السلام عليكم,,,,
كيف حالكم,,,,
ابطلع لوحه طويله وحده من الرياض وش مطلوب مني ,,, انا سمعت الدفع عن طريق بنك الراجحي طيب اذا عندي حساب يمدي من الصراف واذا ما عندي لازم اروح البنك؟؟
السياره باسم الوالد وانا ماعندي تفويض لازم يجي صاحب السياره ولا عادي اذا كان من نفس العائله؟؟؟
اسف على الاطاله وارجوا منكم الافاده,,,:rolleyes::rolleyes::rolleyes:
والسلام عليكم ورحمه الله,,,
وعليكم السلام
ابروح معك انا بعد ابطلع لوحه
اذا كانت السياره نظام تاجير الضاهر ماتقدر
اذا كانت كاش عادي بس لازم يجي راعي السياره وتروح مرور عليشه تعطيهم لوحتك ويبدلونها لك تدفع الضاهر 100ريال
عليشه:eek:
لازم لك ملف اخضر علاق
صورتين شخصيه لك وتكون شمسيه والخلفيه زرقا
صورة من صك ملكيه البيت او عقد الايجار أيهما ياتي اولاً
صوره من سيارتك
صوره من اسم شارعكم
وابد جبها لي ومالك هم
فوتكووو بعافيه
مايبيلها شي وانا اخوك
خذ صوره من استمارتك ورح للمرور قلهم ابي لوحه طويله ادفع لهم خمسين ريال(للوحه الوحده)
وتعال لهم بعد الظهر خذها
حتى لو السياره باسم ابوك
والا باسم علي عطيه
عادي اهم شي صوره من الاستماره
ولارحت تستلم اللوحه فك اللوحه القديمه وعطهم
فوتكوووو بعافيه
ترا الظاهر نظامهم تغيّر الحين .. تسدد عن طريق الراجحي او الرياض و تاخذ معك الايصال انك سددت .. و معك ما يثبت ملكية السيارة ..
هذا الي اذكره , وتراني ماني متأكد
كلامك مظبوط 100% بس الحين الوضع تغير صار لازم تدفع عن طريق الصراف يابنك الراجحي او الرياض معاد فيه كاشاقتباس:
المشاركة الأصلية كتبت بواسطة Accord 4 EvEr
الشباب كفووا ووفوا مابقي شيء اقوله الا بالتوفيق
سلام عليكم
حسب كلام خووويي راح بيطلع لوحة طويلة قالو انتظر اللوحااات الجديدة الحين موقفين على لوحات الطويلة والله اعلم
باختصار شديد انا مطلع اللوحة الطويلة الاربعاء الماضي للاكورد تبعي والخطوات هي كالتالي:
1- اول شي تأكد انه ما عندك قسايم
2- تروح لادارة التموين في حي عليشة والوصف كالتالي :
امش مع شارع الملك فهد وانت متجه للجنوب اذا جيت شارع الوشم خذ يمين ، امشي مع شارع الوشم وانت متجه غرب الين يقفل الشارع في وجهك ( تقاطع تي ) رح يسار وبالامارية الشارع هذا اسمه ( شارع الامير سطام بن عبد العزيز ) امشي على طول بعد اشارتين بالضبط تجيك على اليمين ، وانتبه لها زين ترى لوحتهم ماهي بواضحة لكن الرصيف تبعهم حاطين صبات لونها ابيض .
3- اول ما توقف تحصل شباب سعوديين في الشارع يقول لك سدد عندنا بالهاتف المصرفي ( طبعا اللوحة الوحدة قيمتها 50 ريال ) لكن الشباب ياخذون عليك تقريبا 25 ريال زيادة بس يريحونك من روحة البنك لان الادارة ما تأخذ كاش
4- اهم شي تكون معاك الاستمارة ومو لازم صورة
5- تطلع الدور الثاني وتقدم طلبك وعلى حسب الزحمة ان كان قالك تعال بعد الظهر 2.30 او انك تجي بكرة 2.30 الظهر وسلامتك
ادعيلي بس :d
مشكوووورين وماقصرتوا على الردود,,,, اخوي Accordi 2007 http://www.hondaarabia.com/club/imag...er_offline.gif
عضو
كفيت وفيت وما قصرت لاتخاف ابدعيلك ,طيب ما اقدر اطلعها الامن عليشه يعني من قسم مرور الغرب مايمديني؟
طيب الدفع وين يكون
اقتباس:
المشاركة الأصلية كتبت بواسطة netro
ما سويت الا الواجب
ولازم تطلعها من عليشة لانه الادارة اللي في عليشه هي ادارة التموين ومو ادارة مرور ولانه اصلا المكينة اللي تسك اللوحات عندهم
وتحياتي
اقتباس:
المشاركة الأصلية كتبت بواسطة ابو محمد
زي ما قلت اخوي في ردي الاول تلاقي شباب سعوديين عند باب الادارة من غير ما تتكلم يجي ويقول لك نسدد عنك بقيمة رمزية ونريحك من روحة البنك
تحياتي
اقتباس:
المشاركة الأصلية كتبت بواسطة netro
تراه عليشه قريبه من مرور الغرب ؛؛يعني بالعربي موب مشوار
تم استخراج اللوحه بنجاح وشاكر للجميع
تعرف علي عطية او تشابه اسمااااااااااااااااااء:eek::eek::dاقتباس:
المشاركة الأصلية كتبت بواسطة Accord 4 EvEr
يارجال مالها الداعي اللوحات الجديدة قاااااادمة من بعيد
سؤال : يعني الحين لو السيارة تأجير منهي بالتملك وباسم الشركة يحق لي اطلع لوحة ؟
ما يبيلها شيء سدد عن طريق الصراف 100 ريال وخذ الايصال للمرور بس حاول قبل الساعهـ 10 صباحا وبيقولك تعال الساعه2 ;)