مساء الخيرر ع الجميع اتمنا اصحاب الخبره الدخول

مسااء الخير عليكم
اتمنا اني مكون ازعجتكم في موضوعي لاني احس ان نفس موضوعي صااار مثله كثير

المهم مابي اطول عليكم كثيررر
بدخل في الموضوع
انا معي كامري 2004
المهم ببيعه وشتري سياره يعني شبه جديده عشان الجامعه
المهم انا محتاار بسياره
عندي ثلاث خيرات هي
كامري
او التيما
او اكورد

طبعن بستخدمها اقل شي 5 سنوات قدام
وانا مني راعي تفحيط واكل مطبات وكذا
والله محتاار
في ناس تقول خذ كامري اظمن لك لو فكرت فيها غاليه بدون موصفاات

اذا قالت التيماا قالوو التيما توصل لي 100000الف الي وهي مرهبده وكلها خربات
واذا فكرت التيما حلووه ومصفات ورخيصه ع الكامري

اواذا قالت اكورد قالوو بتوهق في قطعهاا المووت لاتجيها صج حلوه وفخمه لكن قطعها اغلى من المرسدس وصينتها صعبه

المهم انا خط سيري الرياض الخرج عشان الجامعه وحياان احينااان الشرقيه


المعلوميه الكامري الي معي الحين ماشيه 210الاف http://www.nissan-arabia.com/vb/images/smilies/dhh.png

ووش رايكم صح انا داخل منتديات هوندا وانتم منحزين لي اكورد لكن الي انا متاكد منه ان ولا واحد فيكم معه اسهم في اي سياره منهم كذا منتم مقصرين معي

واسف ع الكلام الكثير الي فوق

كل السيارات اللي ذكرتها حلوه وجميله وعمليه واقتصاديه
الاكورد قطع غيارها رخيص زي الكامري واغلى شوي بس مو مثل المرسيدس .. اما الالتيما فهي اغلى
توكل ع الله واللي تعجبك منهم خذها وكلهم راح يخدموك ان شاء الله
ترشيحي للاكورد ثم الكامري ثم الالتيما
:)

أهلين فيك أخي كوكولا لايت : أنا أنصحك في أكورد مو عشان عندي أكورد بالعكس , أخوي عنده كامري وبصراحه فرق شاسع في الخط والرساوه وخاصة إنك بتمسك خط ,

أما من ناحية الألتيما فبكل صدق ما أعرفها بس شركة نيسان معروفه بقطع الغيار اللي مبالغ في سعرها بشكل خيالي .

وربي يرزقك بالموتر اللي ترتاح له ويطيب لك .

نصيحتي خذ اكورد , بالنسبه للكامري غاليه وبدون مواصفات

ومافيها رساوه مثل الاكورد ابد

الالتيما : قطع غيارها وصيانتها سيئه وتتهربد ماتعيش 5 سنوات ابد

اماا الاكورد بتتعب شوي من ناحيه غلاء قطع الغيار

بس سياره وتخدمك لو تبي 10 سنوات ( طبعا حسب المحافظه عليها ) :cool:

بالتوفيق :rolleyes:

ماقصرتو شباااااااب يعطيكم الف عاافيه والله ريحتوني شوووي يعني اذا كانت القطع رخيصه مثل كلامك اكيد بخذ اكوورد بس سوال السبشل فيها abc

اقتباس:

---

المشاركة الأصلية كتبت بواسطة كوكولا لايت

ماقصرتو شباااااااب يعطيكم الف عاافيه والله ريحتوني شوووي يعني اذا كانت القطع رخيصه مثل كلامك اكيد بخذ اكوورد بس سوال السبشل فيها abc

---

يا حبيبي السياحي فيه اي بي سي دي اف بعد !!

يا حبيبي السلامه لا تسال عن الاكورد

مشكووور اخوي على التوضيح

نصيحتي لك خلك على موترك وانا اخوك

دامك تقول انك راعي تفحيط ومطبات خلك على الكامري اللي معك قطع رخيص وتحمل الجلد ... :p

ولاخلصت الجامعه وطاح اللي براسك طق لك موتر وخف رجليك :d

اقتباس:

---

المشاركة الأصلية كتبت بواسطة راعي ال accord

نصيحتي لك خلك على موترك وانا اخوك

دامك تقول انك راعي تفحيط ومطبات خلك على الكامري اللي معك قطع رخيص وتحمل الجلد ... :p

ولاخلصت الجامعه وطاح اللي براسك طق لك موتر وخف رجليك :d

---

هههههههههههههه
فهم خطاااء شكلك مستعجل وانت تشوف الموضوع انا مو حق تفحيط

العذر والسموحه العتب على الشوف وانا اخوك :o

اجل دامك مو راعيها خذ لك الاكورد رساوة وقوة وتحمل وصبر وشكل مايحتاج اقولك

حط السيارات جمب بعض وش الفرق بالشكل اويلاه يالاكورد ..

الكامري وانا اخوك ماشفت احد شاريها يمدحها كلهم يذمون فيها والالتيما ماعرف احد :d ماحد يشتريها

الالتيمآ : ماشالله تبارك فيهآ مزآيآ رهيبه وسعرهآ معقول بس في شوارعنآ يبغالك كل 6 شهور وانت في محل التربيط واذا انت موسوس<(يحسب الناس كلهم زيه ههه) وربي بتلعب في نفسيتك من القرقعه ويقولون قطع غياراها غاليه بس اللي متآكد منه انها تتفك بسرعه ومشكلت ازعاج الكفر والديكوآرآت اللي مالقو لهآ حل للحين

الكامري من 2007 وطالع: روعه روعه وقطع غيارها غاليه قريب من الاكورد بس ميزة الاكورد ان الاكورد تحط قطعه اصلي وكاله وتنساها والفرق بينهم جمالية الاكورد ورعتهآ

وسسسسسسسسلآمت قلبك , واستخر قبل كل شي والله يختآر لك الخيره الطيبه ...َ!

شوف اخوي لا تفكر في غير الأكورد رساوة ما شاء الله و فخامة و مواصفات رائعة و قيادتها ممتعة و على فكرة كل السيارات بدت تغلى قطع غيارها بدت تجيب الأكورد

و إن شاء الله ما تحتاج قطع غيار و ترى القطع الإستهلاكية أسعارها معقولة جدا

أما بالنسبة للكامري حلوة و قوية لكن في شهرين إلا انت زاهق منها و بالصراحة ما حد شراها و نصح فيها

أما بالنسبة للألتيما فبعد عنها قطع أغلى من الأكورد و ليست بقوة الأكورد و ما تجيب سعر في البيع

أنا أرشح الأكورد و بقوة ثم الكامري ثم الإلتيما

:cool:

مشكووورين شبااااب ممن كل قلبي ع نصايحكم

طيب اخر سوال اقدر اسوي صيانه الي الهوندا في اي مكان غير الوكاله
قعد الفلف في منتداكم يقلون اسعاار الوكاله غاليه مره

ايه نعم تقدر اخوي
طبعا اول صيانه ودها الوكاله لانها مجانيه .. وبعدين اسحب ع امهم سيفون .. الا اذا طلع لاقدر الله في السياره شي ودها لهم
وتقدر تغير الاشياء الاستهلاكيه برى .. مثلا خرط هوبات - بواجي - فلتر بنزين - زيوت جير او مكينه وغيره
بالتوفيق ومبروك مقدما

بسم الله الرحمن الرحيم

اسمعني وانا اخوك من شخص مجرب ا والاكورد

الاكووورد افضل بكثيير من ناحية المميزات لكن فيها مشكلة كبيييرة الي هي العزل عزلها خايس وانت شكلك راعي خطوط

واذا جزمت وقررت تشتري اكورد لازم لازم لازم لازم لازم لازم لازم تسوي تأمين شامل على شان ماتاكل ..... مثلي

انا صار لي حادث واكلتها قطع غيارها احرقتني

اذا كنت راعي خطوط خذ لك فووورد مافيه مثلها رساوة وعزل بس الشكل مو كل الناس يعجبهم

الله يكتب الي فيه خييير لك

الاستخارهـ شئ جمييل

آول شئ ..~

السلام و عليكم ورحمة الله وبركآتهـ ..~

بجيب لكـ كل شئ عن السيارات كلها ..~

][ مع آضآفة سيارة لكـ ][

1: الاكورد : سيارة جميلة وعمليهـ وآنصحكـ بهآ و لكـ يعيبها أصوات الديكور و العزل الخارجي فقط ..~ :) ~ :o

2: الكامري : مجرد شهرة على الـ زيرو وآسعآر قطع مثل الاكورد تقريباً ! :p

3: الالتيما : مع واحد من آقآربي 2010 ما كملت 7 شهور الا يقول صارت السيارة ترجع من 180 ~> 80 !

وآسعآر قطع غيآر غآلية مثآل البواجي الواحد بـ 100 = الاربعهـ بـ 400 و بعدين كلهآ كم سنة وتخردعـ .. :(

..

السيارة الي آضيفها لكـ .. :)

ميركوري ميلان 2010 - 2011 السيارة مع واحد من اقاربي صراحة روعة ماشاء الله تباركـ اللهـ ..

وآنآ مجربها بنفسي سيآرة رآقية جدآ جدآ و عزل خارجي حلو جدآ .. وآنصحك بها .. :)

ولا تنسى صلاة الاستخآرة وآنا آخووكـ .. :)

تحيتي لكـ/ـ

مشكورين

طبعن الكامري لو بشتريها باخذها وكاله لكن اكورد مستعمل عشنها غاليه لكن ممشها مراح اخذ اكثر من 70 الف

وضعي اوكي

والله شوف يابعدي

انا كنت مثلك محتار بين كابرس واكورد وكامري

جربت الكابرس وجربت الكامري وجربت الاكورد

الكامري تميزت عن الاكورد بالعزم فقط

ومع اني من عشاق شركة تويوتا سابقا .. لكن صراحه يوم ركبت كامري 2011 ماشية الف كيلو حسيت كاني راكب مديل 2000 ..

عزل زفت وصلبه جدا لكن يميزها العزم المميز ..

جربت الاكورد عجبتني نعوومه مرة وشكلها شبابي احلى من الكامري

صح قطعها اغلى شوي من الكامري بس احسها ارسى واثقل بالخط

والله يختار لك الخير لكن بنظري الاكورد افضل من الكامري عن واقع تجربة شخصية .~