سفر للدراسه خطوات لترك هوندا اكورد 2008 لمده اكثر من 6شهور

السلام عليكم ورحمة الله وبركاته

كيف حالكم ياشباب السعودية وصباح الخير

طبعا عندنا صباح

الموضوع ومافيه اني انا انسن رحت ادرس لغه في الخارج والموتر مخليه في البيت مرفوع على صبات عشان الكفرات ومعبا بنزين ومفصوله بطاريته ومغطا وفاك الجلنط

طبعا هذي الخطوات قريتها في كتيب التعليمات الي بيترك سيارته واقفه اكثر من 6 شهور دون تشغيل المحرك

السؤال ومافيه؟

1 ماهي الامور المترتبه على ترك السياره في هذه الوضعيه

2 الوالد يقولي ان موترك يخرخر زيت ؟؟؟؟ اقوله ليش يقول مدري

3 لاهل الخبره ماذا افعل في مثل هذا الموقف وكم بتكلفني السياره عشان ارجعها مثل اول

طبعا انا الىى الان لم اصل الى السعودية رحلتي بعد اسبوع ان شاء الله

حبيت بس اخذ ارائكم في هذا الامر

مع العلم ان موتري 6 سلندر وقبل اروح كان يبيله كراسي مكينه.
شكرا

ماعندي علم وانا اخوك لكن بارفع موضوعك علك تلقى اجابه

من الافضل انك تغير الزيت وفلتره حق المكينه طبعآ قبل ما تتركها وحيده ست شهور ولو خليت السياره مع اي واحد من اخوانك يمشيها كل اسبوع كان افضل وتهريب الزيت لازم تشييك عشان ما ندخل تحت قانون اصرفلي واصرفلك والبادي اظلم : )

مافيها الا كل الخير ان شاء الله بس اول ماتوصل بالسلامه ان شاء الله ودها للوكاله وتغيير الزيوت كامله مع الفلاتر طبعا خل سيارتك شغاله لمدة نصف ساعه وقبل ماتشغل سيارتك شيك على معيار زيت القير وزيت المكينه وبعدها توكل على الله وشغلها واذا خليتها نصف ساعه وبغيت تحركها لاتتعدى عن الاربعين كالبداية وبعدها شوي شوي امش لما تتحرك البساتم وتنشد عن اول

الحمد لله انا وصلت بالسلامه قبل اسبوعين

وبحمد الله ومنته السياره مافيها الا كل خير يارب لك الحمد والشكر

اشكر الشباب الي ردو عالموضوع

اتمنى حذف او اغلاق الموضوع وشكرا

الحمد لله عالسلامه يا باشا وتو ما نور الرياض<<مسوي عايش فيها : )