عرض للطباعة
السلام عليكم ورحمة الله وبركاته
شباب عشاق منتدى هوندا
ابي اعرف شي بسيط عن صيانة هوندا
انا سويت صيانة 20000الف كيلومتر
ماهي الاشياء الضروريه في الصيانه
وهل فلتر المكيف والمكينه يتم تغيره ام لا
لان سويت صيانه وحسيت في شي يدغدغ محاسيسي :d
تقبلوا تحياتي ,,,,,,
http://im25.gulfup.com/2012-07-11/1341960018331.jpg
هلا فيك يا مرحبا
هذا الجدول الصيانة انسخه عندك على سطح المكتب تستفيد منه با النسبة للصيانة موضح فيها كل شي وعند الشغل راقب شغل حقهم
على ما أذكر سويت صيانة سيارتي وهي كانت ماشيه 18 وعليها 511 ريال من ضمنها تشحيم براغي الشنطة المزعجه هذا الذي
استفدت منهم وبعد الصيانة هذا ان شاء الله ماهم شافيني وجهي غير تغير الزيت المكينة والفلتر الزيت بس .
تحياتي لك .
بسألك كم دفعة لهم في الفاتورة بالضبط
515 ريال ؟؟
او اكثر
بالنسبة لفتر المكيف ترا برا الحسبة يعني تشتريه انت من دراهمك وتركبه وتركيبه سهل ما يبي له شيء
فلتر المكيف حق الاكورد
شف يالغالي اسعار الصيانة في الوكالة استغلال واستغفال وربي استغفال محد حاس بالريال الي دفعته الا انت ولا هم طز ما همهم بس جب الدراهم مثلا صيانة 10 الاف بـ 475 ريال قالوا لي عدة اشياء تربيط اسفل السيارة من أ إلى ياء وخرابيط ثانية بس
زيت وسيفون وبدل الكفرات وعبء قربة الماء وغسيل المكينة بالموية ونظف الفلاتر هواء ومكيف (( بعد الاصرار عليهم ولا فلتر المكيف ما جابو خبره )) + زاد موية الراديتر الاحتياطية (( الموية الي عند الوكالة انا متأكد انها مب مقطرة خصوصا الي يعبون من المواصير يارجال شوف عيني موية حنفية ويقولون مقطرة ))
فنصيحتي لك انا اذا ودك تسوي الصيانة بالوكالة
انك في كل مره تجيهم قل لهم ابي فقط تغيير زيت وسيفون بس (( حتى انت دقق في الفانورة وش كاتبين بالانجليزي لانهم يحطون تعبئة موية مساحات وموية راديتر قل لهم ذي كلها ما ابيها ولا تحطونها في الفاتورة (( موية يحسبها عليب 10 ريال وموية يحسبها وهي برا بريال ))
انت قلهم زيت وسيفون بس وخله ينظف لك فلتر المكيف وفلتر الهواء بالهواء المضغوط في كل مره غصب عنهم (( انت طل على سياراتك وروح للفني اثناء ما يشتغل على سيارتك وشف وش حط وش سوا واسئله كم لتر زيت حط وناظره وهو يحط الزيت // تراهم ما يهتمون بالسيارات زين (( مال عمك ما يهمك ))
فلتر المكيف وفلتر الهواء حتى لو ما نظفوها الصيانة انت رح اقرب بنشر وخذ لي الهواء وفكه ونظفها بنفسك كل 5000 كيلو بس انتبه لا تقرب الهواء المضغوط مرررررره من الفلاتر عشان ما تتقطع
اهم شيء في الصيانات الرئيسية هي
60 الف ( رح لهم وقل ابي زيت مكينة مع سيفون + زيت قير ( مع فلتر قير خارجي او بدون حسب رغبتك انت ) )
100 الف زيت مكينة وسيفون + زيت قير ( مع فلتر قير خارجي حسب رغبتك انت )+ بواجي + تربيط كامل ( تأكد وتابهم وهم يربطون )
بالنسبة للسوائل الاخرى كـ زيت الفرامل وزيت الدركسون
هذي طال عمرك تزيدها زيت لكن تزيدها من الزيت الموصى به والمستخدم في صيانة الوكالة ( لا تستخدم زيوت مثل اي سي دلكو لانها بعد فترة تضر السيارة )
تبديل اماكن الكفرات اقرب بنشر بدلها x كل 10 الاف كيلو وتأكد من ضغط الهواء يكون 32 - 33 في كل الكفرات بس تأكد ان الكفرات باردة اثناء المعايرة يعني مثلا وانت طالع يوم الخميس الصباح اول ما تصحى مر اقرب محل وبدل اماكنهم x كل 10 الاف كيلو وتأكد انه ربط المسامير كويس ( لا يشد بقوة مررره ولا يرخي + خله يشد على المسامير بالصليب حق المسامير )
اي خدمات اخرى تحت امرك
انت ادخل المنتدى باستمرار وخصوصا قسم الصيانة بتلاقي الشباب الله يعطيهم العافية مسويين مواضيع مرتبة وشغل صح
يشرحون فيها كل شيء
الجدول كاتبين فيه غير فلتر المكيف وفلتر الهواء كل 20 الاف بس مدري منقي الهواء يقصدون فيه المكيف ولا فلتر الهواء عموما ما عليك منهم نصابين
خصوصا فلتر المكيف سعره غالي وزي ما قلت لك نظفه كويس مثلا كل 3000 - 5000 كيلو عشان تحافظ عليه اكبر مدة ممكنه + تحافظ على نظافة مسارات التكييف
يعني بعقلك مثلا بغير فلتر مكيف كل 10 او 20 الاف كيلو بـ 280 ريال !!!!!!!!!!!!!
اسمع في محل اسمه النعماني يبيع قطع هوندا اصلية اشتر منه اسعاره اقل من الوكالة وقطع اصلي اصلي