تركيب قطعة امالة المرايا الجانبية

السلام عليكم ورحمة الله وبركاته



تابعا لموضوع اخونا (الغطاس) عن طريقة تركيب القطعه الخاصة لامالة الماريا الجانبية عند الرجوع للخلف ..

( إمالة المرايا الجانبية آليا عند الرجوع للخلف )



بعد شغل دام ل 5 ساعات في اول يوم

+

شغل 4 ساعات في اليوم الثاني

+

تخريب المكيف و عداد درجة الحرارة

+
ضغطي ارتفع :mad:

+

حرق 3 فيوزات





القطعة ما اشتغلت


السبب


التوصيلات الكهربائية والنظام الجديد من شركة هوندا




المرايا تنزل غلط .. بس ترتفع صح ..


ما قدرنا نحصل الوايرات الصحيحة للتوصيل



يعني عندنا 3 وايرات
:confused:
1= كهرباء
1= امالة المرايا للأعلى + اليسار
1= امالة المرايا للأسفل + اليمين



الصراحه تعقدت وقررت اني ما اركب القطعة ..


راسي وايد عورني

:mad::mad:

يعطيك العافية ,, وماتشوف شر ان شاء الله

اخوي حاول تدور على طريقة التركيب واكيد فيه مواقع اجنبيه متوفره في النت عن الطريقه او راسل الموقع اللي شريت منه والسوال عن طريقه التركيب
اتمنى لك التوفيق

ما جا كتلوج معا القطعه ؟؟:confused:

لا تحطمني ياخوي .. أنا روحي طالب قطعة ثانية من عندهم !!

أنت حاولت تركبه بروحك ولا رحت عند كهربائي متخصص ؟؟

حياك الله اخوي الجوكر

هذه القطعة من اصعب القطع الي مرت علي لكن إذا عرفت الاسلاك مافي اسهل منها

انا لقيت الطريقة ولقيت مخطط الاسلاك للمرايا الجانبية

وان شاء الله بعد رمضان بركبها لانها تبيلها طول بال

ونسيت اقولك انها لازم تتبرمج بعد التركيب

والف سلامة على سيارتك

مهجد الحارة

الله يعافيك

اكووورد مجنونه

دورت وتعبت من كثر ما ادور ..
مافي احد ركبها على الاكورد 2008 - 2009



assassin_vip

في كاتالوج .. بس المشكلة ان شركة هوندا استخدمت نظام جديد للتوصيلات الكهربائية في سياراتها


M i c a - A c c o r d

ما ابغي احطم احد .. بس هذا الصدق

والله يا اخوي .. لو اوديها عند اي كهربائي .. بيقول لي ما بركبها ..

وانا ركبتها عند شخص يعرف في الكهربا ويركب كمبيوترات motec على السيارات ويبرمجها

بس الصراحة السياره هي اللي تعور الراس .. مب القطعة اللي طلبتها ..



AlGaTTaS

هيه والله.. تعور الراس

المشكلة اخوي مب في التركيب ولا في البرمجة

انا ركبتها وبرمجتها

بس باقي واير واحد عقدني


المرايا ترتفع صح بدون اي اخطاء .. بس تنزل غلط .. ( تنزل وتلف يسار )

اكيد في خطأ في التوصيلات

لأن القطعه هذه تركب على اي سيارة

ممكن اخوي تعطني مخطط التوصيلات عشان اتأكد من اللي انا سويته؟؟

وهل اقدر احصل على مخطط 2008 - 2009 ؟؟




المشكلة اني لما اجيك على الظفيرة ..

احصل انه فيه 3 وايرات

لما اضغط على التحكم (فوق او يسار)

واير واحد من ال 3 يشتغل

واذا اضغط على تحكم (يمين او تحت)

واير الثاني يشتغل

واخر واير هو لل Power

يعطني 12v علطول ..

اقتباس:

---

المشاركة الأصلية كتبت بواسطة mr-aljoker

ممكن اخوي تعطني مخطط التوصيلات عشان اتأكد من اللي انا سويته؟؟

وهل اقدر احصل على مخطط 2008 - 2009 ؟؟




المشكلة اني لما اجيك على الظفيرة ..

احصل انه فيه 3 وايرات

لما اضغط على التحكم (فوق او يسار)

واير واحد من ال 3 يشتغل

واذا اضغط على تحكم (يمين او تحت)

واير الثاني يشتغل

واخر واير هو لل power

يعطني 12v علطول ..

---

انشاء الله برسلك المخطط الي عندي حق 2006-2007

الاسلاك المهمة هي كالآتي
1- سلك اشارة الرجوع للخلف
2- سلك رفع المرايا
3- سلك تنزيل المرايا

لكن عمليا عندك في القطعة 8 اسلاك

1- سلك البطارية
2- سلك الاشعال
3- الارضي او الطرف السالب
4- سلك اشارة الرجوع للخلف
5- سلك يخرج منه اشارة رفع المرايا الى المرايا
6- سلك يدخل اليه اشارة رفع المرايا من مفتاح المرايا
7- سلك يخرج منه اشارة تنزيل المرايا الى المرايا
8- سلك يدخل اليه اشارة تنزيل المرايا من مفتاح المرايا

انشاء الله اكون وضحتلك بعض الامور

لكن عندي سؤال ايش القطعه الي عندك حقة مراية وحدة ولا ثنتين؟؟؟؟؟

اللي بالاحمر هو الاجابة ..

اقتباس:

---

المشاركة الأصلية كتبت بواسطة algattas

انشاء الله برسلك المخطط الي عندي حق 2006-2007

الاسلاك المهمة هي كالآتي
1- سلك اشارة الرجوع للخلف
2- سلك رفع المرايا
3- سلك تنزيل المرايا

لكن عمليا عندك في القطعة 8 اسلاك

1- سلك البطارية (تم توصيله)
2- سلك الاشعال (تم توصيله)
3- الارضي او الطرف الموجب (تم توصيله)
4- سلك اشارة الرجوع للخلف (تم توصيله باشاره الكاميرا ويعمل جيدا)
5- سلك يخرج منه اشارة رفع المرايا الى المرايا (تم توصيله ويعمل بشكل صحيح)
6- سلك يدخل اليه اشارة رفع المرايا من مفتاح المرايا (تم توصيله)
7- سلك يخرج منه اشارة تنزيل المرايا الى المرايا (لا يعمل بشكل صحيح وهو الذي لم اتمكن من العثور عليه)
8- سلك يدخل اليه اشارة تنزيل المرايا من مفتاح المرايا (لا يعمل بشكل صحيح وهو الذي لم اتمكن من العثور عليه)
(عفى فكره .. 7-8 هم نفس السلك .. اذا حصلته ترى المشكلة بتنحل )
انشاء الله اكون وضحتلك بعض الامور

لكن عندي سؤال ايش القطعه الي عندك حقة مراية وحدة ولا ثنتين؟؟؟؟؟ (قطعتين اللي هو deluxe)

---

السلك رقم 5 و 6 في القطعة يتوصلوا في سلك رفع المرايا بعد القص و توصل كل سلك في طرف حسب المخطط حق القطعة

والسلك رفم 7 و 8 ايضا يتوصلوا في سلك تنزيل المرايا بعد القص وتوصل كل واحد في طرف حسب المخطط حق القطعة

طيب كيف وصلت القطعتين مع بعض ؟؟؟

انا اتبعت طريقة تركيبهم 100% ..


بس المشكله في السياره

انا اذكر ان الوكالة قالوا لي ان الكهربا في الاكورد 08 - 09 مختلف تماما ..

ومسوين شيء يديد

حتى اني يوم قلت لهم يوصلون لي الاضاءه الزرقا مع ليتات السياره قالوا ما نقدر .. لان عصا التحكم بتحترق بعد فتره لان كهربتها غير ..

قبل ساعة كلمت ولد خالي .. عنده اكوورد 2006 ..

قال ان سيارته تركب عليها القطعه وبسهولة .. لان عنده 5 وايرات للتحكم بالمرايا الجانبية

انا عندي 3 وايرات للتحكم ..

هذا هو الفرق ..

شوف هذا الموضوع فيه حل لمشكلتك

ادعس هنا

بعيد الشر ان شاء الله
والصراحة صدقك

السيارة هي الي تعور الراس
انا ركبت ليتات تحت المرايات الجانبية
و الريال الي ركبها كل ساعة يقولي اشتغلت بخسارة <-- الصراحة كسر خاطري

قال اول مرة اشوف سيارة نفس ه السيارة المعقدة


تخيل الفيوزات مالت لوحة التحكم بالدرايش ما تشتغل الا اذا شبكت الفيوز
انا وهو نزلنا الفيوز وكل ساعة نجرب وين المكان الصح
اخر شي طلع لازم تشبك القطعة وبعدين دور على السلك
حتى الزلمة الي ركبلي اياها عصب على الهندي
ههههههههه

وهذا مخطط اسلاك المرايا الجانبية لـ 2006-2007

إدعس هنا

اعتقد عرفت الحل ...


وان شاء الله بشوف وقت مناسب وبركبها ..

المشكلة رمضان وصعب الواحد يشتغل ..

اقتباس:

---

المشاركة الأصلية كتبت بواسطة algattas

وهذا مخطط اسلاك المرايا الجانبية لـ 2006-2007

إدعس هنا

---

الرابط مااشتغـــل

تم تعديل الرابط

:)

تكفى يا شباب اذا لقيتوا حل قولوا لنا

لاني بديت اقتنع باهل جهاز .. طفشت كل ما رجعت نزلت المراية

في أخبار جديدة ؟