مشكلة عند التشغيل

السلام عليكم

أخباركم عساك بخير ؟

الف مبروك رجعت الملك و الف مبروك الاجازة :d

ما أطول عليكم

اليوم جيت اشغل الموتر بالظهر يالله اشتغل شغلت المره الاولى ما رضت و الثانية و الثالثة بالقوة اشغلت مع ان هالمشكلة مرت علي فترة واليوم رجعت لي مع انها هالمشكلة تبدأ بالتدريج يعني امس جيت اشغل بالقوة اشتغلت واليوم بعد ثلاث مرات اشتغلت مع العلم اني لي اسبوعين وانا ما احمي الموتر اشغل وانتظر بالكثير 20 ثانيه وامشي لاني قريت ان التحمية تضر فما ادري هل المشكلة من التحمية ولا من شيء ثاني ياليت تفيدونا و الله يعطيكم العافية

وسلامتكم ،،،

شيك على البطارية اولا بعدين يصير خير لان في اكثر من سبب لمشكلتك لكن مثل ما قلتلك الاول ابداها بالبطارية وان شاء الله تنحل مشكلتك

مشكلتك ياعزيزي البطاريه غيرها وبتضبط الامور

معروفه حركات البطاريه :d

اول مرا اسمع انه تحميه السياره مضره :confused:

اللي اعرفه انها كويسه واذا ماحميت السياره ممكن بعد فتره تضرب المكينه

انا ماني مهندس بس ماقرأته في النت , واتمنى احد يفيدنا !!

هلا فيكم يالغالين

من ناحية البطارية انا مغيرها من 4 شهور تقريبا ً وتأكدت من اصابع البطارية ومشدودة زين ولكن هالمشكلة تجي من فترة لفترة لو إن المشكلة من البطارية كانها تكون مستمرة لكن جاتني هالفترة وبشكل زايد عن اول و اليوم جيت شغلت الامور تمام ولكن مصيرها ترجع

وبخصوص التحمية اوما تضرب المكينة :d أول مره اسمع بها :)

يالغالي السيارات القديمة كانت تحتاج للتحمية عشان البنزين يقولون يطلع ومدري وشو ولكن السيارات الجديدة ما تحتاج لوجود البخاخات فيها هذا يلي قريته

و قريت بعد ان التحمية تضر السيارة من حيث العزم يقل فيعني شغلها واحسب 20 ثانية وحرك ولا تخليها دقيقتين او خمس دقايق وانا ما بديت التحمية إلا قريب ولا في المرات الاولى كنت اشغل وامشي على طول وقال لي واحد من الشباب خلها تحمي لا تستعجل واستمريت على التحمية حدود الـ 3 شهور ولكن يوم قريت انها تضر رجعت لطريقتي الاولى دق سلف و احسب الثواني وامش :d

طيب خذ اي بطاريه من اي سياره ثانيه

بس تكون سليمه وتشغيلها عادي

وركبها عندك وجرب شغل اذا اوكي اذاً بطاريه

واذا نفس المشكله روح عند كهربائي وافحص احسن لك

بالنسبه لتسخين السياره شوف هالكلام من مواقع اخرى :

اقتباس:

---

فائدة تسخين السيارة كما يلي :-

اولا : تعلم ان الزيت في المحرك قبل التشغيل يكون باردا ،
وكفاءة الزيت تزداد كلما تعرض للحرارة
لان هناك جزيئات في الزيت تزداد فعاليتها وتكون قادرة على منح الزيت اللزوجة الكافية
لتقليل احتكاك قوالب الحديد الموجودة داخل المحرك من بساتم وحلقات وتروس وغيرها
وكلما زادت الحرارة كلما زادت فعالية الزيت اذا كان جيدا طبعا.....
لذلك ترى ان السيارات الجديدة يكون مؤشر الحرارة في المنتصف حتى يحافظوا على المحرك فترة اطول باذن الله

ثانيا : لابد من تجهيز المحرك للعمل الشاق
وذلك بتسخينه بعض الوقت حتى تسمح للمعدن داخل المحرك بوجود الزيت بالتمدد
حتى تجنبه التاكل وبالتالي حصول فراغات في الحلقات تسمح للزيت بالدخول الى غرفة الاحتراق
وبالتالي ظهور الدخان الذي يخرج من العادم او ما يسمى البوش الشكمان
لانه يكون كما تعلم في حالة انكماش عندما يكون باردا

---

اتوقع بتغير رآيك بعد كل ذا وبتسخن سيارتك :d

انا معاي الاكورد ثلاث سنوات ماشاء الله عمري ماتحركت الا اسخن

الا طبعا اذا كنت مستعجل مااسخن بس اكثر الاوقات لازم اسخنها ( دقيقتين فقط )

بالتوفيق :cool:

اقتباس:

---

المشاركة الأصلية كتبت بواسطة Accord_2005

السلام عليكم
أخباركم عساك بخير ؟
الف مبروك رجعت الملك و الف مبروك الاجازة :d
الله يبارك فيك
ما أطول عليكم
اليوم جيت اشغل الموتر بالظهر يالله اشتغل شغلت المره الاولى ما رضت و الثانية و الثالثة بالقوة اشغلت مع ان هالمشكلة مرت علي فترة واليوم رجعت لي مع انها هالمشكلة تبدأ بالتدريج يعني امس جيت اشغل بالقوة اشتغلت واليوم بعد ثلاث مرات اشتغلت
مثل ما قالوا الشباب شف البطارية اذا عليها (بودرة بيضاء) وغسلها بماء ولا ببسي واذا ما نفع الله يعينك غير
مع العلم اني لي اسبوعين وانا ما احمي الموتر اشغل وانتظر بالكثير 20 ثانيه وامشي لاني قريت ان التحمية تضر فما ادري هل المشكلة من التحمية
التحمية تضر :confused: طيب شف الرابط بعدين احكم
(http://www.hondaarabia.com/club/t31894/)
ولا من شيء ثاني ياليت تفيدونا و الله يعطيكم العافية
وسلامتكم ،،،

---

تقبل مروري:d

اقتباس:

---

المشاركة الأصلية كتبت بواسطة 2010 accord

تقبل مروري:d

---

طيب يالغالي تفضل هالرابط وترجمة لأن الموقع اجنبي واقرأ عن إحماء السيارة ومن ضمن المكتوب اسطورة يعني شائعة أة أكذوبة وكاتبين احماء السيارة ليصل إلى درجة حرارته و حاطين لك الصواب وهو حتى لو كنت بالشتاء شغل السيارة وانتظر 30 ثانية وامشي

Idling Your Car

وبتلاقي كلمة ( تسكع ) وهي بمعنى إحماء

وسلامتك ،،،

واحد فيلسوف اعرفه جلست انا وياه تنتاقش عن تحمية السياره انا اقله لازم وهو يقلي لا عادي قلتله طيب يا ادمي مكينتك خبطت قبل شهرين واشتريت جديده قال مالها شغل الزيت يدخل السلندر وبعدين يتحول الى زئبق وبعدين يطلع عصاره مكتوب فيها ماردونا (كذا الفلاسفه) قلتله والله وبالله وتالله انك فيلسوف وما تدري عن السيارات الا اسمها بعدين اصطتده فالماء العكر زي ما يقولوا وقلتله طيب انت توك صاحي من النوم هل تقدر على طول تركض؟
قلي ايوه يوم قالها قلت روح لمزبلة التاريخ فترى باقي مساحه لك فيها هههههههههههههههه

اقتباس:

---

المشاركة الأصلية كتبت بواسطة Accord F15

واحد فيلسوف اعرفه جلست انا وياه تنتاقش عن تحمية السياره انا اقله لازم وهو يقلي لا عادي قلتله طيب يا ادمي مكينتك خبطت قبل شهرين واشتريت جديده قال مالها شغل الزيت يدخل السلندر وبعدين يتحول الى زئبق وبعدين يطلع عصاره مكتوب فيها ماردونا (كذا الفلاسفه) قلتله والله وبالله وتالله انك فيلسوف وما تدري عن السيارات الا اسمها بعدين اصطتده فالماء العكر زي ما يقولوا وقلتله طيب انت توك صاحي من النوم هل تقدر على طول تركض؟
قلي ايوه يوم قالها قلت روح لمزبلة التاريخ فترى باقي مساحه لك فيها هههههههههههههههه

---

ههههههههههههههههه

بس ما اعتقد ان التحمية لها دخل بتخبيطالمكينة انا من يوم ما طلعت الموتر من الوكالة إلى قبل 3 شهور و انا ما احميها ما صرت احمي إلا قريب و الان رجعت لعادتي الاولى

وهذا الرابط ان شاء الله يفيدك :

Idling Your Car

ترجمة وشفه وهو مثل يلي اعطيته للعضو يلي بردي رقم 7

وبخصوص تخبيط المكينة من اسبابها انك تأخر موعد تغيير الزيت مثل يلي يصكها للـ 5000 و يلي اعرفه وقالوا لي عنه بالوكالة انه الزيت كل 3500 بالكثير وكلمت من فترة قريبة واحد من الشبا بابي اتأكد منه عن تغيير الزيت قال لي كل 3500 وقلت مافيه مشكلة لو خليتها إلى 5000 أو 10000 قال يمديك لكن المكينة بيصير فيها نسبت الاحتكاك بشكل اكبر لقلت اللزوجة و بتخبط بسرعة

حطيت هالمعلومة كلها عشان لا احد يقلي وش الاضرار من تأخير الزيت :d

وسلامتك ،،،