عاااااااجل // مشكلة المووووووية دخلت داخل المكينة؟؟! حلولكم مشكورين :"(

صباحــكم عسل .. بالبداية ما ادري كيف اخش بالموضوع لكن احب ارحب فيكم قبل كل شي باعتبارها المشاركه الاولى لي في منتداكم الكريم ..

بداية .. بوم الثلاثاء الماضي كاااااان كله مطر المهم اني مسكت خط الجبيل الدمام يوووم وصلت حينا العزيزز المهم اني خشيت في شارع كله موويه ومشيت فيه شوي وبعدين ودقيت ريوس عشان ارجع .. يوم رجعت ,, الا السيارة تطفئ!!!
اشغل ما تشتغل .. والله واخذها وادفها على اليمين اليوووم الثاااني اشغلها الا تشتغل الحمد لله لكن في صوت طقطقطقطق في المكينه وديتها الوكالة قالي يبغالها 26 او 27 الف ريال !!!!


وبعدين وديتها ورشة قالي يبغالي افك مكينه شغل يده 1500 وقالي القطع يبغالها حدود مبلغة وقدرة ما ادري بس راااح يكووووون جامد شوي ما ادري وش رااآاايكم بالموضوع

وواحد من العيال يقولي حصل مكاااين على 4500 وناس تقولي رح الكويت وخذ لك مكينه من هناااك ارخص يقولي على 2500 او الفين

انا احترررررررررررررررت صراااااااحة مدري وش اسوي ياليت تفيدوني وتخدموني مشكووورين طبعا السيارة اكورد 2006 اربع سلندر

الله يعينك ... وانشالله يفيدونك المختصين

شكرا يا اخ دلع على مشاعرك الطيبة هذي والله يسمع منكـ

روح شوفلك وحده من التشليح احسن لك

لانو لو فكرت بالتوضيب ما راح احد يسويها لك زي وكاله والعزم نصو حيطير

بس لاتنسا الضمان

في البداية الله يعينك...

شوف اخوي أنا رأيي انك تغير الماكينة أو توضبها توضيب كامل في محل معروف و مضمون وانت على راحتك

جرب رح البحرين (قريبة يمك) ;) و دور في تشاليحهم لأن القطع هناك أرخص بواجد (اسأل مجرب):d

لأني توني مغير دودة الدركسون كاملة و كلفتني من هناك 2400 ريال من (الوكالة) و هنا سعرها بـ3750 ريال من محل قطع غيار

غريبة مع انك مامشيت كثير عليها طيب ليه ماتغير زيتها وتنظف فلتر الهواء احتمال يكون الماي هو السبب ويطلع مع الزيت الفديم مع الفلتر من ناحية التغيير انصحك بالكويت فعلا ارخص كثير.

موهوب الله يكون في عونك
اول شغله غير الزيت وشوف الزيت فيه ماء ولالا واذا فيه قم بتغير الزيت والتغيره الثانيه وشيك على الفلتر واترك عنك الوكاله وش 26 الف على ايه لو تبي مكينه خذ من الكويت السعوديه ماتضمنها يمكن تكون من حقت السيول او خذ من سياره مقلوبه ازين لك

اكيد شربت الموية من القربة

عموما غير الزيت وشوف الوضع واذا نفس الشي الله يعينك توضيب

والتوضيب افضل بانك تغير القطع الداخلية كاملة

عزيزي موهوب اللي صار معاك صار معايه بالظبط لكن في جده ونفس الصوت اللي طلع معاك وانا غيرت المكينه من التشليح بملبغ 8000 ريال مع الرجيع والسياره الان 100% لكن باقي عندي مشكله لمبه الاير باق شغاله من اثر المويه ومن قبل لا اغير المكينه الرجاء من الاخوان اللي عنده حل يفيدني لان الوكاله قالوا تكلف 3000 وشويه والله يعينك وعلى فكره سيارتي 2010 4 سلندر فل وشاريها قبل 8 شهور لكن الله يعوضنا خير ما دام الروح سلمت العوض في السياره ولا تشيل هم هذا امر الله

مـوهـوب الله يكـون فـي عـونـك

بآإۈل ڜي في آإلگۈيت آإڼت تختآإر آإلمِگيڼه ۈتقدر ترۈح تفحصهآإ ۈبعديڼ آإسعآإرهآإ آإقل مِڼ آإلــ

2500 ۈآإلجمِآإرگ مِآإيآإخذۈڼ ڜي ۈتقدر ترجعهآإ لهمِ گلهمِ يعطۈڼگ فترة آإسبۈع ترجع للسعۈديه ترگبه في يۈمِيڼ ۈتجربهآإ آإليۈمِ آإلثآإلث ۈإذآإ مِآإضبطت عڼدگ ۈقت ترجعهآإ ۈتآإخذ فلۈسگ بس اشرط على الي تبي تشتري منه

والله يـسـر امـرك

عشان تكون بالصوره وتعرف غلطك اكبر غلط فالمويه انك ترجع ريوس لأن اكيد الشكمان دخلتها مويه ومشت لين شربت المكينه وقالت امين فالشيء الافضل وانت ماشي بمويه مستواها عالي شوي انك تحاول تدعس لأن حتى لو المويه بغت تدخل من الشكمان راح تحصل هواء قوي من المكينه فما تدخل ابدآ

^

اول مره ادري ممكن توضح اكثر وش تقصد :confused:

اقتباس:

---

المشاركة الأصلية كتبت بواسطة Accord F15

عشان تكون بالصوره وتعرف غلطك اكبر غلط فالمويه انك ترجع ريوس لأن اكيد الشكمان دخلتها مويه ومشت لين شربت المكينه وقالت امين فالشيء الافضل وانت ماشي بمويه مستواها عالي شوي انك تحاول تدعس لأن حتى لو المويه بغت تدخل من الشكمان راح تحصل هواء قوي من المكينه فما تدخل ابدآ

---

:cool: