مالفرق بين التقسيط والتاجير ؟ وأيهما افضل ؟ وكم قيمة الاكورد V6 سلندر فل اوبشن نقدي وبالتقسيط وبالتاجير ؟ وكم النسبة في كلا النوعين accord 2008؟
عرض للطباعة
مالفرق بين التقسيط والتاجير ؟ وأيهما افضل ؟ وكم قيمة الاكورد V6 سلندر فل اوبشن نقدي وبالتقسيط وبالتاجير ؟ وكم النسبة في كلا النوعين accord 2008؟
هلا اخوي ديار 2007
بالنسبة للتقسيط شروطه شوي معقده من اعقدها انك تجيب كفيل وشرط يكون موظف حكومي:mad: ومو من الاقارب وعمره ما يتعدى الـ 60 هيا روح دور ع واحد يكفلك مو بالسهل الحين تلقى واحد يكفلك :mad:
اما التأجير صراحه مريح البشرية كلهم ولو مافي تأجير كان ما لقينا زحمة بالرياض ::::d
اما مزايا التأجير: اول شي تكون السيارة مؤمنه تامين شااااامل لك ولغيرك;)
بعض الاحيان يكون بدون دفعة;)
تقدر ترجع السيارة في اي وقت تبي تغيرها تستبدلها او ما تبيها بس تدفع الفرق
اي حادث لا قدر الله يصلوحها لك وكااالة مهما كان الثمن ولا تدفع شي (( بس رسوم بسيطه)):confused:
اتمنى اني قدرت افديك يا خوي بس بالنسبة عن اسعار الـ 2008 ما عندي فكره عنها
تحياتي لك
أمير
تبغا نصيحتي بعد ما سمعت كلام كثيييييييير عن التقسيط والتأجير
زيد على نفسك شويه بالتقسيط !! بس لاتااخذ تأجيييير
لانك مثل الي يحرق فلووسه واللله حراام علييكم يا النااس !!
المهم عقل وعندك والحمدلله ... وتسوي الي تبغااه ...
اعذرني على طريقتي الهمجيه بالرد لكن انا معاارض كثير لفكرة التأجير
وتقبل تحيااتي
هذي كثر منها
لان واحد من الشباب مأخذ له سيارة عن طريق الراجحي ودفع تقريبا 18 ألف من قيمتها
وهي محسوبه عليه 90 ألف المهم قالوا إذا تبي ترجعها لازم تدفع حوالي 18 ألف حقت الكيلو مترات
الي مشيتها ومدة الإيجار وما فيا أي استبدال ما فيه الإ ارجاع مع دفع مبلغ محترم
ثانكس
وازيد على كلامك اخوي امير الهنادي ان التقسيط السيارة تكون باسمك وتقدر تبيعها اما التاجير باسم الشركه وماتقدر تبيعها الى ان ينتهي العقد
ارباح التاجير اعلى من التقسيط لانه عليه تامين شامل
يعني ان كان عندك كفيل نصيحة التقسيط احسن وتشيل السياره من عند الوكاله على سطحه <<علشان ماتقولي لو سويت حادث وانا رايح لشركة التامين:d
وتروح اقرب فرع للتعاونيه تقريبا السنه ب2200 ريال <<يرجع لنوع السياره
وعيش حياتك
ومبروك مقدما:cool:
تقبل مروري
يعني انا موظف وباخذنظام التقسيط لازم كفيل
اذا راتبك ينزل على البنك هو اللي يشتري لك السياره ويسوي استقطاع
على العموم انت روح للبنك او المكان اللي بتشتري منه واسال
وللعلم ياغالي اخر رد في الموضوع
05/03/2008
يعني الموضوع صار له 3 سنوات تقريبا واحتمال في تغيير بعض الانظمه !!!
الفرق بين التاجير والتسيط
التاجير : نظام التاجير ان البنك او الوكاله تاجر منك السياره بعقد بينك وبينها بان السياره تكون ملكك بعد انتهاء العقد
وهو عقدين في عقد واحد وهو التاجير والتمليك
البيع مع الوعد بالتملك
اما نسبه البيع فتكون على حسب الفرع اللي انت ماخذ منه السياره فمثلا البنوك اقل نسبه يتفاوت من 5 الى 8 بالميه نسبه التاجير اغلب الوكالات ما تبيع بالتاجير بل تبيعها للبنك والبنك يبيعها عليك
في حاله ارجاع السياره كما ذكر الاخوان تحسب عليك الكيلومترات انا حسب ما اذكر الاخوان ان كل اثنين كيلو بريال حسب العقد يعني قبل لا تشتري السياره اقراء العقد وطبعا اغلب الناس ما تقراء العقود
انا يوم جيت اشتري السياره وقريت العقد جلس المصري يمتحني وقع وقع قلت له انا مو راح اشتري والعقد انا ملزم فيه خلاص لازم اقراه والله جلست ممكن 10 دقايق اقراء فيه وكله على راسك
اما بالنسبه للتقسيط:فهو بيعك السياره وتنقل الملكيه باسمك وبس النسبه للتقسيط تكون عاليه
بحوالي 10% وفيه مقدم عالي خاصه عند عبدالله هاشم تتفاوت من 8000 الى 15000 حسب راتبك
السياره ملكك تقدر تتصرف فيها مثل ما تبي
الميزه في التاجير ان لو السياره انصدمت هم يتحملو بس ممكن ما تسترجع من فلوسك ولا شي
التقسيط لو صدمت لا سمح الله عندك التامين يغطى تكاليف وفي حاله عدم التامين التشليح وهذا الافضل
لان التامين راح يسترجع لك فلوسك
اتمنى اني افدتك
غريبة ماحد تكلم عن حكم الايجار منتهي بتمليك ؟؟؟؟
بس بنصحكم على شي انا شفته بعيوني كانت عندي يارس 2010اخذتها ايجار منتهي بتمليك من ابو جميل :dوربي مااكملة معاي شهر ونص ورجعتها تخيلو مره عند اشاره انصدمة من ورا عاد راحة البوية حقة ركنية الصدام وانطعج الصدام و3 مرات تنصدم وهي واقفه :(بس الحمدلله كلها خفايف ورجعتها وطالبوني 13الف ريال :eek:والسياره توها ماشيه 7000كيلو قلت ماعندي قالو جيب احد ياخذها منك عاد الحمدلله تصرفة السياره ;) وجارنا كان عنده كورلانفس الحكاية دقات لحد اخر مرره راحة تشليح واخذ يارس وربي الحين كن موديلها 77 مدقوقة من كل مكان والقصص كثيره ولا ابي اطول بس الزبده الايجار منتهي بتمليك ماافيه بركة والدليل عند الشباب الي ماخذين بالايجار واسف على الاطالة
^
^
أنا حاولت أنبه أحد الأخوان في تلك الفتره ( http://www.hondaarabia.com/club/t16124/ )
و والله أنك صادق المال الحلال تحس فيله بركه