بالنسبة للنور :: وأيضا الفرامل :: 2004 أكورد

السلام عليكم ورحمة الله وبركاته

كل عام وأنتم طيبين

عساكم من عواده

::::: :::::
:::: ::::
::: :::
:: ::
: :
:::::::
::::
::
:





يا شباب اليوم لا حظت النور الأمامي والسكن ( الجهة اليمنى ) بدأت تضعف وبعد كم ساعة طفت نهائيا ,,, الحل هل أغير اللمبة من الوكالة أو أي محل كهرباء والا كيف وتكفون كم سعر اللمبة سواء وكالة أو اي محل ؟؟



:::::

الشي الثاني أنا شاري السيارة من شهر ونص والحمد لله ماشية معي تمام بس لاحظت في الاونة الاخيرة اني اذا فرملت بقوة تهتز الدواسة وتهتز السيارة شوي وتطلع صوت قرقرقرقر
وبعد ايام اذا فرملت لو مب قوي أحيانا يطلع الصوت وتهتز الدواسة ,,, وش الحل ؟؟ تكفون



:::

الشي الثالث أبغى أسوي فحص على محركات السيارة واكشف اذا فيها شي والا لا لاني اتردد اسبوعيا 250 كيلو هل بالوكالة او وين ؟؟ والفحص على ايش؟؟


أرجو الاجابة وجزاكم الله خير

والله الصراحة ما أنصحك بفحص الوكالة لأنهم ياكلونك أكل على الفحص ودها لورشه مناسبة وخبير راعيها بالسيارات و معروف أحسن لك :)

*********************************

أما النور لا تستعجل تشري نور جديد يمكن المشكلة بالكهرب :rolleyes:

**********************************

أما الفرامل أنا صارت معي مرة كنت بالرياض و كنت أمشي 100 وشويي إلا و قدامي مطب ما دريت فيه وضغطت الفرامل كله رجلي طلعت مع الكبوت و حسيت السيارة تهتز وفيه الصوت اللي تقول و غيرها لا والله السيارة تمام >> للعلم سيارتي مثل سيارك 2004 :cool:

حبيبي
أنا بصراحه ما أقدر أفتي لك بشي
بس بالنسبه للهزه الي تقول عليها أنا ماتجيني إلا لمن أكبس الفرامل بقوه وأطب لي في حفره أو مطب وأنا كابسها
وحبيت أقولك كمان إنو 250 كيلو أسبوعيا ماتسوي شي

اقتباس:

---

المشاركة الأصلية كتبت بواسطة الدرع الذهبي

الشي الثاني أنا شاري السيارة من شهر ونص والحمد لله ماشية معي تمام بس لاحظت في الاونة الاخيرة اني اذا فرملت بقوة تهتز الدواسة وتهتز السيارة شوي وتطلع صوت قرقرقرقر
وبعد ايام اذا فرملت لو مب قوي أحيانا يطلع الصوت وتهتز الدواسة ,,, وش الحل ؟؟ تكفون

---

المشكلة هذي يشتكون منها اغلب ملاك الاكورد وانا منهم !!
الظاهر فيه عيب في الاقمشة الاصلية (الفحمات) لكن وشهو ؟

الله العالم

:confused:

على العموم .. اخرط الهوبات عند مخرطة ممتازة وغير الاقمشة الامامية
وان شاء الله تروح الرجة والاصوات

الله يعطيكم العافية لكن القصد مب 250 كيلو بس لا قصدي 250 رايح و250 جاي ومن غير مشاوير الرياض ههههه:confused:

تكفون يا شباب هذا صوت الفرامل المانعة للانغلاق A B S,,, انا صار معي نفس الحكايه في اكورد 2005 و سالت الهندي حق الوكيل قال هذا صوت عادي لما تدعس فرامل بقوه تحس طقطقه و لازم تكون علي سرعه عاليه او متوسطه من 60 لفوق