وكاله هوندا

السلام عليكم ورحمه الله وبركاته
يعطيكم العافيه ع المنتدى الرائع
المهم انا توني ماخذ هوندا اكورد 2008 سته سلندر وعندي كذا استفسار تعرفون عمره مادخل وكاله
1- مواعيد دوام الوكاله ؟ وهل في دوام الخميس ومن كم الى؟؟
2-بالنسبه للتغير الزيت كم سعره ووش الخدمات اللي يسونها معه؟وعادى في اي وقت اروح اغيره يعني مافي وقت محدد زي الصيانه؟
3-تنصحوني بزيت هوندا ولا اغيره واذا اغيره وش استخدم؟
4-بالنسبه حق التشيك عادى يسون لي تشيك ويقولون لي وش فيهاا بدون ماسويها معهم وطبعا ابلاش ولا بفلوووس؟؟
5-بالنسبه حق تغير الزيت وين اروح لاني اول مره اددخل وكاله هوندا ؟؟ ~~ تعرفون من كثر الوكالات اللي دخلتهاا
6-طبعا صيانة السياره كلها في الوكاله من 0 الى 65000 والحين ماشيه 70 واشوي وفاليت وش االاشيااء اللي لازم اغيرها مستقبلا؟
ومشكورين ولا احد يضحك على وع هالاسئله

دوام الوكالة من 8:30 صباحا إلى 12 الظهر (فترة راحة لمدة ساعة) ثم يرجعون إلى 3 العصر مدري 2:30 الظهر, الخميس نص دوام..

سعر تغيير زيت المحرك مع السيفون (الفلتر-المرشح) بـ 200 ريال (4 سلندر بـ 135 ريال)

تغيير الزيت كل 5000كم او 6000كم مافيه بأس!.

بالنسبة للخدمات مافيه إلا تغيير زيت وسيفون وامسك الباب هذه الوكالة ألحين مافيه اي إهتمام ابد!, ومع ذلك يسرقونك بأسعار مرتفعه وغير مبرره!!.



التشييك كل شيء مخصص له سعر وهذا موضوع راح يفيدك::
http://www.hondaarabia.com/club/t34191/

ألحين اهم شيء تتأكد من تغيير الزيت هل تم في صيانة الـ 60,000كم او ماتغير؟!

إذا غيرت الزيت او المستخدم الأول غير الزيت خلاص ماتحتاج تغييره إلا إذا وصلت 100,000كم
(60,000 ثم 40,000 ثم 40,000 ثم 40,000 وهكذا)

القكع المستهلكة عادة تتغير في صيانة الـ 100,000كم تتضمن بواجي فلتر الهواء فلتر المكيف فلتر بنزين سير المحرك فحمات وخرط هوبات إذا لزم..

دخلها و قول ابي اسوي لها صيانة الـ70 طبعا راح تكلفك وااجد و اتوقع شغل يدهم بس حول 600زيت و تشييك كاامل و اذا فيه اي قطعه تحتاج تركيب شاملها هالسعر من اقمشه و فلاتر و غيرهـ و انت بكيفك يقولوا لك تبي تغير او لا .
و بالنسبة للوقت راح تنزلها الصبح و ترجع لها العصر اللى اذا تغير نظامهم الله اعلم
اتمنى اكون افدتك
و فيه بعد موضوع في قسم صيانة الاكورد يبين لك اسعار الصيانه حسب ممشى السيارة

اقتباس:

---

المشاركة الأصلية كتبت بواسطة king

دوام الوكالة من 8:30 صباحا إلى 12 الظهر (فترة راحة لمدة ساعة) ثم يرجعون إلى 3 العصر مدري 2:30 الظهر, الخميس نص دوام..

سعر تغيير زيت المحرك مع السيفون (الفلتر-المرشح) بـ 200 ريال (4 سلندر بـ 135 ريال)

تغيير الزيت كل 5000كم او 6000كم مافيه بأس!.

بالنسبة للخدمات مافيه إلا تغيير زيت وسيفون وامسك الباب هذه الوكالة ألحين مافيه اي إهتمام ابد!, ومع ذلك يسرقونك بأسعار مرتفعه وغير مبرره!!.



التشييك كل شيء مخصص له سعر وهذا موضوع راح يفيدك::
http://www.hondaarabia.com/club/t34191/

ألحين اهم شيء تتأكد من تغيير الزيت هل تم في صيانة الـ 60,000كم او ماتغير؟!

إذا غيرت الزيت او المستخدم الأول غير الزيت خلاص ماتحتاج تغييره إلا إذا وصلت 100,000كم
(60,000 ثم 40,000 ثم 40,000 ثم 40,000 وهكذا)

القكع المستهلكة عادة تتغير في صيانة الـ 100,000كم تتضمن بواجي فلتر الهواء فلتر المكيف فلتر بنزين سير المحرك فحمات وخرط هوبات إذا لزم..

---

اي يالغالي غيرت زيت القير في 60.000 وزي ماقلت لك تشيك السياره كلها في الوكاله لين 65000 والحين ماشيه 70 واشوي

وشكلي مابروح الوكاله احسهم نصب في نصب

والسياره الحمد لله ماشيه زي الحلاه لاني مو حق سرعه ولا طلعات ولا بطيخ

حدي من بيتي الى ارامكو اوقف السياره واطلع مع الباص وارجع من ارامكو الى البيت واذا كثرت نزلت الحسا ولا كل اسبوع بعد


تسلم يالغالي افدتني كثيرر

اقتباس:

---

المشاركة الأصلية كتبت بواسطة عاشق للهوندا 07

دخلها و قول ابي اسوي لها صيانة الـ70 طبعا راح تكلفك وااجد و اتوقع شغل يدهم بس حول 600زيت و تشييك كاامل و اذا فيه اي قطعه تحتاج تركيب شاملها هالسعر من اقمشه و فلاتر و غيرهـ و انت بكيفك يقولوا لك تبي تغير او لا .
و بالنسبة للوقت راح تنزلها الصبح و ترجع لها العصر اللى اذا تغير نظامهم الله اعلم
اتمنى اكون افدتك
و فيه بعد موضوع في قسم صيانة الاكورد يبين لك اسعار الصيانه حسب ممشى السيارة

---

طيب يالغالي بس مافهمت عليك

الحين لو سوى لي تشيك بدون شغل بدون شي بس تشيك ياخذون عليه فلوس ولا لا هذا انا سوالي

الموضوع إلي وضعته لك, فيه معلومات عن الفحص ومثل ماذكرت بالموضوع وراح اذكرها لك مره ثانية..

الفحص مايشمل الاصلاح, يعني طلعت لك مشكلة بالقير ويحتاج برمجة كمبيوتر ماراح يسوونه بنفس سعر الفحص ولها سعر غير سعر الفحص..

وموضوع فحص السيارة محد يسويه إلا إذا خلاص مافيه امل, لكن في حالتك ماتحتاج فحص ماشاء الله تبارك الله على كلامك ماشيه زي الحلاوه خلها على حالها ولا تدلعها قبل لا تتدلع عليك!!.

اقتباس:

---

المشاركة الأصلية كتبت بواسطة king

الموضوع إلي وضعته لك, فيه معلومات عن الفحص ومثل ماذكرت بالموضوع وراح اذكرها لك مره ثانية..

الفحص مايشمل الاصلاح, يعني طلعت لك مشكلة بالقير ويحتاج برمجة كمبيوتر ماراح يسوونه بنفس سعر الفحص ولها سعر غير سعر الفحص..

وموضوع فحص السيارة محد يسويه إلا إذا خلاص مافيه امل, لكن في حالتك ماتحتاج فحص ماشاء الله تبارك الله على كلامك ماشيه زي الحلاوه خلها على حالها ولا تدلعها قبل لا تتدلع عليك!!.

---

اهاااا يعني حتى فحص السياره بفلوس

طبعا يفحصها لي كامله ويقولي وش يبي لها وانا بكيفي اصلح ولا لا


طيب تقريبا كم سعر فحصهم طبعا شامل

السعر غالي جدا ً ومثل ماذكرت بالسابق لكل فحص له سعر محدد.

1- فحص المكيف:

السعر 120 ريال غير شاملة الأصلاح

2- فحص الألكتروني:

السعر 160 ريال غير شامل الأصلاح

3- فحص الميكانيكا:

السعر 240 ريال غير شامل الأصلاح

4- فحص القير:

السعر 120 ريال غير شامل الأصلاح


المجموع النهائي= 640 ريال

بعدها يطلع لك تقرير بالفحص النهائي والمشاكل الموجوده بالسيارة, اطلب من المهندس يترجم لك المشاكل حتى تعرف تصلحها سواء بالوكالة او عند اي ورشة..

لمزيد من التفاصيل راجع هذا الرابط..
http://www.hondaarabia.com/club/post379714-1/

صحيح من سماك كنج


كفيت ووفيت يالغالي في كلشي مااقول الا بيض الله وجهك دنيا واخره


وااسف ع تكثير الاسئله لانه ماعندي الا الله ثم هالمنتدى