مشكلة : توقف قير أكورد 2004
السلام عليكم ورحمة الله وبركاته
هذي أول مشاركه لي في المنتدى << وجاي معاي بمشكله :d
طبعا ماني من الرياض ولا الشرقيه ولا جده
انا من احدى قرى الجنوب وما في حولنا ورش تشتغل على الهوندا ولا فيه فروع صيانه للهوندا حتى قطع الغيار والتشليح ماهي متوفر سواء في الباحه او العلايه او النماص الي متوفر بس فلتر زيت للمكينه وفحمات
نتجه للمشكله
بداية المشكله : كان زيت القير ينقص وشيكت عليه في ورش وما عرفوا وين مشكلة التهريب وصار القير يعطي نتعات وقت التغيير من نمره للثانيه ومو متوفر زيت هوندا والحل البديل اضافة زيت قير ايسي دلكو
التعرف على المشكله : مريت على ورشه وبعد محاوله للتعرف عليها وصل انه يفك الربله تحت الصدام ولقى تهريب من اللي الموصل بين القير و الرديتر قص الجزء التالف وركبه وشبك اللي وراح التهريب :rolleyes:
انحلت المشكله لفتره وجيزه لكن لسى فيه نتعات في القير وبس النمرتين 1 و 2 هي السليمه
مريت على ورشه وقلت اجرب تغيير للزيت وما يحتاج نقول جنسيه الي غير الزيت كلكم عارفين واقرب واحد بيقول الجنسيه
انحلت المشكله وصارت التغييرات تمام وخلصت مشاويري طوال اليوم وفجأه الا السياره تفتف ويطلع منها دخان ومن بنشر للثاني وكل واحد فيهم يعتذر
حتى حصلت واحد من نفس الجنسيه شيك على القير وقال الزيت زايد وفضى الزيت وطلبت منه علبتين احتياط عارف ان القير ودع وابغيه يوصلني للبت
طلعت من عنده ورجعت مشاكل النتعه في التغيير وزودت نص علبه وخفت النتعه والفضاوه قلت زيد النص الثاني ومشت معاي التغييرات تمام لكن لمسافة كم كيلو ثم توقفت السياره
تركتها جنب الطريق وكلمت واحد من الشباب وبعد كم ساعه رجعت لها وشغلتها وتحركت معاي ثم توقفت بعد مسافه
الحين اشغل او ما اشغل صار القير فاضي على كل النمر والسؤال
خبط القير والا ما خبط :d
اذا في حل لمشكلته من دون توظيب
اذا كان توظيب فاقرب مكان جده فوين افضل مكان اتجه له لاجل التوظيب في جده
اذا كان التوظيب بيرجع المشكله من جديد فوين احصل مكان لشراء قير وكم هو سعر الجديد وكم هو سعر المستعمل
بالاضافه لنصايح تقدمونها لان ما اعرف عن الهوندا شي وشكرا
