صوت فاجأني

السلام عليكم
مبروك عليكم الشهر الفضيل
أعاننا الله و إياكم على صيامه و قيامه
أنا اليوم وأثنا مروري بأحد الشوارع فاجأني صوت بالجهه اليمنى تحت أحد الأبواب (الأمامي أو الخلفي) و كأني دعست بس أو كلب أعزكم الله أو كاني دعست على غطأ صرف صحي أعزكم الله و ضرب بالبدي من تحت و قتها كنت أمشي مابين 40-50
صفطت على جنب عشان اشوف ايش اللي صار و شيكت على أسفل الموتر و على البدي لم ألاحظ أي شيء و رجعت و شيكت بالشارع هل يوجد حجر أو غطأ صرف صحي أعزكم الله أو حيوان مدعوس:d أو حفره فلم أشاهد أي شيء يذكر
أرجو من مر عليه هذا الصوت أن يفيدنا
(كل رمضان و أنتم بخير)

طيب الصوت تكرر مره ثانيه ولا لمره واحده ؟

إذا تكرر حاول تحدد الصوت من وين بالضبط وشوف لك اقرب ورشة ادخل بالحفرة حقتهم وشيك ممكن يكون فيه حديده. :)

لاوالله أول مره اسمعه

كوارداوي

أنا والله صاري مثل إللي صار لك بالضبط ولا أدري شالسبب

والله شيء يحير

سلطان2010
لا تشتكيلي و أبكيلك
:d

ماعندك شي يمكن دعست بس لان البس لو دعسته دائما يحاول يروح لجانب الطريق او يهرب ويموت في مكان بعيد عن موقع الضربة

امشي وتوكل على الله واقرى على سيارتك وما فيها الا العافية

هلا أخووي لا تخاف ولا شي أنا دايم بسيفيك ادعس حصى وقزاز واسمع صوت لكن دامك سمعته مرره وحده بس أكيد أنك وطيت شي وصقع في تحت الموتر ولا اتوقع انشاء الله فيه شي وبتوفيق أخوووي...

بلال علمي
عاشق سيييييييفك
أنا ناضرت الطريق بالمرايا الجانبيه
لا بس و لا شيء و لا حتى دم

اقتباس:

---

المشاركة الأصلية كتبت بواسطة كوارداوي

بلال علمي

عاشق سيييييييفك
أنا ناضرت الطريق بالمرايا الجانبيه

لا بس و لا شيء و لا حتى دم

---

اي مشكلة اسفل السيارة تكفيها نظرة لاجل تعرف اذا فيه مشكلة او لا

روح غسل سيارتك بستم وخليه يرفعها وشوف بنفسك اسفل السيارة

والله صارت معاي قبل رمضان بكم يوم بشارع رئيسي .. و جاني صوت ضرب قوي تحت السيارة يمين

وقفت على جنب و صرت اشيك تحت السيارة لا يكون ضرب شي بس كل شي طبيعي

و تقريبا على نفس سرعتك

بس انا اوريون :confused:

انا قد صارت لي بس انا صدمت بسه بالصداام الامامي

وبالاصح دفيته على قداااام ومامات >>من جد بسبعه ارواااح:d

انا قد صارت لي سمعة صوت
وانا امشي واطالع المرايا واشوف
قطو جالس يخمس كسرت رجله ....
بس وربي انبني ضميري ....:(
وانا اتوقع انك دعست على حصاة
بالكفر الي قدام وضربت بالبدي ...
امورك بخير لا تخاف يالغالي...:cool:

اخوي الصوت انتبـه منه ولا تتساهل فيـه

اتوقع الرمان بلي حق الهوب على وشك يعلق عندك او متكسر لأنه شي ماراح تقدر تشوفـه

اتمنـى تحاول تحدد مكان الصوت من اي كفره وفك الكفر عند ورشة تغير هوبات وشف وش راح يقولون لك

وياليت ترد لي إذا كلامي صح وإلا لا

اذكر الله

أشكر كل من تفاعل مع موضوعي
أسم ينطح أسم
و عسى الله لا يريكم صوت ولا مكروه
سين سؤال:
أيش علامة خراب الرمان بلي
يعني هل فيه صوت يدل على خراب الرمان
(لأني الآن ما أسمع أي شيء و الوضع طبيعي)
وسؤال آخر:
إيش اللي يخرب الرمان بلي

^

والله بالضبط وش يخربه ما ادري

بس انا طبيت بحفره وانا مهدي مرره مررره وفي طيـن بالحفره

وبعدها طلعت منها ما اقول اللهم يارب في هذا الشهر من كان سبب فيها إنك تعاقبه يارب


طلعت منها إلا والسياره فيها صوت احسبه من الطين

بس باقي موجود المهم الصوت كأنه داخل الكفر

نزلت اشوف بالليل لأن الصوت عيا يروح إلا الهوب شوي ويشب نااار :)

واروح عند ورشه يشووفنون وش السالفه قال الرمان حق الهوب خربان متفـتـت

ورحت شريت الرمان بلي بـ300 وصلحتها واختفى الصوت

^^
صوت الرمان متواصل مع المشي وكل مازادت سرعتك كل ماكان الصوت اوضح


وصوته مزعج جداا ...

ماحصلك اكيد حصا طق الموتر من اسفل السيارة وانت تقول الصوت مره وحده وراح يعني اطمئن سيارتك مافيها الا العافيه ماشاء الله تبارك الله ...

الملك أكورد
يعطيك العافيه على المعلومه

لا توسوس وانا اخوك

وكانك تبي تتأكد رح لأقرب ورشة وخلها يشوف الموتر

وانا اليوم جا صوت في الكفر اللي قدام يسار . صوت كذا طققق اول مره اسمعه
سيارتي ما كملت 400 كيلو :mad: