ضروري ,, محتاج راي ومشورة الجميع
السلام عليكم ورحمة الله
حياكم الله اخواني
وجمعه مباركة عالجميع
امس رحت الوكالة ابي اغير زيت القير والفلتر
سالني المهندس كم ماشية سيارتك قلت له 123 الف وكسور طالع فيني بنظرة غريبة وقالي انت شاري السيارة متى قلت قبل ثلاث اشهر تقريبا
قالي بس رقم العداد في اخر صيانة عندي 233 الف كيلو وكسور :eek:
قلت شلون وانا مستلم السيارة وممشاها 114الف
قالي والله هذا الظاهر
قالي عمعك اوراق الفحص قلت ايهقال جبها
وهي كانت مدبسة بورقة التامين وماكان ظاهر منها الا كلمة اجتياز يعني السيارة اجتازت الفحص
فكها وقالي شوف
طالعت لقيت مكتوب قراءة العداد 275 الف وكسور:confused:
قلت له طيب شلون كذا يعني
قال اول شي ماحقدر اغيرلك الزيت الا برقم العداد اللي بالفحص
المهم اني عزمت ارفع شكوى ضد المعرض اللي شريت منه السيارة علما ان السيارة موديلها 2006 فل كامل مقاعد جدل وماخذها ب 47 الف طبعا قلت السيارة تستاهل لان ممشاها قليل والبودي سليم
وكمان مكلفتني صيانة قريب ال3 الاف
وش الخطوات الي اسويها ع شان اقدم الشكوى
ولا اني اسكت وهذا نصيبي
محتاج رايكم جميعا الله يجزاكم خير
ومالناالا نقول حسبي الله ونعم الوكيل