال قطع
طبعا تشييك كامل مع تغيير زيت القير و البواجي و فلتر الهوا
اذا ما ودك تشوي الصيانه بس غير زيت القير بالوكاله بـ 130 ريال
و غير البواجي و فلتر الهوا في اي ورشه
و بالتوفيق
أنا وديت سيارتي قبل شهر صيانة الأربعين ألف وسيارتي أكورد 2006
وغيرولي حاجات كثير مثل ليات الدريكسون و الهوبات مع الأقمشة و فلتر المكيف
والصراحة حسب كلام الموظف إللي في الوكالة قالي إنها أهم صيانة و إذا جبت سيارتك الأربعين لاتجيبها في الخمسين
والصراحة دفعت مبلغ محترم يعني بعد التخفيض دفعت 1649 ريال .
وجلست السيارة عندهم يوم ونص وديتها الصباح الساعة 7 واستلمتها ثاني يوم الساعة 3 الظهر .
اصحابي من المعهد السعودي الياباني ينصحوني بهذه الصيانه ويقولون انها مهمه
بس الله يعين على المبلغ
شكرا أخ هوندا اكورد 2007 على التفاعل والمشاركة
وجزاك الله خيرا
انا قبل فتره سويت صيانه الاربعين طبعاً قبل لا انوي الصيانه كنت موديها علشان رجه السياره
اذا ضربت الفرامل(البريك) وانا مسرع تصير فيها رجه المهم طلع معي موظف وجرب الموتر
وقال الهوبات البلا فيهن وقال على الضمان بس مانسويها لك لين تسوي صيانه الاربعين
وانا كنت اخر صيانه كانت 10000 المهم قلت طيب نسويهاالمهم مثل ماقلتو 550 شغل ايديهم
وغير زيت القير والبواجي وفلتر الهوى وقالي الفحمات مره تعبانه ولازم تغيرها قلت طيب
المهم طلعت التكلفه 1300 او الف 1200 مااذكر بالضبط بس بهل حدود بس صيانه مره مهمه مثل ماقلتو سوها مع انها غاليه شوي...
واسف على الاطاله..
الأخ الفاضل accord 06
شكرا على المشاركة
هي ما وقفت على 800 وصلوها إلى 1200 ، شافوا الناس تدفع واستغلوهم !
طيب ياخوي
- يعني ما أقدر أغير زيت القير خارج الوكالة ؟ لأني وديت السيارة صباح اليوم على أساس لي الدركسون وطرمبة البنزين وما كلمتهم على شيء ثاني .
- وزيت القير يتغيّر أم يتم إضافة له ان كان ناقص .
- وهل زيت القير هو زيت الجربكس لأني سمعت عن أهمية تغييره عند الأربعين .
- وأخيرا البواجي وفلتر الهوا والفحمات أكشف عليها ان كانت صالحة أم لا ، أم أغيرها مباشرة لأني ما غيرتها قبل كذا
وشكرا لك . . :) .
اقتباس:
المشاركة الأصلية كتبت بواسطة المخلب
تقدر تغيره في اغلب الورش .. يفضل أنك تشتري زيت القير من قسم قطع الغيار في الوكالة او من موزعي قطع غيار هوندا ..
اقتباس:
المشاركة الأصلية كتبت بواسطة المخلب
يفضل تغييره اذا كان ذي رائحة كريهة وغير طبيعية .. أما اذا كان عندك تسريب فيفضل الأضافة ولكن قبل 40000 كيلو
اقتباس:
المشاركة الأصلية كتبت بواسطة المخلب
Gear Box = علبة ناقل الحركة او علبة التروس
تغييره عند الأربعين مو مهم وزيت القير يصبر أكثر تحت ظروف القيادة العادية ولكن يفضل تغييره عند الأربعين تفادياً لأي مشاكل مستقبلية ..
كتلوج السيارة يقول أنك تغيره في المرة الأولى عند الـ 60 والمرة الثانية عند الـ 100 والمرة الثالثة عند الـ 140 والمرة الرابعة عند الـ 180
اقتباس:
المشاركة الأصلية كتبت بواسطة المخلب
فلتر الهواء أتوقع يحتاج تغيير وذلك بحسب بيئة مدينتك .. اما البواجي فغيرها وش وراك ؟؟
كتلوج الوكالة يقول غير فلتر الهواء كل 20 وانا اتوقع يصبر اكثر من كذا اما البواجي فأكيد تغيرها عند الـ 40
انا سويت صيانة الاربعين الف قبل اسبوعين تقريبا بوكالة طريق خريص
الأشياء اللي سووها
تكلفة الصيانة فقط 550 ريال
تغيير زيت ماكينة 50 ريال + الفلتر 14 ريال
زيت قير 117 ريال
بواجي 42 ريال
فلتر هواء 59 ريال
كلفتني 1028 ريال
وغيرت حاملة الاكواب الخلفيه مكسوره 175 ريال
صلحوا صوت طقطقه بفتحة السقف وصوت رجه بدرج السيديات
وتربيط للاذرعه وترصيص كفرات
التكلفه كامله طلعت علي بـ 1028 ريال وتبي الصراحه تستاهل السيارة طلعت من عندهم غير اول
مع العلم انك ممكن تسوي كل اللي فوق باي ورشه وبسعر ارخص اذا شفت السعر غالي
.
شكرا أخ ACCORD 764 على المشاركة والتعقيب ، صحيح مهمة لكن خارج الوكالة . :d
.
الأخ MAX177 حلوة على الضمان لكن ما نسويها لين تسوي صيانة أربعين يعني استغلال ، لكن أنت ظروفك أجبرتك على الصيانة ، لكن أنا السيارة ما فيها شيء الحمد لله ليش أعطيهم هالمبلغ أسويها برا الوكالة و 1000 ريال في جيبي لأمور تستاهل .
شكرا لك أخوي :)
.
.
أخي الهادف
ما تركت مجال لمن بعدك
أجدت وأفدت
شكرا لك
ما قصرت أخوي الكريم http://www.hondaarabia.com/club/images/icons/icon14.gif
.
الأخ الاخطبوط
شكرا لك لأخوي على التعقيب الوافي
من وفاك يا طيب :)