مشكلة جديدة في الأكورد 2007 .. مامرت على أحد !!!

السلام عليكم ...


بحثت في أغلب المنتديات عن هذه المشكله ومالقيت أحد كاتب عنها ...



واللي هي شاشة المسجل حقت الأكورد 2007 ( فل أوبشن) ... ترمش ...

هذه المشكله صادفتي قبل سنة تقريبا ... بس كانت ترمش تقريبا في الشهرين مره وحده ..

ألحين في اليوم مريتين ... ( الظاهر إنه بتودع :() ...

طبعا كيفية حدوث المشكلة أنها ترمش تقريبا خمس مرات وبسرعة لمدة ثانيتين تقريبا .. وهذه الحالة تكرر كل ربع ساعة تقريبا ...

وش الحل يالربع ...

على فكره ياشباب لقيت واحد ( من موقع أمريكي ) مشكلته مشابهة لمشكلتي .. وهي إن شاشة المسجل اللي عنده انحرقت وراح للوكاله وقالوله لازم تغير المسجل كامل بـ 1200 دولار ... الرجال سحب عليهم وراح لواحد من خوياه خبره وفك المسجل قطعة قطعة لين ماحصل الفيوز المحروق وغيره (( يعني الهرجة طويلة مره)) .

هذا الرباط :
No Display Radio Fix | Honda Accord DIY

اللي عنده حل ياشباب لا يبخل علينا ... :(

الف شكرررر على الموضوع الرائع

أذا خربت مره ركب شاشه جي بي اس زي اللي في موضوع اكسسوارات الاكورد.
سعرها ارخص من حقت الوكاله ومواصفاتها اعلى

اتوقع عندك سلك ملتمس في السجل شيكه عند محلت المسجلت وبعدن مره ثانيه حط الموضوع في قسم الكترونيات :mad:عشان تحصل الجابه الوفيه وشكرن

هذا الموضوع مخزن عندي من زمان وللأسف هذا هو الحل الوحيد اما توديه لكهربائي فاهم وهذي صعبه يبيلك تدور لين تطيح على واحد ممتاز او تبدل المسجل

لكن كهربائي فاهم اكيد راح يصيد الخلل ويشيل المقاوم الخربان ويلحم بداله جديد بنفس الرقم ويضبط

احتمال تكون البطاريه بتودع انا صارت عندي قبل لا توقف بطاريتي بشهرين
المسجل والطبلون صارو يرمشون

وبعد تغير البطارية رجع كل شئ طبيعي

^^^
كلآم سسليم :)

ششيك على البطاريه

ابدا بارخص الحلول وابسطها دائما

يعني شيك على البطاريه ثم رح لكهربائي

اول شئ الله يعينك
شوف اي واحد من اخويانك معه هوندا وخذ المسجل حقه وركبه عندك وجرب اذا راحته اكيد من المسجل حقك والفك والتركب مياخذ منك ربع ساعه ان شاء الله تتوصل الئ حل

• اول خطوة: شيك على البطارية والاهم تشيك على الاسلاك والاصابع حقت البطارية وتأكد انها مشدوده, ولا ااعتقد ان المشكلة من البطارية لكن شيك عليها مايمنع. :)

• الخطوة الثانية: شيك على فيوز رقم (5) إلي هو خاص بالمسجل قوة الأمبير {10A}.

(بالمرفق راح تحصل صورة توضح لك)

• الخطوة الاخيرة: محل تصليح مسجلات ويشوف المسجل, اما انه يشوف الشريحة إلي داخل لوحة التحكم (motherboard) او يشوف الاسلاك الموصلة للشاشة, إحتمال ضئيل ان المشكلة تكمن بالشاشة نفسها.

والله يسهل آمرك.