صيانة عبدالله هاشم والضحك على الذقون

الأخوة الأعزاء تحية من الله عليكم

شاء الله علي وقررت الذهاب بسيارتي هوندا أكورد 2009 للصيانة الأربعين ألف بعد أن سحبت على الصيانة من بعد العشرين ألف وياليتني لم أفعل ؟؟؟

البعض ذكر أهمية صيانة الأربعين ولكن للي سيارتة بخير وعافية فالأمر لايتعدى تغيير زيت والدليل يأتي لاحقا.

ذهبت للموظف وذكرت له رغبتي بصيانة الأربعين فأخذ يسألني هل توجد ملاحظات فقلت له لاشيء مهم عدا الولاعة الي ماتشتغل ومساحات المويه التعبانين.

قال طيب والقماشات قلت له الوضع تمام وذهبنا معا ليتفحص السيارة فذكر أن القماش الخلفي يحتاج تغيير وكذلك الكليبر الذي يغيربالمجان قلت طيب أنت أبخس مع أني لا أحس بمشكلة
زمع الحديث ذكرت له وجود رجفة في السيارة بسيطة خصوصا الصباح مع تفتفة فقال على طول ننظف البخاخات فقلت له أذا كان الأمر يستحق فليكن ومشيت عنه على وعد الأستلام في نفس اليوم.

ذهبت وقلبي ماكلني فاستعذت بالله وقلت خير وأنتظرت الأتصالفي نفس اليوم فلم يتصل أحد وفي صباح البوم وعلى بال مارفع الأخ أسألة عن السيارة فيقول سأعاود الأتصال بك ولكن لاحياة لمن تنادي فأعدت الأتصال بعد ساعة وعشرين دقيقة فرفع وكان منزعج شوي ويقول أذيتنا ياخي فسألتة أيش صار وكنت في طريقي مع زميلي للوكالة وبكل برود يقول دقيقتين وأكلمك ؟؟؟؟؟؟:cool::cool::cool: فقلت في نفسي عش دهرا ترى عجبا وبعد خمس دقائق الو سيارتك ماخلصت وتعال الظهر أستلمها !!!!! قلت في نفسي بيدي لابيد عمرو وأيش فيها محطةبترومين الي عندالبيت تشوف شغلهم بنفسك وبتراب الفلوس

ذهبت لأستلام السيارة والفاتورة 1600 وشوية الجماعة غيروا لقماشات مع أني متأكد من عدم أنتهاء العمر الأفتراضي بس غلطتي أني عطيتهم الثقة والضوء الأخضر من باب أهل مكة أدرى بسيارتهم :d وماأنسى 200 ريال للبخاخات الي ماصدقوا و نظفوهم وأتحدى أنهم شيكوا الحاجة لذلك بس المال السايب يعلم السرقة.

رجعت البيت والكرسي مكيس بكيس هوندا ب 1600 ريال بس وقلت السالفة لوالدي فقال لي قلعتك وش لك بالوكالة قوم باخليك تعرف أنهم ماعندهم سالفة قلت كيف قال أقتح الكبوت قلت صار والله الغظيم ومن عطاني عيالي ماي المساحات حق تنظيف الزجاج الأمامي مو مزيود وعلى حالته يعني أذا هالشي التافة وأنا مغير المساحات ب 144 ريال ماسووة تبين أثق يبصيانة الأربعين ألف الي مسوين بوكليت ولسته لها أول مالها ثاني على التشييكات الي تصير على السيارة فحد ث العاقل بمالايعقل فأن صدقك فالعقل له.

ومن اليوم طلاق للوكالة لارجعة فيه وقصتي أمامكم وأبي رأيكم

أرجع

انا مره غيرت زيت القير وانا ماشيكت على السيارة حاسبت الموظف ومشيت من الوكاله ورحت اغسل السيارة ولا أشوف معيار الزيت عند المساحات شوف درجة الاهمال احمد ربي اني غسلت السيارة لو ما غسلت سيارتي كان دخل وصخ مكان الزيت .... بعدها ما اروح الوكاله حراميه فلوس زايده على الفاضيي اللي هم يسونه المحلات الثانيه تسويه .... احسن شي اعرف لي ورشه محترمه واسعارها حلوه ومحل بنشري حق الزيت وتخسي الوكاله اروح لها

اخي الكريم اقدر صعوبة الوضع
لان الوكالة تعتمد على موظفين اعلى راتب للمعلمين المهنين بالوكالة من -2000 - 3500
هذا الدرجة الاولة
ولكن ياصديقي اذا كان هذا الموظف ذو خبرة عاليه وثقة بالنفس بخبرته هل يرضى بهذا الراتب
وغير ذلك انت تعلم صعوبة الشركات ويجب عليه ان يتحمل ضغط العمل ويداري الموظفين الاعلى منه وظيفا
فاذا خليت بليت والدنيا لاتخلى من اصحاب الضمير الحي الموجدين في الصناعيات وكلنا يعلم انهم قلائل ولكن موجدين
ونسال الله ان لايتكرر هذا الموقف معك

الوكاله صارت لي مواقف كثير فيها ...

مره بدلت فحمات ركبو لي تجاري ...

مره عطيتهم السياره اخدو فلوس والسياره ماتحركت من مكانها ولا تغير فيها شي ..ز

مره انسرق من سيارتي ميداليه قيمتها 600 ريال

انا من اخدت سيارتي ماشفت الوكاله الا في صيانة 1000 كيلو مجانيه وبعدها ماشفتها والحمد لله

السياره الاوليه لعبو فيها لين ماشبعو

قلتها في تقرير تجربة ال 200 الف .. اذا أنت تعرف وش تحتاج سيارتك كل 10 او 20 او 40 الف كم .. ليش تروح الوكاله ؟

هذا الشي موجود في كل الوكالات .. نصب واستغلال ثقة الزباين ان الوكاله هي الصح والباقين غلط

بصراحه الوكاله شي مهم في حالات نادره .. مثل بعض المشاكل الميكانيكيه الي يعجز عنها مهندسي الورش المتخصصه بهوندا .. ليش ؟

مو لعبقريتهم الزايده ولكن لأنهم متواصلين مع المصنع فلو استصعبت عليهم المشكله اخذوا المشوره من المصنع



تحياتي للجميع

أشكر تفاعلكم جميعا ومثل ماينقال كل طراق بتعلومة.

بس من جد لحين حاس بالنصبة وكل الي سووه يتسوى بره وبنص السعر هذ لو صحيح شيكوا عليها.

والله ياخوي مو نصبه وبس الا مصيبه ما اقول الا الله يعوضك بشيء احسن من اللي راح

البخاخات تتنظف بـ 200 ريال والفحمات الخلفيه ما تتغير الا بعد مده طويله يعني ثلاث اربع سنوات قلي ليه اقلك الحين الفرامل الظغط يكون فيها عالاماميه بس زي منت عارف المكينه والبلاوي كلها قدام الخلفيه وش عندها حتى دفرنس مافيه بالاكورد فهذا اللي قلك خلفيه مفروض تقله انت من علمك عن الميكانيكا ولع النار بوجهه خلك شديد معهم والله ما ينفع معاهم الا العين الحمراء يعني كليبر ويغيرونه مجانا والفرامل وتنظيف البخاخات ومساحات المويه بـ 1600 :eek:

اقتباس:

---

المشاركة الأصلية كتبت بواسطة Accord F15

والله ياخوي مو نصبه وبس الا مصيبه ما اقول الا الله يعوضك بشيء احسن من اللي راح

البخاخات تتنظف بـ 200 ريال والفحمات الخلفيه ما تتغير الا بعد مده طويله يعني ثلاث اربع سنوات قلي ليه اقلك الحين الفرامل الظغط يكون فيها عالاماميه بس زي منت عارف المكينه والبلاوي كلها قدام الخلفيه وش عندها حتى دفرنس مافيه بالاكورد فهذا اللي قلك خلفيه مفروض تقله انت من علمك عن الميكانيكا ولع النار بوجهه خلك شديد معهم والله ما ينفع معاهم الا العين الحمراء يعني كليبر ويغيرونه مجانا والفرامل وتنظيف البخاخات ومساحات المويه بـ 1600 :eek:

---

:eek::eek: ياخي والله هذا اللي مجنني .. انا ادري ان الفحمات الخلفية تطول معاك .. وما تغيرها الا كل ثلاث او اربع سنوات .. لكن والله اني طلعت سيارتي من الوكالة ,.. وجلست 4 شهور الا وخربت عندي الفحمات الخلفية .. مدري وش السبب :confused::confused:
وغيرتها وركبت اصلية .. والحمدلله صار لها الحين معاي حوالي 8 شهور وما اشتكيت منها ..
يعني معقولة انا طلعتها من الوكالة والفحمات اللي فيها تجاري :rolleyes:

الي دفعني للكتابة لكم هو أستغلال وجشع الوكالة وللأسف سوء الخدمة المقدمة لذلك أرجوا الحذر خصوصا للي ماله خلفية في موضوع الصيانة.

والله حرام أستغلال الناس

وانا مثلك اخوي مسوي صيانة اربعين ألف وماغير زيت وسيفون وبعض الملاحظات اللي كلمتهم عشانه ما صلحوا فيها شئ .
طبعاً اصوات في الديكور وكلامهم تتصلح في جده لان الفرع اللي عندنا ما فيه سمكره ضربت مشوار الف كيلو وقالوا لي اصوات الديكور تتصلح عالضمان اذا لم تقطع اكثر من 10 الآف كيلو وبعد مشادات ادخلوا السيارة الصيانة ، رحت لهم على نهاية الدوم استلم السياره جاء عندي الفني اللي كان يصلح السياره قال انت مركب شاشة وطريقة تركيبها مبهمه ولا نستطيع فكها وهذا شئ مضاف للسيارة ومانقدر نصلحها .
بعد محاولات لإصلاحها قال تأخذ وقت طويل واستغلوا نقطة ضعفي بأني لست من سكان مدينة جده .
ماتم اصلاحه حسب كلامهم وزنية الابواب يوم والاصوات رجعت في الباب .
مانقول الا حسبنا الله ونعم الوكيل
اعتذر على الإطالة بس هذي معناتي حبيت انقلها لكم

يعني شباب تنصحونا ندور محل غيار زيت محترم افضل من الوكالة؟
انا سيارتي قريب بسوي صيانة ال 25 الف..

انا قبل فتره رحت اسوي الصيانة فقط عشان الكليبرات أخذو مني مبلغ وقدرة

ماقد دخلت محل الدجاج الى ينفضون جيبي نفض :confused: