قدر الله علي وسويت حادث :(

بسم الله الرحمن الرحيم

قدر الله علي وانصدمت من ورا يمين وهج الموتر وبالرصيف صدمت بالكفر الايمين قدام وتعدل الموتر :(
صوره توضيحيه للحادث والغلط كان على اللي صادمني 100% بكستاني سواق مع النترا قديمه مجاه شي غير الرفرف الايسر قدام

http://www.alhnuf.com/up/pics-gif/up...216d1c26b4.png

صور للسياره بعد الصدمه :(

http://www.alhnuf.com/up/pics-gif/up...c35feeac9e.jpg

بhttp://www.alhnuf.com/up/pics-gif/up...560c9cd97e.jpg

.....
...


الحمدلله على كل حال
عندي الدركسون مايل يعيني امشي سيده والدركسون لاف يسار
الكفر الايمن مايل يسار شوي اذا مشيت تسمع صوت الكفر كني لاف مع ملف
والسياره تحذف يسار
ولمة الايرباق ولعت ...! والارباق ما طلع
والموتر اروح واجي عليه عادي بس صوت الكفر اذا هديت
وما اسرع عليه عشانه يحذف
المصيبه ان الموتر موتر اخوي :( مسكين
قيمة التصليح على التأمين الباكستاني اللي صدمني
لاكن ..! التسعير من شيخ المعارض ..!
بس يشوف السياره ويقدر من راسه كني جاي ابيع مو كني ابي اعرف كم يسوا تصليح السياره .!
فعشان كذا انا خايف يطلع سعر التصليح اكثر من الالتقدير :(
وبخصوص شبكة الهنوف هذا مو اعلان هذي من مركز تحميل الصور :rolleyes:
___
وعندي مشكله طلعة لي الحين اللي هي ان اذا دقيت سلف الطبلون يأشر والبوري صوته ضعييف يعني الكهر ضعيف
واذا عطيتها اشتراك مشت شوي وطفت .!
___

المهم كم تتوقعون يكلف تصليح اضرار الصدمه ؟

هذه بعد التقدير وتخلص امورك مع المرور.

لازم تتأكد من المبلغ والتقدير , عشان لو حصل لك تصلحها بالوكالة أفضل لك

وانت ماراح تدفع شيء << وهذه اريح لك بكثير!

المهم تتيسر امورك إن شاء الله , وإذا ماحصل لك بالوكالة اقرب ورشة كويسه إذا انت بالرياض شوف صناعية الشفا فيها ورش كويسه

وبخصوص لمبة الأيرباق متى طلعت بعد الحادث ولا قبل؟

والمشكلة الأخيرة إحتمال كبير من البطارية وهذه علاماتها معروفه , وشيك عليها قبل لا تغير

وإذا كان الضمان ساري غيرها على الضمان واستفيد منه عشان ماتدفع وبعدها تتحسف!.

والحمد لله على السلامة.

اقتباس:

---

المشاركة الأصلية كتبت بواسطة King

هذه بعد التقدير وتخلص امورك مع المرور.

لازم تتأكد من المبلغ والتقدير , عشان لو حصل لك تصلحها بالوكالة أفضل لك

وانت ماراح تدفع شيء << وهذه اريح لك بكثير!

المهم تتيسر امورك إن شاء الله , وإذا ماحصل لك بالوكالة اقرب ورشة كويسه إذا انت بالرياض شوف صناعية الشفا فيها ورش كويسه

وبخصوص لمبة الأيرباق متى طلعت بعد الحادث ولا قبل؟

والمشكلة الأخيرة إحتمال كبير من البطارية وهذه علاماتها معروفه , وشيك عليها قبل لا تغير

وإذا كان الضمان ساري غيرها على الضمان واستفيد منه عشان ماتدفع وبعدها تتحسف!.

والحمد لله على السلامة.

---

خلصت كل شي بس باقي التأمين بس انا ابغا اعرف كم تكلف عشان اقدر اعرف اقدر ازينها . بالمكان اللي ابي ولا لا
لمت الايرباق طلعت بعد الحادث :( بس الايرباق ما طلع
..
وش جاب الموضوع هنا انا حاطه بمنتدى الصيانه ..! وش اللي نقله هنا :confused:
ارجوا من المشرفين نقله للمنتدى المطلوب :rolleyes:

موضوع عن الصيانه بقسم توب شيلد :d

أخوي شكل موضوعك ما ارتاح بقسم الصيانه جا هنا حاول تدركه لأن المواضيع تناقز سم تايمز

معوض خير ان شاءالله

و الحمدالله انه ما جا شي للمكينه