السلام عليكم
ومبارك عليكم الشهر الكريم
اعتذر عن انقطاعي الفتره السابقه للمنتدى
بصراحه يأخواني
انا كان عندي مشكله أعاني منها كثير
وكتبتها هنا بالمنتدى لكن ماأنحلت
الاخوان عطوني حلول بس مافاد فيها ولا حل
واخر حل جربته هو تغير البنزين من 91 الى 95 مع منظف الليات الموجود بالمحطات وتغيرت بشكل بسيط ورجعت ...
هذي مشكلتها كلها
كان عندي تقطيع بالسياره
ووديتها لورشة الجنووب وقالي كراسي المكينه والقير
وغيرتها كلها واخذت كراسي المكينه من النعماني
وكذلك القير
وغيرت البواجي بوقتها
وفلتر البنزين والهواء
وبعدها بفترة رجع التقطيع مره ثانيه
رحت غيرت بواجي مره ثانيه وغيرت فلتر الهواء
وسويت تنظيف للبخاخ بالمكينه الخاصه في التنظيف
وسويت تنظيف لمنظم الهواء اللي بين المكينه وبين فلتر الهواء ببخاخ أي سي ديلكوو
ولا راح التقطيع
بعدها بفتره
اذا صرت واقف ومشيت ودعست دعسه قويه ع البنزين الموتر يكتم شوووي وهمن يفز
واذا ثبت على الدعسه يبدا الموتر كنه احد يدوس ع البنزين ويشيل رجله
يعني يقطع ويحن وهو يمشي واذا مشى شوي وتعديت 90 يصفى ولا يصير فيه تقطيع
وديتها لورشه قالي غير الكويلات لان الكهرب ضعيف بالكويلات وفعلاً كانت الكويلات ضعيفه
وغيرت الكويلات كلها الاربع مع البواجي احتياط
والموتر تغير بشكل بسيط من ناحية الفزه يعطي أقوى من قبل
بس التقطيع وهو واقف على d ماتغير الا شي بسسسسسسسسسيط
بالنسبه للكتمه اللي تصير صارت قبل رجعت عقب ماغيرت كويلات
وكتمت مرره لحد ماطفت وهي وتمشي
ووقفت وشغلت الموتر واشتغل عادي ...
ودتها لورشه وقالي كراسي المكينه فيه المشكله قلت له الكراسي سليمه وش دخل الموتر يكتم ويطفى بالكراسي
وفحصت المكينه بـ 3 كمبيوترات وكلها تقول المكينه صااافيه 100%
ووديتها للوكاله وقالوا لي وقتها خل السياره عندنا 6 ايام عشان نعلمك وش المشكله وبصراحه 6 ايام كثيره عشان اعرف وش السبب
سيارتي اكورد 2006 4 سلندر
وماشي 194430 كم
----------------------
هذي مشكلتي السابقه مالقيت لها حل ..
الي تجدد بالموضوع ...
ان التقطيع زاد وصار فيه صوت كركركركركركر اذا صارت السياره واقفه وشغلتها
وللمعلوميه انا من النوع اللي احمي السياره 4 دقايق وامشي
واذا مشيت جاني هالصووت
وانا احس ان هالصوت يا الشمكان يضرب بالشاصي او اي شي داخل الكبوت يضرب بالبودي
لان فيه ناس قالولي يمكن اللي غير لك كراسي المكينه
لمس او حرك الشكمان وصار يضرب بالشاصي
وناس قالت لي موترك يبي له وزن بلووف
وعشان يوزن البلوف لازم يفك راس المكينه ويوديه لمخرطه ويخرطه ويصنفره ويرجعه وويوزن البلوف
------
قلت لهم اثبتولي انها بلوف او راس مكينه ...
جاء ميكانيكي وشبك الساعه ع المكينه وشغلت السياره وبالتشغليه الثالث للسلف
عطاني ميعار صفر
يعني الهواء صفر من جهه البوجي الرابع يعني البلوف اللي يمين المكينه
قلت له وش الحل
قال فك الراس وصفنر واوزن البلوف وترجع 100%
قالي اخذ 500 ريال شغل يد من غير الخرط والصفنره والمعجون والوجه وغيرها
يعني بتطلع تقريبا 1200 ريال
كلامه ماعجبني
ووديتها لو وفحصتها كمبيوتر وقالي حساس البنص عندك فيه مشكله ...
فكيت الحساس ونتظفته وفكيت قربه الهواء ونتظفها ولا راحت المشكله
ووفحصتها مره ثانيه وقالي منظم الهواء
فكيته ونظفته ولا فاد فيه
ووديتها لورشة الجنوب واتفاجى من كلامه
وقالي غير الكويلات والبواجي وتضبط
قلت له البواجي والكويلات جديده مالها 3 شهور
قال لالا غيرها وتشووف
واذا ماضبطت ودها الوكاله ...
عرفت ان ماعنده ماعند جدتي وانه مجرد سمعه على الفاضي
والحين انا موقفها بورشه عند واحد تركي
وقالي سيارتك يبي لها راس مكينه ...
قلت له ليش اغير الراس ليش مااخرطه
قالي لو خرطته بترجع المشكله مره ثانيه بعد اقل شي شهر
والخرط ماينفع لك لان راس الهواند اللمونيوم مو حديد
قلت له وش دراك انه يبي له راس مكينه
قال البلوف عندك سليمه والهواء عندك 165 يعني طبيعياً جداً
وان الهواء اللي يتهرب من البلوف يروح للشكمان
زبدة الكلام
انا احس ان هالتركي بيلعب علي ..
وانا للحين مخليها عنده وقلت له لا تفك الراس ولا تفك اي شي ..
للعلم .. سيارتي ماتنقص زيت .. ولا ترتفع الحراره أبداً
ولا تهرب ولا شي
ماادري وش اسوي ....
والموتر ماشي 200000 كلم
اعتذر الا الاخطاء الاملائيه ..... :$
