السلام عليكم
شباب وش رايكم هل يحتاج تغير الزيت في فصل الشتاء بنوعيه ثانية غير فصل الصيف ؟؟
وهل 10 دبليو 30 مناسب لكلا الفصلين ؟
عرض للطباعة
السلام عليكم
شباب وش رايكم هل يحتاج تغير الزيت في فصل الشتاء بنوعيه ثانية غير فصل الصيف ؟؟
وهل 10 دبليو 30 مناسب لكلا الفصلين ؟
وعليكم السلام
زيت 15w40 و10w40 مناسب للصيف والشتاء .. 15W40 هي أعلى لزوجه مسموح بها بكتالوج السياره ( اكورد 2006 )
http://store2.up-00.com/Nov12/2Eo16356.jpg
10W40 أحسن من 10W30
فيه زيت باللزوجه هذي 15W40 اسمه موبيل SUPER XHP
وفيه زيت باللزوجه 10w40 اسمه كاسترول ماجناتيك
بالشتاء عندنا درجة الحرارة ما تنزل عن الصفر
بعض الدول الأجنبيه ثلوج .. عشان كذا يحتاجون زيوت تخليقيه وخفيفه .. عشان ما تتجمد و عشان تتوزع بسرعه
كل ما زادت الأحمال والضغوط على الزيت والمكينه ( مكيف + حرارة عالية + سرعه + أجواء غبار + تحميل + الخ... ) تحتاج لزوجة عاليه
واللزوجه يتم اختيارها حسب كلام الكتالوج ونوع وحالة المكينه
يعني لو سيارتك قديمة جدا وماشيه كثير .. اتوقع ما ينفع لها الزيت الخفيف 10w30 .. وممكن يسبب لك مشاكل او يصير الزيت الخفيف ينقص كثير
والله يا خوي في الكتالوج مكتووب عاادي لكن لمن أقول للناس اني اعبي 30 دبليو 10 للسيارة في الصيف كثير يقولوا تخرب وهيك خصوصا انس ما اغير الا بعد 6 الاف تقريبا
اللي يعجبك في 30 دبليو 10 أنه متوفر بكثرة
انا حاليا استخدم بالشتاء 10W30 بعد ما كنت أستخدم 20W50 والتغييره الجايه قريباً 15W40اقتباس:
المشاركة الأصلية كتبت بواسطة راعي هوندا99
بس أنا راعي سرعه ورجلي حاره وقير عادي يعني يهيض ويحمّس .. وأبي أفضل حمايه للمكينه و لو ألقى زيت عادي (غير تخليقي) 10W40 كان إستخدمته بدل 10W30
بالنسبه لـ 10W30 فيه ناس ما شاء الله سواقتهم هاديه جدا ومعودين سياراتهم على الزيت الخفيف
لكن 10W40 أحسن وأحدث من 10W30 .. ويجمع بين فوائد الزيت الخفيف ( سرعة انتشار وتوزع الزيت خصوصا بالشتاء ) والثقيل ( حمايه افضل ) .. وينفع صيف وشتاء وما تشيل هم الزيت
فيه فرق بين 20W50 و بين 10W30 .. من ناحية ( سرعة توزع وانتشار الزيت بالشتاء + صرفية البنزين + العزم + والخ ... ) كلها لصالح 10W30
10W30 و 10W40 بالشتاء عند بداية التشغيل نفس بعض .. لأن كلهم 10
لكن 10W40 يعطي حمايه أفضل للمكينه بعد أنتشار وتوزع الزيت وتحمية المكينه .. لأنه 40
كل ما كان الجو حار + أحمال عاليه .. كل ما أحتجت لزوجة أعلى عشان تكون الحمايه ممتازه
كل ما كان الجو بارد جدا أو ثلوج .. تحتاج لزوجه أقل عند بداية التشغيل يعني مثلا 5W40 أو 10w40 أو 5W30
انا ان شاء الله راح استخدم 15W40 بالصيف و يمكن استخدمه حتى بالشتاء ..
واذا حسيت انه ثقيل بالشتاء بستخدم 10W40 أو 10W30
20W50 يقلل العزم شوي ويزيد صرفية البنزين شووووي و لا يتوزع وينتشر بسرعه بالشتاء مثل الزيت الخفيف
و بما أن اللزوجه هذي 20W50 غير مذكوره بكتالوج الأكورد لازم ما نستخدمها الا عند الضرورة ( مع أن كتالوج السياره ما كتبوا فيه لا تستخدم 20W50 )
وترى فيه ناس يستخدمون 20W50 بالأكورد ولا عندهم مشاكل , لكن للاحتياط والأمان والوسوسه بنطبق كلام الكتالوج
وخير الأمور أوسطها
بعض السيارات الإمريكيه مكتوب بكتالوجها لا تستخدم 20W50
- أنا أغير زيت في الوكالة بترومين الترا سفن 15W40
وش رايك فيها هل هي مناسبة لمن يسكن في الرياض ؟
وماذا تعني بالتفصيل ؟
وايش الفرق بين زيت تخليقي وزيت غير تخليقي وايش الأفظل ؟
شكرا لكم