مشآكل آكورد 2006 !!

السلام عليكم ورحمة الله وبركاته ..


آخباركم علومكـم ؟؟

انا الصراحه مالي في المقدمات عشان كذا ندخل بالمفيد ..

آنا معي اكورد 2006 .. ماشيه 60000 (ماشااءالله)

ولا غيرت شئ من اول ماشريتها الا طبعاً زيت وبنزين :d

قالوا الوكاله ستين الف تغير فحمات وبواجي وزيت قير ..
قلنا كويس نغير ليش لا ,, جاء واحد قالي لا انت ماحسيت شئ بالموتر اذا حسيت غير ولا تغير عند الوكاله لأنهم نصابين ..

ويوم الفحص المجاني قالولي عندك الصوفه الخلفيه تهرب ولازم تغيرها .. قلت بكم ؟ قالوا بـ 1800 .. رحت عند ورشه قالي لازم فك المكينه ؟؟ ,, وللعلم كل فتره اروح اشيك على الزيت يقولون مافيه نقص ومهندس الوكاله يقول الصوفه تهرب زيت !!:( << وايضاُ هي تغير بالضمان لكن للاسف الضمان منتهي

الحين نجي للاسئله وياليت القا رد :o

1- 60 الف وش آغير ؟
2- اذا بغيت اغير برا الوكاله .. وش افضل ورشه مختصه بهوندا في الرياض ؟
3- قد احد سمع عن تهريب بالصوفه الخلفيه ؟ وهل فك المكينه يأأثر على الموتر ؟؟
4- الله يجزاكم الف خير مقدماً .. :o

مليت وانا اكتب وصف هالورشة ،،

يلعن ام النصب ياشيخ !! تغيير صوفة 1800 ريال !! تدري كم قيمة الصوفة ؟؟ اقل من 50 ريال !!والباقي شغل يد !!

رح عند هالورشة ،،

طريق العروبة وانت متجة غرب جهة مستشفى العيون ..
بيجيك تقاطع تركي بن عبد العزيز الاول ..
اطلع يسار
بتجيك اشارة رح سيدة وخلك ماسك اليمين ،، ( الصناعية على يمينك الحين )
ثاني مدخل خش معة بتلاقي على يمينك ورش هوندا ،، رح ثاني ورشة تشوفها رقم 20

رايقين ومتخصصين بالهوندا ،، واسعارهم مرة رخيصة وشغلهم ماشاء الله تبارك الله 100٪


60 الف !
غير زيت المكينة والفلتر - زيت القير <<<<< اذا كانك ماسويت صيانة 40.000 غير بعد فلتر الهوا والبواجي ،

سبقك بها عكااااشه ،،،، :d ^^^^^

مشكووور يامصعب ،،،،

الف شكر آخوي الغالي ..

بس عندي سؤال هل الصوفه لازم فك المكينه ؟؟ وهل يظر فك المكينه ؟!

^^ لا ما يضر ^^

بعض الصوف لازم رفع المكينة ،، البعض الاخر لازم فك الكفر اليمين ،،

لا تخاف ،، المسألة بسيطة ،، بس الشعب يغلب جانب الخوف على الجانب الاخر <<< وش الجانب الاخر ..

وبعدين منو عكاشة ذا ؟ :d

اقتباس:

---

المشاركة الأصلية كتبت بواسطة كوكو كورد

مليت وانا اكتب وصف هالورشة ،،

يلعن ام النصب ياشيخ !! تغيير صوفة 1800 ريال !! تدري كم قيمة الصوفة ؟؟ اقل من 50 ريال !!والباقي شغل يد !!

رح عند هالورشة ،،

طريق العروبة وانت متجة غرب جهة مستشفى العيون ..
بيجيك تقاطع تركي بن عبد العزيز الاول ..
اطلع يسار
بتجيك اشارة رح سيدة وخلك ماسك اليمين ،، ( الصناعية على يمينك الحين )
ثاني مدخل خش معة بتلاقي على يمينك ورش هوندا ،، رح ثاني ورشة تشوفها رقم 20

رايقين ومتخصصين بالهوندا ،، واسعارهم مرة رخيصة وشغلهم ماشاء الله تبارك الله 100٪

60 الف !
غير زيت المكينة والفلتر - زيت القير <<<<< اذا كانك ماسويت صيانة 40.000 غير بعد فلتر الهوا والبواجي ،

---

:cool:

لاتدور ولا تفكر ولا تحتار ( روح هالورشة اللي قال عنها أخوي كوكو وان شاءالله ترجع بعد التصليح وتحط مليون شكرآ له ):)