تحذير تحذير من فلتر المكيف

السلام عليكم ورحمة الله وبركاتة

اخواني انا صارت لدي مشكلة كبيره وكان السبب فيها بعد تركيب فلتر المكيف
القصة من البداية
بعد ماسمعت فى المنتدي عن قصة فلتر المكيف فى سيارتي حتي اتخلص من رائحة الغبار ركبت نوع من الشاش الخفيف حيث يحل محل الفلتر ولايمنع مرور الهواء من ساعة تركيب الفلتر طلعت المشاكل
عند تشغيل المكيف اكثر من 10 دقائق والسيارة واقفة ينقطع فيوز المكيف وحدث لى اول مرة بعد تركيب الفلتر ب اقل من ساعتين مع ملاحظة ان تركيب الفلتر كان دقيق فى نفس الاطار الى جاي بالمكيف ولايمنع مرور الهواء او يتسبب فى اى مشكلة سوي انة يمسك الغبار .
استمرت المشكلة اكثر من مرة والفيوز يقطع :( ونا جاهز للتغيير وتوقعت ان الامر عادي جداً
سافرت بالسيارة الى الامارات وما ان وصلت دبي طلع عندي صوت جامد مثل صوت الدباب :o
المهم السالفة طويلة :d صار مصدر الصوت فى الكمبروسر ووديتها لآكثر من ورشة قالو الكمبرسور انفجر ولازم تبديل ؟
بحثت كثير عن كمبروسر مستعمل ماحصلت وسعرة عند الوكالة 3200 وبعد الخصم 2500 درهم :o وكنت اسأل موظف الوكالة عن فلتر المكيف قال انة غير متوفر للسيارات الخليجية يعني السيارات الخليجية تجي بدون فلتر وسعر الفلتر الواحد 300 درهم يعني 2 ب 600 درهم
المهم سالفة الكمبروسر حصلت واحد جديد عن محل نفس كمبروسر الوكالة ب 1450 وشريته وركبه المهندس ولكن مافى تبريد مع العلم انة قام يتنضيف المواسير والرديتر وكل شي ولكن مافى فايدة المكيف يشتقل 5 دقايق ويطلع حار وخسرت اكثر من 800 درهم للتركيب والفك اكثر من مرة واخر مشكلة طلعت انه غير فلتر الهواء الى بداخل الرديتر ولانفع :confused:
ولمن كشف عليها مختص بالتكييف غير المهندس الى ركبة الكمبروسر قال لازم لازم تغير رديتر المكيف :o وتم تغييرة لأن رايش الكمبروسر بعد ماتكسر دخل وسط الرديتر وعطبه وبعده صلح المكيف وصار تمام التمام :cool:



عارف اكيد طولت عليكم ولكن رجع الفيوز ينقطع مثل بداية المشكله
وبديت استرجع انا وش سويت فى سيارتي علشان اتعذب هذا العذاب وتصير لى المشاكل
قل انا ماسويت شي غير الفلتر الى ركبته ؟؟؟؟؟ يمكن يكون هو السبب



وبعد ماشلت الفلتر الى انا ركبته ولله الحمد والمنه رجع مكيفي مثل ماكان :cool:


شوفو سبحان الله كيف شي تافة شسوالى وكم خسرني ولعوزني وعطلني



الحمد لله على كل حال
سيارتي crv 2003

ههههههههههههههههههههههههه
ما أقول الا يا شين القراده

:d

سامحني أخوي المحترف
والله ما أقصد الشماته لكن زي ما يقولون (شر البلية ما يضحك)

بعدين ياخي أنت مشتري سيارة قيمتها فوق الـ 70,000 مستخسر تحط فيها فلتر أصلي قيمته ما توصل 300 ريال ؟!
ولا ما سمعت بالمثل اللي يقول : (دلّع سيارتك تدلّعك) << من تأليفي

:)

الفلتر ياخي مايجي فى السيارات الخليجية وقيمة الفلتر600 ريال مو 300 عشان السيارة يجي فيها فلترين ولايوجد فى الوكالة يقول يجي طلبية ولكن حسب ماقال لى الكوظف بالوكالة السيارة ماتحتاجة

أجل إسمح لي أنا ما أقدر أفتيك

لكن أتوقع إن الشركة ما حطت الفلتر في سياراتها إلا وله داعي
يمكن هو اللي يصفي الهواء اللي يدخل على المكيف من الغبار وإذا كانت هذي شغلته أنا صراحة أشوف إنه ضروري جداً

هذا كله مجرد تخمين

وإن شاء الله الشباب يفيدونك أكثر

جزاك الله خير على التحذير ،،

والأصلي اصلي يابوي وريح بااالك :)

السلام عليكم ..
احس اني مقصود في هذا الكلام ..
طبعاً أنا غير مسؤول عن الشي الغلط الا سويته يا اخوي
انا استعملت الفلتر الا سبق وان تكلمت عنه الا وهو فلتر الشاش من صناعتي وظل لمدة شهرين في السيارة من غير اي مشاكل .. شلته قبل فترة ولو ما رميته كان جبته هنا في الموضوع وراويتكم كيف وسخ وينفض غبار ...
طبعا وضعت فلتر جديد قبل اسبوع وهو فلتر الشاش والحمد لله ما فيه مشاكل ..

ممكن تشرح لنا كيف ركبت الفلتر حق نتأكد .. ترى في سلك قريب جداً وهو سهل الفصل وفصله يلغي مهم الكمبرسر ... انت متأكد انك ما فصلت شي ؟؟

الفلتر ويييييييين والكمبروسر وين

مشكور اخوي الهادف على الرد ولاتحسب اني والله اقصدك انا ركبته تركيب جيد من دون ما اغير شي فى المكيف وقد اطلعت على طريقه تركيبه فى عدة مواقع اجنبيه مهتخصصة وكذالك لدي كتلوج مصنع يعني كل مسمار فى السيارة موجود وطريقه عمله وتفكة وتركيبة وهذا الشي الى ساعدني



الاخ اتش الفلتر ويييييييين والكمبروسر وين راجع كتلوج التركيب وتجد انه فى سنسر اوحساس يمنع من اختبار درجة البرودة داخل السيارة حتي يعطي امر للكمبروسر امر بالتوقف الموقت او انة يفصل عند درجة برودة معينه ! الى صار ان الحساس اللتغي دوره وصار مايعطي الكمبروسر امر للتوقف بسبب وجود عائق مثل الفلتر او القماش او ماشابه وصار مايفصل ابدا ومن هنا انفجر الكمبروسر من العمل المواصل لأكثر من 10 ساعات مع درجة حرارة الجو الخارجي والمحرك

للمعلوميه هذا كلام مهندس متخصص وليس كلامي والدليل بعد مافكيت الفلتر رجع المكيف كما كان مع ان الموظف بالوكالة اخبرني بأن الفلتر مايجي للسيارات الخليجة يعني للسيارات الاوربية والامريكية والطقس لديهم مو مثل منطقة الخليج يصل فوق 55 درجة مئويه يعني مايفرق لديهم والكمبروسر مايتحمل مثل هذا الحمل والله اعلم

الاحتمال الاقرب انك زودت شوي من الشاش

فصار يقاوم مرور الهوا .. و سبب جهد زايد على الكمبريسور

فكان يسحب كهرباء زياده و عشان كذا يخرب الفيوز

و بعد فتره من انفقع الكمبريسور من الجهد

اقتباس:

---

المشاركة الأصلية كتبت بواسطة accord 06

الاحتمال الاقرب انك زودت شوي من الشاش

فصار يقاوم مرور الهوا .. و سبب جهد زايد على الكمبريسور

فكان يسحب كهرباء زياده و عشان كذا يخرب الفيوز

و بعد فتره من انفقع الكمبريسور من الجهد

---

كلام يكتب بماء الذهب >>>> لا تنشق الطاقية يا accord 06 :d



هذا الكلام السليم :cool:

وأظن أخوي اللي قال للأعضاء سوو الطريقه

أول شي كان يقصد الأكورد من 2003 الى 2005 يعني ماله دخل بغيرها من الموديلات او انواع السيارات لانه مجرب على الأكورد 2003 -2004-2005 علمنا بتجربته >>> شرايك بالفزعه


ثاني شي اتوقع انه قال انا مالي شغل باللي ما يعرف يسوي كذا

ثالثا على قولت B Unique :d (دلّع سيارتك تدلّعك) :d

لو انك مركب تجاري ان وجد افضل من انك ترهم

بعدين السيارة موديلها جديد 2003 مو قديمه جديده مره بعد

لو انك ما استخسرت عليها الـ 600 ريال كان افضل

عموما الحمد لله يمكن خيره لك ان ينفقع الكمبروسر ما تدري

والحمد لله على سلامتك اولا واخيرا


موفق خيوووو :)

اهلين ..
الفلتر السميك لي يحجز مرور الهواء ما اتوقع يأثر .. لأن المروحة الا تدفع الهواء للمقصورة تدورة بسرعة ثابته سواء كان المجرى مسدود او مفتوح ..
انا سبق وجربته لمدة يومين .. صحيح ان يخفف من قوة دفع الهواء بنسبة كبيرة لكن ما أثر عندي لا على فيوز ولا على شي ثاني ..
وشكراً

طيب اخوي الهادف لو كان فيه هواء محبوس بين الفلتر و المروحه

تتوقع تشتغل المروحه بنفس سرعتها و جهدها الطبيعي ؟

و لا تحتاج جهد اضافي عشان تدفع الهواء



أكورد 2006 نفس اسمي :p :d

اقتباس:

---

المشاركة الأصلية كتبت بواسطة accord 06

طيب اخوي الهادف لو كان فيه هواء محبوس بين الفلتر و المروحه

تتوقع تشتغل المروحه بنفس سرعتها و جهدها الطبيعي ؟

و لا تحتاج جهد اضافي عشان تدفع الهواء



أكورد 2006 نفس اسمي :p :d

---

اخوي Acoord 06
شوف اي مروحة في بيتكم وشغلها لمدة ربع ساعة وبعدها تحسس حرارة الماطور ..
شغل نفس المروحة بعد 12 ساعة ولنفس المدة لكن ها المرة غطي مجرى دفع الهواء بكيس يمنع عبور الهواء منعاً باتاً وتحسس درجة الحرارة ..

اذا كلامك صحيح من المفترض ان يدك تحترق في المرة الثانية ..