اول مشاركة لي

السلام عليكم
اخوكم عضو جديد ( اكوردي صغير)

عندي سؤال بسيط
عندي اكورد 2009 المشكلة في ريموت السيارة
انتهت بطاريته
هل اغير البطاريه من اي محل مثل محلات تغيير بطاريات الساعات
او في الوكالة او فيه محلات خاصه بها وشكرا

اولا الله يحييك اخوي ومنور منتدى محبي هوندا

وتانيا مو شرط تروح الوكالة او محل مخصص

اي محل يغيرها لك وخلصنا

أهم شيء خذ نفس مقاس البطارية .... وترا قيمتها ( 4 ريالات ) واللي موجود في السوق أغلبه ماركة ( بانسونيك ) صناعة تايواني أو إنيدونسي ... وتقدر تفك المفتاح بسهولة وتغير البطارية بنفسك ولا يحتاج توديها محل ولا فني ... وسلامتك .

الله يعافيكم يعني اروح محل تغيير بطاريات الساعات احصل عنده
بس وش افضل نوع للبطاريه

في نوع ياباني ما اذكر اسمه بس اشتريته وركبه لي محل الساعات

الأفضل باناسونيك بس لو حصلت غيرها غيرها صناعة ياباني ركبها أنا قبل أسبوع مغيرها بنوع ياباني لكن نسيت أسمه وسعرها 10 ريال

وعليكم السلام

غيرها بأي محل ساعات عند الاكشاك الصغيره الي برا المحلات بـ 10 ريال

في نوع ياباني كويس وغيرت منه لريموتي

اسمه ماكس او ماكسس زي كذا تقريبا المهم تجي الكتابة بالانقلش وباللون الازرق

يا ناس لا يضحكون عليكم .... والله بـ 4 أو يمكن بـ 3 ريال أنا مأخذه قبل مدة بسيطة ... ليه 10 ريال ؟

لأن الواحد إذا تباسط السعر في كل شيء يشتريه ... صار كأنه ينثر فلوسه في كل مكان ... صدقوني مهوب حب في الفلوس ... بس قهر كل واحد يحط السعر اللي يعجبه .. ولا حسيب ولا رقيب ... فأحسن شيء يمر الواحد كذا محل ويأخذ فكره عن البدائل ويكاسر في الأسعار .

وبالنسبة لفك الريموت ما يبغاله شيء ... يعني مهوب كل شغله لازم يصلحها لنا العامل فك المسمار الصغير في ريموت السيارة وفك الغطاء .. وغير البطارية .... يعني ما يمديك تعد لـ 10 .

لازم الواحد يعتمد على نفسه في هالشغلات ... وسلامتكم .

اقتباس:

---

المشاركة الأصلية كتبت بواسطة nasser1430

يا ناس لا يضحكون عليكم .... والله بـ 4 أو يمكن بـ 3 ريال أنا مأخذه قبل مدة بسيطة ... ليه 10 ريال ؟
لأن الواحد إذا تباسط السعر في كل شيء يشتريه ... صار كأنه ينثر فلوسه في كل مكان ... صدقوني مهوب حب في الفلوس ... بس قهر كل واحد يحط السعر اللي يعجبه .. ولا حسيب ولا رقيب ... فأحسن شيء يمر الواحد كذا محل ويأخذ فكره عن البدائل ويكاسر في الأسعار .
وبالنسبة لفك الريموت ما يبغاله شيء ... يعني مهوب كل شغله لازم يصلحها لنا العامل فك المسمار الصغير في ريموت السيارة وفك الغطاء .. وغير البطارية .... يعني ما يمديك تعد لـ 10 .
لازم الواحد يعتمد على نفسه في هالشغلات ... وسلامتكم .

---

+1

يا الله عاد غيرنها المره الثانية نسعر قبل :d أنا ركبتها بنفسي ما لها داعي يكسر شيء الهندي أو يخرب الريموت وبعدها يقول ما عليش صديق :( وأفقع خشته وأدفعه قيمة المفتاح :d وعلى فكرة قيمة البطارية بالوكالة بحدود 22 ريال وممكن أكثر بعد ..