مشاكل جننتني فالاكورد 2009
السلام عليكم و رحمة الله و بركاته
المعذرة لو اباخذ من وقتكم شوي بس عندي مشاكل مجننتني و كرهتني فالسيارة :mad:
انا طلعت هوندا اكورد 4 سلندر نص فل كرت (اللي فيها فتحة سقف) تعرفون النوع اكيد
المهم السيارة الان ماشية 24 الف و عندي :
1- القير لما ابدل بين ال( N) و ال( D) , او ال( N) و ال(R ) احس بطقة فالجربكس و السيارة احسها ترج و اذا لفيت الطارة يطلع صوت و تزيد الرجة . (( اذا لفيت و انا واقف مو و انا ماشي))هذا طبيعي؟ ما اظن
2- اذا شغلت المكيف (طبعا طبيعي لازم تشتغل المروحة و تطفي ) بس احسها تشتغل و تطفي بالظبط بعد كل 10 ثواني , و اذا اشتغلت احس الانوار تضعف معاها و ترجع بعدين لوضعها الطبيعي . هذا طبيعي ؟؟
3- لما اشغل السيارة احسها زي اللي تتفتف تفتفة بسيطة و تشتغل عادي , بس الموضوع زاد شوية و اليوم اضطريت اني اسوي اشتراك للبطارية لانو ماكانت راضية تشتغل .:(:(
4- اذا مشيت على عيون البس احس الديكور شوي و بينكسر و خاصة المسجل , حتى اذا اكلت حفرة عادية او مشيت على زفلت خشن في صوت يطلع كانه رجة فالديكور او شي زي كذا .
5- اسمع طقطقة فالقزاز , مثلا اذا كنت نازل فنزلة اذا خلصت النزلة احس القزاز فيه طقة كانه يتاثر بالنزلة هذي , زي كانه مو ثابت ( طبعا هذي المشكلة فنزلة , او طلعة , او حتى مطب عادي , او لما ادبل دعسة مثلا , او لما اهدي بسرعة )طبيعي ؟؟ ما اظن
6- لما امسك القزاز بيدي و احركه يتحرك معايه يطلع و ينزل شي بسيط , هذا طبيعي ولا لا ؟
7- احسها حساسة مع المطبات و الحفر جدا جدا جدا جدا جدا جدا لانو لازم مع اي مطب او حفرة او مع عيون البس يطلع صوت رجة عند القزاز الخلفي و الامامي و فالديكور , هذا طبيعي؟ ما اظن . لدرجة انو صرت ما احب امشي الا و ولازم اشغل الاغاني عشان ما ابغ اسمع الاصوات هذي
(( للعلم الاصوات ماهي مرة مرتفعة يعني تقريبا وسط ))
(( و للعلم السيارة خرجت عن الضمان لاني مو منتظم فالصيانة بس مداني ارجعها للضمان انشالله ؟؟ )) و كيف ؟
ارجو انكم تجاوبوني على النقاط السبعة هذي لاني فعلا بديت اكره السيارة :(
