كيف اعرف اذا السياره كانت بالعرض قبل البيع!

السلام عليكم :

أخواني حبيت أستفسر عن شراء السياره من الوكاله...

كيف اقدر اعرف ان السياره ما كانت في العرض يعني معروضه داخل اوخارج المعرض في اي من فروع هوندا ... ما ودي احط فلوس في سياره ماسكها الف واحد :eek: حتى لو العداد اصفار

مع التحيه للجميع

وعليكم السلام ورحمة الله وبركاته

فيه اشياء كثير تقدر تكتشف فيها الشي هذا

منها على سبيل المثال

أكياس المقاعد

لو جاتك السياره ناقصه اكياس اعرف انها كانت في العرض خصوصا لو مافيها اكياس ابدا

الأزارير

شيك على أزارير المكيف والمسجل والدركسون والإضاءه كلها وهل هيا تعمل بطريقه سريعه وسهله او يبغالها ضغط اقوى عشان تأدي وظيفتها او انه الزر خفيف ومرتخي مو مثل الباقي

عتبة الباب

اذا كانت مجرحه اعرف انها كانت في العرض

هذا مايحضرني حاليا واذا اتذكرت شي بضيفه ان شاء الله

:)

مشكور أخوي على الملاحظات .. كنت اتمنى لو مصداقية الوكاله أعلى حتى لاأحتاج
أن أدقق بنفسي ولكن لاحول ولا قوة الى بالله

لو في أفكار ثانيه مثل رقم الشاصيه ياريت لو تنورونا لآني انشاء الله بستلم السياره بعد العيد

مع التحيه للجميع
أخوكم أبو خالد

أخوي عندك الفل كامل (مراتب جلد) تلاقي الجلد متعفط ومتوسخ شوي خصوصا في مرتبة السائق وتلاقي الدوائر اللي تكون عالبدي بسبب الغسيل والتمسيح..

بكل بساطه اطلب السياره من المستودع وبكامل اكياسها وانك تشوفها قبل استخراج البطاقه الجمركيه والتشييك عليها

والف مبرووك مقدما..

معذرة انا اشتريت سيارة جديدة من الوكالة وقال البائع انها في المستودع وتم استخراجها من المستودع لكن لايوجد فيها اكياس لجميع المقاعد
فهل هذا يعني انها كانت معروضة في معرض علما انني لم اجد البايلوت الفئة الاقل في المعارض معروضة ابدا
ارجو المساعدة

حبيبي أبوخالد
اقول لا توسوس ههههههه
تراني ماخذ البايلوت مافيه ولا قرطاسه
وبيني وبينك هذا الشغل العدل
لأن القراطيس أصلا مكتوب عليها : Dealer must remove cover
والترجمة : يجب على الوكيل إزالة التغليف (بالعربي القراطيس)

صحيح لها شكل حلو ومنظر كويس قدام الناس بس خلك من الهياط الفاضي وابلع العافية واحمد ربك ان البايلوت نفس شكله من ثلاث سنوات ما تغير عشان محد يدري ان معك 2011 ترا عيون الناس صارت صواريخ الله يكفينا الشر !!

ياخي مايبغالك قلهم خليها بتغبيرتها لاحد يغسلها وانت تظمن

ههههههههه:d
ياخي سبحان الله انت زي واحد من الشباب غرز بسيارته ورفض ان ينسم الهواء يقول لا والله خليه هواء بلده ما طلع السياره الا سحب