آبغى النصح والنصيحه ،، آشتري آكورد ولا لأ :(

سلام عليكم ورحمة الله وبركاته ،،

شباب آنا آبغى آشتري لي موتر ،،

ومحتار بين مجموعة سيارات ، آف جي كروزر ، آوريون ، كامري :( ، وآخيرا الملكه الاكورد



بصراحه حاط عيني عالاكورد الابيض 2009 ،، فل آوبشن ،،

رحت الوكاله وعاجبتني السياره من برا ومن جوه قمة الفخامه ،،

سمعت آن السيارة ثقيله وراسيه ،،

وتعلقت فيها آكثر

بس فيه شي يرددني وهي حكاية آرتفاع آسعار قطع الغيار والصيانه ، خصوصا آني طالب جامعي وآعيش في منطقه

لايجود بها وكيل هوندا .

السؤال هو آيش القطع اللي ممكن تغيرها بشكل دوري للسياره ( المحافظ عليها ) ،،

بالله عليكم آبغى النصيحه ،، كأخو لكم بفض النظر عن وجودي في موقع مهتم بشؤون الهوندا

تؤيدوني آشتري ولا لا

ياهلا ومرحبا فيك في منتدانا

طبعا الاكورد سياره ماعليها كلام واسأل مجرب
بالنسبة لاستفسارك عن قطع الغيار لاكورد>> دام السياره جديده ماتحتاج الا فلتر زيت وزيت وبنزين وتدق سلف وتمشي :)


تحياتي

جزاك الله خير آخوي ملك ،،



في آنتظار البقيه :(

والله أنصحك وبشدة خصوصا من بين السيارات اللي عرضتهم

و إذا السيارة جديدة مايبيلها شيء غير الزيت والفلتر

الفحمات كل سنتين وإلى 100 ألف ما عندك شيء تغيره

الشباب كفوو ووفو ,, انا ما عندي شي اقدر اقوله غير اتوكل على الله وخد:cool:

يالله على البركة مقدما :rolleyes:

استخر الله قبل كل شيء ..

والأكورد سيارة ما تحتاج كلام .. موفق ,,

نعم ،، الاستخاره قبل كل شي ،،


جزاكم الله خير آخواني عالنصيحه

لا تنسى تستخير

وبرووووووووووووك مقدما

السلام عليكم


اخوي لو انا مخير من السيارات الي انت حاطهم
احط ال اف جي اول شي لانوا عند اخوي سيارة اول شي شكل وقوة وحلو وانا سايقوا وعجبني
بعدين الاكورد

بعدين الاوريون

اما الكامري فا الاوريون تطرحها وبراحة والاكورد كمان



وتوكل على الله وخذلك
اللي يريحك

دامك وصلت لسعر الاكورد الفل كامل ,, زودها شوي وخذ افالون ,,:cool:

:d مبرووووووووووووك مقدما الله يعطيك خيرها ويكفيك شرها

فقير الحظ ،، وين آزودها طال عمرك ،، الاكورد بـ 94 آلف << 4 سلندر

والاافالون بـ 120 ،، فرق السما عن الارض

،،

الاخوه آكورد وبس ،، آبو سراج ،، فقير الحظ ،، نايف نت ــ لكم الشكر ع المرور

،،

آبغى آتطمن بس في جانب قطع الغيار والصيانه :(


في آنتظار البقيه

اخوي بكذب عليك لما اقولك ان قطع الهوندا مش غاليه لا والله غاليه !! :mad:

والفحمات بسرعه تستهلك يعني في 20 او 25 بتغير الفحمات الخلفيه >> لانها اصغر من الي قدام


اما على الصيانه نصيحه لك سو صيانه لالف !!

واي مشكله تصير لك في السياره او انك توسوس على طول وديها الوكاله


واما با النسبه لسيارات الي عارضها !!

انا برتبها على حسب رايي الشخصي

الاوريون >> فيها مواصفات حلوه ومشكلتها وحده الديكور الي عند القير >> ويقولون ان لقو لها حل في منتدى تويوتا !

الملكه الأكورد >> طبعا مشكلتها فقط قطع الغيار الغاليه

الكامري >> يكفي ما تكلمو عنها

اف جي >> سياره ما ناسبتني !! يعني شكل وكل شي ما دخلت مزاجي >> طبعا رايي الشخصي :d

ونا مسوي هل الترتيب على حسب الذوق والأشياء الي سمعتها عن السيارات


ان شاء الله اكون افدتك

اخوي نصيحة مجرب الكامري ابعد عنها ديكور السيارة رايح فيها والله ان قلبي يوجعني من الاصوات وافكر اني ابيعها واخذ اكورد:cool:

بس الله يعين الحال مايسمح وهذا الشباب ماقصروا عليك قالوا لك كل شي اما قطع القيار فهيا غاليه

تحياتي

بعض اسعار قطع الغيار ولو انها غير غاليه نسبيا
1- صدام امامي 425
2- اصطب امامي للجهه الواحده 632
3-جسر صدام او مايسمى بيم 750
4-قاعده صدام امامي 98
5-ميزان نور امامي ب790
6-فلتر بخاخ 90
7-رفرف امامي ب740
8-نيكل شبك امامي الاطار فقط 548
9-شبك امامي اسود ب490
10-علامه هوندا الاماميه اللي ع الشبك 70
11-غطيان الجنوط ب110 للواحده
هاذا مايحضرني الان بسسب القشعه اللي صارتلي
واذا راح تاخذها جديده لاتخاف السياره ماتطلب ابد
عمليه ماشاء الله
بالنسبه لفرع الوكاله جنب بيتنا بالدمام بس مارحت الا لصيانه الاف كيلو
الباقي انواع الزحمه والتلطيع ومواعيد بالايام والاسابيع
فمار راح تحتاج تروح
كل مالدي بصدق وامانه

وعليكم السلامْ ،،

يا هلا فيك أخويْ ،،

بكون معاك صريحْ ،،

أنا مني واحد ساكن بالأحساء وما يمر علي يومين ألا رايح للخبر أو الدمامْ ،،

وبين كل شهر رحت للرياض ،،

مسكتها خطوط لين قلت بسْ ،،

وما قالت لي شيءْ ،،

بالنسبة للأسعارْ حقت قطع الغيارْ ..

عندك الفحمات تقريباً راح تغيّر اللي ورى كل 20 ألف بـ 201 ريالْ ..

واللي قدام كل 40 ألف بـ 196 ريال تقريباً <~ مو متأكدْ ،،

الزيتْ لو تبغى تمشيه إلى 10 ما فيه مشكلةْ ،، حدك 20 ألفْ تمشي عليهْ وتغيره بـ 91 ريالْ ..

واحد من ربعي مغيره بعد ما مشى عليه 20 ألف وباقي فيه لزوجهْ ،،

واذا بتتكلم عن الصيانه أخذ لك هوندا وبقوّة ،،

مو عن تعصبْ .. بس الوالد معاه تويوتا وولد عمتي معاه تويوتا وولد جيراناْ عنده اوريونْ ..

كلهم يسبوون في الصيانه سب على كيفكْ ..

وصيانة تويوتا قال لي ولد عمتي لازم كل 5000 توديها الصيانهْ ،،

في هوندا حدك توديها 40 ألف ، 80 ألف ، 100 ألف ،،

واذا كنت مداوم ع الصيانة وديها كل 20 ألفْ ،،

والضمان ما عليه كلامْ ،،

أنا غيرت الهوبات وصلحت الحذفه وصوت الديكور وفتحة الباب لأنها كان تفتح بالقوة كله ع الضمانْ ،،

وكنت بغيّر جلدة الدركسون بس كِذا مساكه معي غلط ،، بس قالي انها بتطوّلْ ،، :d

إذا ودك سيارة تشد معاك في قوةْ وخطوط ما تقول شيء والبانزين ، خذ لك أكوردْ ،،

اذا ما تهمك الصيانه وودك سيارةْ تخدمك في السرعة ... ألخ ، خذ لك أوريونْ ،،

والأوريونْ الفل كامل داخليتها أفضل من الأكوردْ ،،

ومبروك عليك مقدماً ،،

وشسمه ؛ لا تسنى الاستخارةْ :)

^^^^^

حرام عليك داخليه الاوريون احلى من الاكورد فرق السما عن الارض

والله الاكورد حلوه جدا وخاصتن الفل انا معي سيفيك فل ومرتاح اخر راحه كيف لو كانت اكورد توكل على الله وقبل كل شي لاتنسى الاستخاره

وقطع الاكورد تخفضت عن الموديلات القديمه بحدود 50 % وبعدين حتى لو غاليه انت مابتغيرها كل شهر قطع الاكورد غاليه صح او بشكل عام هوندا لكن قطع اصليه وتستحمل لسنوات كثيره

:)

بعلمك حاجه

قطع الهوندا يابانيه يعني القطع إلا بتغيرها أغرف أنك ماراح تغيرها إلا بعد 3إلى4 سنين

أنا أنصحك بالأكورد خذها وتوكل على الله