ليش تفصل السرعه على ...
السلام عليكم ورحمة الله وبركاته
اخواني الكرام انا عندي اكورد 2010 فل كامل 4 سلندر قير اوتو وطبعا لأول مره استخدم اكورد ومالي خلفيه عنها ابدا , بس الحمد لله السياره مريحه جدا وفعلا اذا قال خذ اكورد وريح بالك كلام صحيح كان عندي كامري رياضي وسوناتا بس والله ماتجي شي عند الاكورد ما شاء الله تبارك الله.
المهم ومافي السالفه كنت يوم مسافر وقلت خليني اجرب السياره كم تمشي لان الطبلون 260 فمشيت وتفاجئت بأن السياره تفصل على تقريبا 218 يعني تقرب على 220 ؟؟؟!!
طبعا انا والله ما احب السرعه ولا احب احتك بأحد عشان اجلس معه بالخط كله سرعه
بس بصراحه انقهرت لم شفت السياره تفصل على كذا
والي قهرني زياده انو كانت السياره مع اخويه راح فيها مشوار والتقى هو وصديقه معه هونداي النترا 2011 قير عادي , المهم جاء اخوي يقول لي والله سيارتك ماقدرت تلحق سيارة صديقي النترا :( قلت له كم مشيت قال مشيت لين فصل معي الطبلون حق الاكورد وسيارة صديقي كان ملزق فيني من ورا وهديت انا شوي وهو عداني وجيت الحقه مالحقته علما بأن طبلون الالنترا 220 يعني معقوله سياره مثل اكورد ومكينتها 2.4 وراسيه بالخط ماتقدر تجي بـ النترا مكينتها 2.0 بصراحه شي يقهر .
ليش تفصل على هذه السرعه ؟؟ يعني ماكملوها لـ 230 ولا 240
وهل فيه حل لكي ابعد هذا الحساس الي يخلي السرعه تفصل عند سرعه محدده بشرط انو ما يخرب شي بالسياره ؟؟
تحياتي لكم
