حادث على سيارتي اكورد 2006 فزعتكم ياشباب الرياض

السلام عليكم ورحمة الله وبركاته
في البداية احب ان اقول ( إنا لله وإنا اليه راجعون اللهم اجرني في مصيبتي واخلف لي خيراً منها )
ياغالين صار على سيارتي :( حادث وهي واقفه ( شاب يفحط وصقع السيارة ضربة جامده ) والله يهديه ويصلحه
وطلع مأمن عند( المتحدة للتأمين ) ومدري عنهم وعن تعاملهم وهل فيه حد تعامل معهم .

- المهم -

الضربة صايرة في الركن الخلفي الأيمن ، الصدام الخلفي طاح ، الكنداسة طايحة والمساعدات والشاصي الخلفي على وشك ، السيارة ماتمشي ، الكفر الخلفي الايمن انطعج على داخل بزيادة ، والجنط الايسر الخلفي مطعج من الجوانب ، شافها خويي عنده مثلها وصار عليه حادث مشابه وقال بتكلف حول 15 الف عند الورش .

وانا مره محتاس ومهموم ... سيارتي كنت محافظ عليها فديت الاكورد ومدري وش تنصحوني فيه
وين فيه ورش ممكن اثق فيها وشغلهم اوكيه ومضمون ، خصوصن انا راعي خطوط كل اسبوع الرياض الخبر الرياض
توقعاتكم كم بتكلف ، وكم يبي لها وقت في الورشة
انا الان بالرياض ............ بليز ساعدوني

حياك الله ياغالي

الحمد لله على قضاء الله وقدره

جت في السياره ولا فيك بعيد الشر عنك

ممكن صوره من كل الجهات عشان نعلمك العلم الوكاد

موفق

هلا وغلا عادي شباب الدمام يجاوبون ولالا؟؟:p
المهم اخوي اولا الحمد لله على السلامه والحديد يجي بداله الف..
لكن انبهك على نقطه مهمه
من خلال تجاربي وخبرتي <<امحق تجارب
ان التأمين مايشمل التفحيط..
يعني لو طلع اي شي يثبت التفحيط راح يرفضون التامين انهم يعوضونك..
عشان كذا لاتتفق مع المهبول الي صدمك انك تغطي عليه انه كان يفحط..
الا قل للعسكري ان الدعوه تفحيط بكذا تكسب امرين:
1-ان الشخص يدخل التوقيف ومايطلع الابكفيل غارم معتبر
2-انك تروح تجيب تسعيره لتصليح سيارتك وتسعيره للقطع((من الوكاله))وتوديها للمرور ان شاء الله لو كانت 50000ريال راح يدفعها وهو مايشوف الدرب ولا يدفعها كفيله..
بس حبيت ابين لك هالنقطه لاني عايشت هالاحداث اكثر من مره..
وعلى فكره اذا بتجيب السياره للدمام على سطحه اخبر لك ورشه اتعامل معها من خمس سنوات <<<والله من كثر القبعات
ولها سمعتها في السوق شغلهم احسن من الوكاله بوووواجد ومن واقع تجربه ايضا..
ارجو اني افدتك..

اللهم لك الحمد على قضائك وقدرك يارب


لكن ياغالي كم مره أقول لكم لاتروحون تتفرجون في التفحيط <<<<< :d


الحمد لله على سلامتك ياشيخ واهم شي انت طلعت بالسلامه من الحادث



فيه ورشه في الرياض في الصناعية القديمه أسمها ( الوفاء )



بصراحه شغلهم :cool:



شوفها ياطويل العمر ورا بنك الراجحي اللي يجيك في الزاويه بعد السالم للزجاج



الراجحي خله في يمينك وخش يمين اول تقاطع يمين بعدين اول تقاطع يسار


بتجي الورشه على يسارك



والله أعلم



ولو ترفق صوره عشان نقدر نقول لك اذا انها تتصلح او لا


لك مني فائق الموده

الحمد لله على السلامة وهذا قضاء الله وقدره ولاتشيل هم
نتظر الصور وإن شاء الله الشباب بيفيدونك

مشكوررررررررين يا بعد قلبي على مشاعركم الصادقة وربي يسهل
اخواني انا عندي صور للسيارة عالجوال وكمبيوتري مافي بلوتوث وش الحل ؟ علشان انزل الصور .

الشي الثاني انا مريت على ورشة وفاء اليوم قبل اروح أقيم الحادث عند تقدير الحوادث وشافها واحد اسمه رياض
المهم بعد المكاسر وطلعة الروح قال اخر شي شغل يد بس ( 7000 ) ريال ... وش رايكم؟
وقال يبي لك شغلات كثيرة منها ( رفرف خلفي جانبي داخلي وخارجي + باب خلفي ايسر + شنطة + صدام خلفي + الرمانات والمساعدات وشغلات جوا وزجاج خلفي ... الخ ( تتوقعون قطع كم بتكلف ) وهل بحصل عند التشليح ؟

بالنسبة للتقدير حولوني على شيخ المعارض قالوا صدمتها مكلفه
المهم عاد رحنا له ومدري وش كتب فيها شكله قيم السيارة قبل الحادث وبعد ( بس ماعلم ، الشغله سريه في عملهم الظاهر ) عاد انا قلت له هوندا وقطع غيار تعرف ومن هالكلام وعاد عطوني تقييمهم في ظرف وقالوا لا تفتحه .
عاد رجعت له وقلت له اخاف ادفع من جيبي قال لي انا قيمتها فوق 11 الف .

نصـــــــــــــــــــــــــــائحكـــــم تكفوووووووون ـ وش الخطوة القادمة .

ملاحظة / المتحدة للتأمين قالوا تعال لنا بعد 5 ايام من تاريخ الحادث يعني بجيهم بعد بكرة .

اقتباس:

---

المشاركة الأصلية كتبت بواسطة وسيم الخبر

مشكوررررررررين يا بعد قلبي على مشاعركم الصادقة وربي يسهل

اخواني انا عندي صور للسيارة عالجوال وكمبيوتري مافي بلوتوث وش الحل ؟ علشان انزل الصور .

---

اخوي تقدر تشبك الجوال بالكمبيوتر عن طريق وصلة تكون موجودة مع الجوال
وتنزل الصور

او انك ترسل الصور بخاصية الوسائط المتعددة على ايميلك وتفتح الايميل من الكمبيوتر وتنزل الصور

للتوضيح / تضيف الصورة بالرسالة كأنك بترسل صورة لجوال خويك
ملاحظة تم حذف حرف التاء في كلمة خويك لعدم التعرض للضرب من قبل المشرف :d
وتحط بدل رقم جوال المستلم ايميلك وترسل


اما عن الموضوع الثاني ما عندي خلفية واترك مجال لغيري يفيدك


اهم شي صورت تفحيط ولااا لا :d شوف وين يفكر

تحياتي لك

الحمدالله ع السلامة .. ودفعة شر .. وتكفيره ذنوب ..

شوف الاشياء المهمة والحساسة اخذها من الوكالة والاشياء الاضافية البسيطة اخذها تجاري يباني ..

بكذا توفر لقيمة الورش ..

وانصحك ماتمر ورشة وحده ..مر كم ورشة شغلهم نظيف وش الاسعار ..

وان شاءالله الشباب مو مقصرين معك للورش الكويسة ..

الحمد للهـ انكـ قأفطــ الطأإأإرهـ الغشيمـ عدهــ العيبـ :d :: ))

وورشة الوفاء كووويسهـ بس انهـ كبررو روسهمــ لما شأإأإفوو أقبالـ عليهمـ حاولـ تكاسر الي ما ينهد أظهررركــ :: ))

وأنشاء اللهــ أخرررر الاحزانـ ’’ـ وهونهــ وتهووون ’’ـ يا نظررر العيونــ :: ))

الحمد الله على سلامتكـ

وعساء الله يعوضكـ ويخلف عليكـ بخير

ورشة الوفاء شغلهم ماعليه كلام بس اسعارهم مبالغ فيها رح لـ اكثر من ورشة لاتستعجل ولا اذا التامين عوضكـ صلحها بالوكالة

معوض خير ان شاء الله

الحمدلله على سلامه
الحديد يتعوض والنفس ما تعوض

اخوي ترى مجرب ورشتين كلها شغل 100%

الوفاء شغلهم في السمكره والتعديل تمام بس انهم غالين
وفي ورشة العضيب رشيت عندهم الصدامات وعفط بالكبوت وحك من الباب الخلفي الى الامامي
وقعدة عندهم 12 يوم .
والكبوت ما رشوه كامل شلون مدري:)

واعذرني على الاطاله