عندي اكوورد v6 2007....................وودي اركب كشافات

السلام عليكم ورحمة الله وبركاته مبارك عليكم الشهر (ادري التحيه جات متأخر بس أعذروني).
انا عندي أكوورد ستة سندر وودي اركب كشفات طبعاُ كشفات مو من الوكالة لأن الجميع عارف الأسعار :(
اخدت الكشفات من العليان مع اني ساكن في الشرقية لأن كثير من لأعضاء تكلمو عن منتجاته واتأكدلي هذا الكلام لأن محل بصراحه رهيب ماعندنا زيه في الشرقية
والمهم لا أطول عليكم
اخدت الكشافات بس صارت عندي مشكلة اشبك الكشافات وين؟ مع السكن مع اني مو مرتاح لأن ان مابشغلهم على طول وما اقدر اركبها محل ثاني لأن فل كامل .
وانا ماقدر اشتري العصاه الخاصة بالكشفات لأن خاصة بالوكالة وانا سألتهم وما رضوا يبيعوني اياها لازم مع الكشفات والتركيب عندهم.
وانا الحين ابي رايكم هل اشبك الكشفات مع السكن ام هنالك محلات تيبع العصا الخاصه بالكشفات ام هنالك حل اخر
وانا اسف اني طولت عليكم وشكراُ
وانا اقدر ملاحظاتكم :cool:

والله انا نفس حالتك.. وأمس كنت بشارع تيوتا وشريت الكشافات .. قلت بركبها وبشبكها بالسكن وبفك عمري ..الوكالة اسعارها جدا مبالغ فيها..بس اللي عنده حل لنا لا يبخل علينا او اذا يعرف محل يبيع العصا يقول لنا ؟؟؟

تــــحـــــــــيــــــاتـــــي... خالد2007

عادي تقدر تشبكها بالسكن

و تحط لها فاصل خاص .. و تشغلها متى ما بغيت


بالنسبه لفاصل الوكاله اهم ميزه فيه انه اذا ركبته

ما يحتاج تمدد كهرب للكشافات من السكن .. لان فيه تسليكات جاهزه له شد بلد

بالاضافه لشكله الجميل و لمبة الكشافات اللي بتولع بالطبلون

وعليكم السلام
رح لم محل الشراع الي في الدمام الي في شارع تويوتا وقله يشبكلك أياهن مع السكن ( ويحط فاصل) عشان لو بغيت تشغلهن مع السكن أو النور العادي
وان شاء الله أفدتك

انا معاكم اخواني انو لازم احط فاصل.. بس وين لا تنسون انه عندي فل كامل والفاصل اللي هو عبارة عن زر لازم ينحط في مكان وانا صراحة مابيه يحفر بالسيارة ويخرم عشان الزر.. بس لو احد يعرف لنا مكان العصا يدلنا... طبعا غير الوكالة
وسلام

صحيح كلامك اخي خالد انا معاك في هذي الشغله

شباب انا عندي اقتراح

ليش ما تسالون عن العصا حقت الجيب الهوندا

انا اشوفه بالوكاله نفس حق الاكورد بالضبط مقاسه وشكله تمااااااما ونفس الازرار فيه

تشكر اخوي المسافر على الرد
وإذا كان قصدك اني اشتري العصا من الوكالة ايضا (مال الهوندا الجيب) فما اتوقع انو يبيعونها علي نفس الأكورد
لأن زي محنا عارفين الوكالة لازم الغرض تشتريه من عندهم ولازم التركيب عندهم وعلى هذا كله مايبيعونلك القطع مثل العصا واشياء اخرى كثيرة.

طيب ياشباب حاولوا تطلبون العصا من برا عن طريق النت

شكرا اخي ل م س 3 3 4 على تجاوبك مع الموضوع بس ما تحسها صعبة شوي تعال اطلب وشحن وسالفة
انا قلت لو الشباب يعرفون احد يبيعه كان خير بس الظاهر فقط الوكالة هم الي يبيعونها (العصا)

اقتباس:

---

المشاركة الأصلية كتبت بواسطة ولدالنصرv6

شكرا اخي ل م س 3 3 4 على تجاوبك مع الموضوع بس ما تحسها صعبة شوي تعال اطلب وشحن وسالفة
انا قلت لو الشباب يعرفون احد يبيعه كان خير بس الظاهر فقط الوكالة هم الي يبيعونها (العصا)

---

بالعكس ياغالي ،،،،لاصعبه ولاشيء يعني الشباب اللي يطلب وصله ايبوداو جنوط او او او .. وش المانع انت ماتطلب عصا النور

الأخوان: ولد النصر ، ل م س والجميع مشكورين بجد على تجاوبكم مع ذا الموضوع لأن عندي نفس المشكلة لكن سالفتي تختلف عنكم شوي

أنا أساسا كنت راضي أدفع للوكالة اللي يطلبونه في النظام كله <<<مسالم :d
لكن من قرادة الوكيل سألت عن الكشافات والعصا قبل كم شهر في وكالة جدة والمدينة قالو لي خلصت وماراح نجيب خلاص لأن مثل ما تعرفون ركبوها كلها في الأكوردات مع عرض البيع الأخير اللي نزل

قمت وانا اخوكم اشتريت كشافات أصلية من موقع أصلي لقطع غيار هوندا بأمريكا وشحنته من أرامكس والحسبة كلها تصورو مع الشحن كلفتني أقل من سعر الوكالة حوالي 1000 ريال يعني بدون الشحن سعر الكشافات بالموقع حوالي 900

المهم جاتني الكشافات بكل أسلاكها وتوابعها لكن معها زر ضغط على اساس انه فيه فتحة فاضية جنب الدركسون ، بالعربي كل شي جاني ما عادا العصا وهي اللي ناقصتني لانه النظام كله واحد يا تشبك السلك بالنهاية بزر يا تشبكه بالعصا

أنا ما ينفع عندي استخدم زر لان الفتحات كلها مشغولة (أكورد 2007 فل V6)

بيت القصيد يا ل م س اقتراحك حلو لكن أنا مجربه ماينفع لأن حتى الموقع لما استفسرت من خدمة العملاء ( بالعنجليزي طبعا<<يرطن ما عليه ) :d
قالو أنه الأكورد اذا جات فل تجي معها مصابيح ضباب جاهزة (شوفو الدلع هناك) وهذي المصابيح اللي نبيعها واي محل قطع في امريكا يبيعها للموديلات الأقل فئة واللي مفترض انه فيها فتحات شاغرة للزر حق الكبس

وسلامتكم ........

الحين عرفنا ليش الوكالة تستغل سالفة العصا هذي ،، الظاهر مصصمة للي في الخليج بس وتتوزع فقط على الوكيل

شوفولنا حل تكفون تراني تورطت باللي اشتريته :d وما ابي اطق 1000 ثانية عشان عصا بس

نبي أحد يبيع لنا عصا الوكالة هذي لحالها بسعر معقول :(

والله ياشباب لاتستعجلون,,,
أنا سمعت عن واحد في الشارقه ركب كشافات واحترقت سيارته
والثاني في السعوديه مركب كاشافات بس مو من الوكاله والمسكين احترقت سيارته,,
نصيحه ركبوها في الوكاله وخذوا عليها ضماااااااااااااااان,,,
وموديلات سياراتهم 2007 اكووورد,,,
وأنا نصحتكم والباقي عليكم ياشباااب,,,,

السلام عليكم نا عندي لكم حل ممتاز وأنا مسويه في سيارتي accord 2007 v6 طبعا هو من اأقتراح الوالد الله يخليه لناركزوا معي.انا شريت الكشافات من الرياض وجيت للشرقيه ورككبتها فيها طبعا أخذت الشكل المربع مو الداوائر (خايس شكلها)قمت ومددت الأسلاك خرم تخريم بسيط في الصدام الأمامي (من الداخل) هو مو تخريم توسيع بسيط لايلاحظ من الخارج

مدد الأسلاك لها كتاوت خاص بها ودخل السلك من داخل من تحت الدركسون وركبت المربع حق الكشاف اللي يشغله تحت الدركسون من اليسار وفيه فتحه من الأصل في ديكور السيارة من تحت قمت وركبت الزر وربطته بالربطه البلاستك اللي زي المحزم نسيت اسمه (اللي يتعملونه في ربط الأغراض) جامد هو وصغير حجمه

لاتركبه مع السكن لأنه يجرح السلك حق الوكالة ومالها داعي يلعب بالأسلاك

شغل السكن وطق الزر من تحت

وهي تمام معاي وأي سؤال انا حاضر

راعي الهوندا

فكرة حلوة والله وقد اقتراحها لي واحد من الزملاء لكن ترددت بس مدامها جات معاك ممتاز

ياليت بعد تزودنا بصور لزر الكبس بعد ماركبته عندك بالسيارة ودنا نشوف محله وموقعه بالضبط

أولا أشكر كل من شارك بالموضوع

انا عندي أكورد 2007 فل كامل

للآسف ماطلبت كشافات

<<< هذه من القرادة إلى فيك :d

عااد إلى يبي يركب كشافات سركبها بالوكالة أضمن من محلات التجارية

تحياتي لكم :001:

ابشروا ابي انزلكم موضوع فيه طريقة تركيبي للكشافات العصر إن شاء الله

راعي الهوندا ،، وين الموضوع ؟؟ <<<لزقة :d

السلام عليكم شباب
صراحة ماقصرتون بالردود والحلول واشكر الجميع لأن بصارحة فدتوني
وانا انتظر اخوي راعي الهوندا بفارق الصبر لموضوعة

يا أخوان انا شريت الكشافات الاصلية مع العصا أمس بـ 850 ريال

ورحت لواحد في الوكالة وقالي نركبها بـ 150 ريال ونضمنها لك

اقتباس:

---

المشاركة الأصلية كتبت بواسطة أبوعدنان

يا أخوان انا شريت الكشافات الاصلية مع العصا أمس بـ 850 ريال

ورحت لواحد في الوكالة وقالي نركبها بـ 150 ريال ونضمنها لك

---

أبو عدنان من وين شريت الكشافات الأصلية ؟ من الوكالة ..؟

السلام عليكم شباب وانا ايضا اضيف سؤال لأخوي ابوعدنان من وين شريت الكشافات والعصا

الكشافات والعصى تأتي مع بعض في كرتون واحد

انا شريتها من واحد اعرفه عنده كمية كبيرة في جدة

الرجال شاريها على كلامه من الوكاله ايام الفحص المجاني شراله كمية كبيرة بخصم

ما علينا انا يوم شريتها رحت للوكالة وسألت واحد اعرفه في الصيانة واكدلي انها اصلي

مشكور اخوي بوعدنا وانا شفت موضوعك بهل الخصوص ولكن الكشفات الي شاريها انا كاملين اي انهم غير عن الي في الوكالة ذات الشكل البيضاوي وذاك الشكل مايجي معه عصا وشكرا على تجاوبك

العفو اخوي ولد النصر

اذا تبي العصا وحدها ممكن تحصلها في التشليح