عرض للطباعة
محتار بين الثلاث سيارات
1- الاسعار
2- المواصفات
3- وش الاكثر راحة وعملي
4- من سبق له استخدام الهوندا خصوصا 2006 او 2007
5- فيه حاجة تخوفني في الهوندا قطع الغيار والصيانة وعدم كثرتها في الديرة رغم انها منتشرة بشكل كبير في بريطانيا (الحجم الصغير ) مع العلم اني اسال عن الكبير 8 مقاعد
ارجوا النصيحة منكم
شوف بصرراااااااااااحة الصراحه ... ومع اننا نتكلم من خلال نادي هوندا .. لكن أنت ماتبي المجاملات صح ..؟ واحنا مانرضى عليك اننا نمدح جيب هوندا وهو فيه عيب مثلا أو مو أحسن من البرادو أو الباث فايندر .. علشان كذا أنا راح أكون صادق معك .. وياليت اذا في أحد متعصب انه مايزعل علينا ..
لو أنا محلك راح أختار وبدون تردد البرادو .. ليه ..؟
أولا / البرادو فيه ميزه يتفوق فيه على جيب الهوندا Mrv وهي نظام الدفع الرباعي المستمر ..
فجيب الهوندا مافيه هذي الميزه والدفع الرباعي فيه في حالة التغريز بس .. طيب بتقولي أصلا أنا ماأحتاج الدبل الا في حالة التغريز ... لا .. الدبل يفيدك بعد لما تكون طالع على كبري مثلا .. فالدفع المستمر تشوفه أرسى وأقوى عزم من الدبل الثاني ..
وللمعلوميه مافي فرق بين السيارتين من ناحية سعر .. ومعلومه ثانيه ان جيب الهوندا صناعه أمريكيه مو يابانيه ..
ثانيا / البرادو أفضل من الباث فايندر في قوة التحمل فمعى مرور الوقت تلقى ان الباث فايندر تغير عليك .. يبدأ يتفكك حبه حبه .. طبعا من غير صرفية البنزين التي تعيبه أكثر شي ..
أتمنى اني أكون أفدتك وياليت لوتستشير غيري بعد أفضل يمكن يفيدك أكثر ..
انا اقول برادو
واذا كنت تبي الراحه وسياره حقت عايله
خذلك ارمادا
مشكورين اخواني على الردود وجزاكم الله خير
الحقيقة التايوتا ما فيه كلام ولكن شكل البرادو ضيق شوي وانا بودي بسيارة عائلية عليها مظهر الفخامة والراحة وان كنت افكر كثر في البرادو هلذه الشركة العملاقة ولوكالتها
اما الباثفيندر فالكلام عليها كثير من الشباب وفيه فرق في السعر لكن عيبها الوكالة واذا كان الصرفية زيادة فهذا زاد الطين بله
تعجبني الهوندا في انا قتها وفخامتها ولكن ما ادري عن سعرها الان في السعودية وعن جهاز الملاحة والخدمة والصيانة بعد البيع اي وكالة عبدالله هاشم وقطع الغيار غاليه لكن يقولون تدوم اكثر
الحقيقة محتار جدا واراء الاخوة لا شك انها بتفيدني كثير خصوصا اللي لهم تجربة جيدة في السيارات
أنا معك ياخوي ان جيب الهوندا فخم ويعتبر أجمل واحد بينهم ...اقتباس:
المشاركة الأصلية كتبت بواسطة faris
وبالنسبه للسعر فهو ب 120000 ريال تقريبا ..
انا اقول خذ الباثفيندر مواصفاته حلوه وشكل جديد وشبابي والله يوفقك .
وهذا رأيي .
اخوي فارس اذا كنت راعي بر وطعوس وتخيم ...الخ انصحك بجيب البرادو الـ v6 لانه دفرنسين (انتبة تاخذ الاربعة سلندر تراة ميت ومافية عزم ) .
اما اذا كنت من النوع الي يدور الوسع والراحة والفخامة المذهلة والقوة وتوفير البنزين عليك بجيب الهوندا بس تراة ماينفع للبر :mad:لانه يجي عكوس امامي وخلفي .
اما النيسان فنصيحة من اخوك اننننننحش منة .
بختصار جيب الهوندا حلو :
لراعي الخطوط
والي عندة عائلة كبيرة
واوقات الامطار :d
وتمشيات البر الخفيفة في الثمامة وان كثرة الصمان :eek:
الله يكون في عونك اخوي فارس ادري ان الاختيار صعب وبعد كذا اختيار اللون حيكون اصعب واصعب :)
بس اذا تبغى ترتاح من التفكير انصحك تستأجر البرادو وبعد كذا تستأجر الجيب الهوندا صدقني التجربة حتكون خير برهان .
نتمنالك التوفيق ومبرووووك مقدمآ .
أقتراح أخوي أتش أشوفه عين الصواب .. الي هو انك تستأجر السيارتين وتجرب ..
الف شكر للجميع على نصيحتهم
ابجرب انشاء الله السيارتين واقرر
ولكن مبدئيا الهوندا على البال لانه بصراحة العائلة بدت تكبر ولانيب راعي بر
ولكن وشلون الهوندا مع قطع الغيار سمعت انها رخصت شوي خصوصا ان قطع غيار السيارات بشكل عام غاليه خصوصا الموديلات التاليه يعني بالعربي كل واحد يحرص على سيارته زين
والشي الثاني وشلون سعرها بعد الاستعمال هل هي تنقص بسرعة والا تمسك سعرها شوي
والف شكر على الردود
أنا أقول أستخير قبل كل شي ,, وربك ييسر ان شاء الله ..
بالنسبه للقطع فواضح الفرق بين أول والحين حتى من ناحية التعامل ..
لكن عن سعر البيع ماعندي خلفيه والله ..
ماشفت الباث فايتدر الجديد بس اعتقد افضل من البرادو
النيسان سيئه بالصيانه بس بشكل عام سياراتها على مستوى محترم شوي ... يكفيك الـ Z350 ههههه
حبيبي
باث فايندر وتوكل على الله