هوندا 2007 للبيع

السلام عليكم شباب
انشاءالله كلكم بألف خير
أنا جديد معاكم بالمنتدى وهذا اول موضوع اكتبه
وهو اني ناوي ابيع سيارتي
اكورد 2007
الون ابيض
وماشيه 4500 كلم
4 سلندر
كامل المواصفات
والي جاد يبي يشتري
يسوم
وسلامتكم

السلام عليكم

انا ودي اشتريها اذا كانت بسعر مناسب. كم حادها يالطيب؟ ارجو الرد وجزاك الله خيرا

السلام عليكم
ااذا كانت السيارة وقفت وكالة
فانا شراي ب 70 الف ريال من بكره بحسابك _شرط الفحص_

ويعلم الله اني شخص يريد الاستخدام

هذا جوالي:0503941867 (عمر) الجبيل الصناعية

وعليكم السلام والرحمة
والله انا اليوم العصر بروح المعارض الدمام
وبشوف السياره كم توصل واعطيكم خبر
لان اني ابيعها بـ70 الف هذا مستحيل ابدا
مش معقوله اخسر فيها 18 الف ريال وانا ما استعملت السيارة
دايم موقفها وعندي سيارة ثانيه اروح واجي فيها
طبعا السيارة قبل لا اطلعها من الوكالة خليتهم يركبون لي كشافات
وقيمتهم 1050 ريال مع العصى حق النور عشان اتحكم فيهم من العصى
ومشكورين على ردودكم الطيبة...

خلاص اخوي شوف بكم تبيها وقول لنا

يمكن يعجبنا السعر

السلام عليكم
وانا اوافقك الراي. شوف المعارض وقول لنا وانا بزيد 500 ريال فوقها والله يوفقك. للمعلوميه الفل اوبشن قماش 81000 والجلد 85000 .

خلاص اخوي ارسل لي رقمك على الخاص او كلمني على الجوال تبعي
علشان نتفاهم

واتمنى من الله ان يرزق بالقيمة الي تبيها

السلام عليكم ورحمة الله وبركاته
ياشباب رحة المعارض بس زي ماتعرفو الجو كيف كان اليوم غبار وهواء ومطر
فما كان موجود ناس كثير وانا وقفت اقل من ساعة ورجعت
وما لقيت غير لشريطبه في وجهي
المه او مافتحو السومه ب 70 الى 73 وشوي جا الثان وزادني وصلها الى 75
وشيت وجاني غيرهم وفرقو السومة
الى 78 الف
المشكله انا ما ابغي ابيعها على شريطي لان راح يستفيد منها
وانا شكلي اذا مالقيت 80 الف صافيه ماراح افكر اني ابيعها معني مطلعها فوق 88 الف اول مانزلت ومركب لها كشافات بالف يعني طالعه علي بــ 89 الف ريال


وعارف اني طولت السالفه وهي قصيرة

والي يبغي السيارة بـ 80 الف يعطيني خبر
ومشكوين...

اخوي DaRk_MaN2009
و إذا كان واحد صامل مرة وينتظر منك الرد وفلوسه جاهزة كاش بكم تعطيه؟

ياهلا اخوي Ls9001
والله كان ودي اخدمك بس انت بعد ماتريد لي الخسار
الحين خسارة 9 الاف ريال وانا معتني بالسيارة الى درجة تظل بلقراج بالشهر كامل مغطيها ولا افكر اطلع فيها
بس ضروف عشان اني ابيعها
يعني اقل من 80 الف ما اتوقع ابيعها
واسمح لي يا اخوي
ومشكور على ردك
تحياتي...

زين نظام الاقساط وش رايك فيه
70 الف ريال مقدم
.
.
الا انت وين ديرتك

انا من سيهات
وبالنسبه اقساط للاسف ما اقدر والله
انا كنت عارضها في المبوبه واتوقع انك كلمتني صح؟ ولا انا غلطان؟
وكنت ناوي ابيعها ب 84 الف بس الحين بــ 80 الف
واسف على التقصير
وشكرا...

سبحان الله
من رقم الجوال عرفتني
ماشاء الله شكلك في كل مكان معلن
في المبوبة حاط انها ماشية 2000 صح

ابطلع من الموقع بادور هوندا غير سيارتك بس اخاف القاك في كل المواقع
بسبب لي دوار الله يجزاك بالخير خخخخخخخ

اذا رغبت بالبيع خلال اليومين هذي والله الفلوس جاهزة تبي الي ياخذها ههههه

لا اسبب لك دوار ولا شي
وانت روح تاكد انا مش حاط ماشيه 2000
روح شوفها عدل
وانا اول مره افكر اني اعرضها
وانشاء الله تلقى سياره احسن من سيارتي واقل سعر
وبالنسبه الى رقم جوالك هذا اول مره اشوفه
وانشاءالله ماتلقاني بوجهك مره ثانيه
باي ياحلو..

شيك على جوالك في المكالمات المستلمة
وتلقى الرقم

واسف على الازعاج في الجوال وفي الموقع

ما يحتاج اشيك
لان كل المكالمات ممسوحه
ولافيها ازعاج ولا شي عادي
خذ راحتك.