استفسارات عن اكورد 2005 ... ارجو دخول اهل الخبرة

السلآلآم عليكم ..
يسعد صبآآحكم .. ومساءكم وكل حيااتكم بالخيرااات ياارب ...

طبعا انا توني من 5 دقايق مسجل ... :$ ابي ترحيييب قوي << برااا ..
طبعا لي في المنتدى قرابة سنة من بعيد الى بعيد اطلع بسس مواضيعكم الحلوة والمفييدة كثير .. وعندي بعض المشااكل وارجوو انكم تفيدووني .. ومشكوورين مقدما ..
مشكلتي :-
1- السيارة تطول لما تدق سلف وخصوصا لما تكون باردة .. رحت محل كهربائي وقاس الديمينو ما ادري ايش وقال لي اوكي 14 فولت .. ومافيها مشكلة !! :mad:
2- السيارة فيها طقة من P..R..D ... وش الحل يا جمااعة ..,..

3- السيارة حساااسة جدا جدا جدا جدا واتعب وانا اقول جدا مع الطباات والحفر ولو صغيييرة مرة !! .. وصوتها مزعج لما يكون الطريق متعرج وتهتز كثير !!.. ابد مو ثااابتة وهذا شي متعبني !! ..

4- وهاذي المشكلة الى بتقتلني .. لما امشي بهداوة السيارة ملكة ماشالله .. بس لما اعطيها شوي .. بالضبط لما يكون الضغط من 4 الى 6.5 صوت تفتفة في التعشيقات .. والله اعلم ويش المشكلة وشنو الحل ...

5- السيارة لما احطهـآ من p الى d وامشي بداية ما امشي صوت طقة بعد التعشيق طبعا انا اقصد مع بداية المشي تطلع صوت طقة وبعدين خلآص وش حلهـآ !!

6- انوار السيارات تحترق لحالهـآ !! .. بس الحين ركبت زينون 4300 !! ومرة تفاجأت انطفت النور الى على اليمين طفيت النور وشغلته ضبط معاي !!! السيارة مسكونة !!

7- امزح خلاص مافي << اقوول ورا ما تودي سيارتك تشليح احسن .. :p
طبعا الموديل 2005 .. يا جمااعة ارجووكمـ ثم ارجووكمـ تساعدوني ..,..
:d

اقتباس:

---

المشاركة الأصلية كتبت بواسطة besoo

السلآلآم عليكم ..
وعليكم السلام ورحمة الله وبركاته
2- السيارة فيها طقة من p..r..d ... وش الحل يا جمااعة ..,..
انا عندي نفس هالمشكلة والظاهر انها عاديه يعني ما فيه لا خراب ولا شي
بس انت رح لكم ورشه شف وش يقولون ويفضل انك تروح الوكاله
3- السيارة حساااسة جدا جدا جدا جدا واتعب وانا اقول جدا مع الطباات والحفر ولو صغيييرة مرة !! .. وصوتها مزعج لما يكون الطريق متعرج وتهتز كثير !!.. ابد مو ثااابتة وهذا شي متعبني !! ..
لان الاكورد ما فيها عازل ارضي .. هذا الي سمعته
5- السيارة لما احطهـآ من p الى d وامشي بداية ما امشي صوت طقة بعد التعشيق طبعا انا اقصد مع بداية المشي تطلع صوت طقة وبعدين خلآص وش حلهـآ !!
هذي نفس المشكلة رقم 2 !!

بالتووفيق

---

مسالة ان السيارة ماتشتغل بسرعة وتطول في دقة السلف تحتاج تغيير بواجي +فلتر البنزين وافضل انك تغير فلتر الهواء.
بالنسبة للصوت الطقة مع بداية التعشيق هذا غالبا يكون صوت قفل القير وهذا طبيعي جدا .
والله يكتب لك التوفيق.

2-أتوقع انها طبيعية.

4-بواجي و فلتر بنزين (توقع) ... شكلك ما عمرك غيرتهم:)

انا بدلت البواجي وفلتر البنزين والمشكلة ماراحت ... اتمنى في المرة القادمة لا احد يفتي من راااسه هع :mad:

اقتباس:

---

المشاركة الأصلية كتبت بواسطة besoo

انا بدلت البواجي وفلتر البنزين والمشكلة ماراحت ... اتمنى في المرة القادمة لا احد يفتي من راااسه هع :mad:

---

حياك الله حبيب قلبي بين أخوانكــ :::aa_love2:

أول شي الشباب يعطونك تجارب شخصية أو حلول نفعت مع غيرك لنفس المشكلة :p , ولا تنسى المشكلة ممكن يصير لها أكثر من سبب ,,

وبالنسبة للنقطة رقم 2 لا تخاف الطقة طبيعية أعتقد إنها قفل أمان ,,
وبالنسبة رقم 6 أنا كانت عندي الشمعة اليسار كل فتره تطفا ؟ وأنا من زود الحماس أغيرها عند محلات الزينه أحسبها محترقه :confused: , المهم يوم خربت معي للمره الخامسة حسيت إن السياره فيها بلا :007:, المهم رحت لورشة هوندا في صناعية أم الحمام بالرياض وقلت له السالفه وقام فك الشمعه وحركها وإشتغلت من جديد ؟:sleepy: طلعت المشكلة إن القاعدة حقة النور تتحرك وإلى يومك هذا ما زينتها , (( أعتقد تزين بالغرابي في محل إسمه التمران )) .
<< طبعاً كلامي هذا على سيارتي يعني فيه إحتمال آخر إن راس الظفيره يصير محترق ,,

الطقه يالغالي تاكد من كراسي القير يجي كرسيين تحت دايم تتكسر مع المطبات لانه صغيره وماهي قوية وتتحمل على شان كذا اي مشكلة مطاب اوشي تتكسر تاكد منها

"من تجربه شخصيه شيك عليها قبل تغيرها "

التفتفة ياعمري يبيلك تنظيف البخاخات او عندك منظم حساس الهواء يبي تغير

هههههههههههههههههههههههههههههههه

أولاً مرحبا بك .. ويا هلا فيك بيننا

ثانياً كل اللي قلته طبيعي جداً وفي الأكورد واللي محيرني كيف باقي تمشي هالسيارات ؟؟ ((على البركة))

ثاثاً أما سالفة لما تشد شوي وتبدأ معك تفتفة بسيطة خذ معي هالخطوات .. وأمشي فيها زي ما أكتبها لك :

1-قبل ما تغير أي شي خذ لك متظف البخاخات ((متسوبيشي)) قيمته بالسوق ما ما يتعدا الـ40 ريال وصبه في تانكي السيارة .. وتأكد أن مؤشر البانزين على النص وأمسك خط على سرعة بين 140 - 160 عشان نظام الوقود بالكامل عندك ينظف ويشيل الرواسب بالبايبات ويجمعها كامله في صفاية البنزين .

2- الخطوة اللي بعدها أشتر هالقطع (( فلتر مع الطرمبة <<((كلهم مع بعض قطعه وحدة تحصلهم في الشنطة فوق التانكي)) - بواجي - أسلاك بواجي - فلتر هواء .

3- وأخيراً جمع هالقطع بعد ما تكون تأكدت انك سويت الخطوات كلها وراح تلقى السيارة 100% وبتدعي لي وتروح التفتفة ويفرق معك بالعزم .

*وفي حالة أنه لا سمح الله شفت أن السيارة مع السرعات ما زلت تلحظ التفتفة فهذي زي ما حصل معي ((حساس القير )) على حسب كلام الوكاله والله ما ادري وش الطبخه .. كنت لما امشي فوق الـ140 أحس ان السيارة يرخي عزمها زي كان السيارة تبي تفصل شوي وتشبه كثير للتفتفة .. فهذا اللي أنا أحب أفيدك فيه .. وتقبل تحياتي .