لو سمحتوا قبل ما يطيح الفاس في الراس

بسم الله الرحمن الرحيم

السلام عليكم ورحمة الله وبركاته


الموضوع باختصار :

ليش الشباب يقولوا الاكورد حلوة- ياباني - في الخط يا عيني؟
ويقولوا كمان ما تستاهيل سعرها - حرام ادفع مائة وفوق عشانها
والله يا جماعة نفسي فيها لكن الناس بينصحوني غير كذا
انا باخذها نظام تاجير يعني راح تطلع عليا 134000 ريال لي عهاجبني بها ومخليني ابغ
يعني والله مبلغ مو بسيط وابغى تجلس معايا على الاقل 4سنوات
لاني محافظ والـ140 ما اجيها وما عندي خرجات ودخلات وايد
انا ايش اللي عهاجبني بها ومخليني ابغاها ديكورها هو اللي فراسط
غير كذا اسمع اللي عنده اكورد احسه مبسوط ومعين خير من وراها
لكم المنتدى نكبني مرة يمدح وكثير يذم طيب انا احترت
ارجو من اللي عندي اكورد 2010 يدلني يرشدني ينصحني
والله نفسي فيها لكن خايف اسمع اصوات فيها او يصير شي فيها من بدري
ويكون استعجلت اتمنى من الحبايب يدلوني

و عليكم السلام و رحمة الله و بركاته

أنت قلت أرجوا من أصحاب 2010 أنهم يردوا عليك أنا معي 2004 و لكن لي تعليق

اقتباس:

---

وابغى تجلس معايا على الاقل 4سنوات
لاني محافظ والـ140 ما اجيها وما عندي خرجات ودخلات وايد

---

إذا أنت مثل ماقلت محافظ صدقني راح تعيش معك أكثر من 5 سنين

أنا ما أدري عن الموديل الجديد و مشاكلة و لكن اللي متأكد منه و من أعضاء ثقة مو كلام أي عضو بس خاش المنتدى و قاعد يسب في الأكورد

المشكلة هي أن الموديل الجديد فيه الفحمات تخلص بسرعه و مشكلة ثانية أصوات من جهة الشنطة ،، هذا اللي أعرفه


أنت مو راعي سباقات و ترهيم و خرابيط هذي لذلك الـ 4 سلندر خيار ممتاز و لكن صدقني بيجيك واحد و يكتب أن الـ 4 سلندر تقوم عليها الأكسنت ولا فيها عزم ،، ( كلام فاضي :) )

ما أبغى أتفسلف عليك أكثر و لكن في النهاية و أهم شيء ،، صل صلاة الإستخارة وماراح تندم أبد أبد سواء اشتريت السيارة أو لا

واحد من زملائي كان بيشتري أكورد 2009 عنابي ( كان يموت باللون العنابي الجديد ) و يوم جمع الفلوس و خلاص قرر أنه يشتري ،، قلت له استخر و لاتنسى صلاة الاستخارة ،، أسبوع إلا هو شاري كامري 2010 و الحين يقول الحمد لله إني ما اشتريت أكورد :d

تحياتي لك و موفق إن شاء الله بالسيارة و الأكورد أقولها و بصراحه ،، على كلامك صدقني ماراح تندم أنك تشتريها :cool:

^ ^


مثل كلام اخووي

انا معي 2010 والحمدلله من احسن مايكون

واخوي معه 2004 جلست معاه فوق الـ 5 سنوات والله مايشكي منها بأس ماغير فحمات وأشياء استهالكيه واضحه

وأذ كنت محافظ فأستخر وألله يكتب اللي فيه الخييير وتوكل على ربك


هي صحيح غآليهُ وماتستآهل السعر صراحه لكن الموتر يبقى حلو وذوق وفخامه بس مو معقوله هالسعر لهـآ مبالغين فيها بزياده


وفقك الله

اخوي انا معي 2010
ما ادري من وين ابدا المهم السياره اكثر من روعه لاكن فيه مشكله بصيطه والوكاله تصلحه صوت في الجها الاماميه يسار
كل الاكوردات يشتكون منها يعني عيب مصنعي
بس انا اشوفه شي طبيعي لان كل سياره فيها عيب
المهم انا ما ابي اطول عليك اذا ناوي على الاكورد انا انصحك فيها سياره ممتازه لاكن صل الاستخاره اول والله يكتبلك الي فيه الخير

الله يعطيكم العافية انشالله
وشكرا على ردودكم الجيد

افضل من بعض الناس يدخل يقرا ويخرج
ويبخل عليا بردوه

(الله يقدم اللي فيه الخير)

السيارة حلو و اذا حافظت عليها تقعد معاك 5 سنوات ولا تطلبك شي غير الاشياء الاستهلاكية فقط
فيها كم عيب زي التنسيم و اصوات الديكور وهذي كلها تصلحها لك الوكاله
بس سعرها صراحه جدا مرتفع بذات 2011 صراحه انا لو ابغى اطلع سيارة ماراح يكون في بالي من الاساس الاكورد لان بقيمتها اروح اطلع فورد تورس وازود شوي واخذ شاشات و ردار و داخلية رااااائعه جدا تفتح نفسك تسوق طبعا غير مواصفات السلامه وشكلها المميز
هذا رائيي بصراحه.

انا الحمدلله معاي 2010

واذا في بالك سيارة ثانية

جرب الاكورد وجرب السيارة اللي في بالك

وبعدها صلي الاستخارة والقرار بيدك

اما من ناحيتي عن الاكورد

اشتريتها وانا مقتنع فيها

وكانت معايا كامري 2005 انواع العذاااااب

لكن الحمدلله على كل حال

اسف جدا ع الاطالة

2010 صراحة روعة واذا انت محافظ توكل ع الله واشتري ولا تنسى الاستخارة

هلا أخووي
شوف أخووي توه شاري أكوورد 2010 فل كامل
مشاء الله تبارك الله روووعه لا أخفيك أنه أول ما شرها كان يسمع صوت في الشنطه وصوت كمان في قماش الفتحه
يوم جى يسوي صيانة 5 ألف قالهم عنها وضبطوها وألحين عال العال مرتاح فيها الحمد لله وسياره في الخط رووعه
بتوفيق أخووي.

توكل على الله سبحانه والله بتفرح فيها

الاكورد ممتازه وماعليك من بعض الكلام
توكل على الله خاصة انك ماتحب السرعة والمقاومات الاكورد 4 سلندر تنفع لك

والله شوف الاوريون .. بس المشكله فيها ان هذا آخر موديل لها والموديل الجاي بيطلع جيل جديد لها ...

والله مادري بس انت شوف واستخر وقرر

واسال عن الاوريون وعن جودتها وانا من معلوماتي واللي اعرفها ... انها ماشاء الله عزم وقوه وصبر ومن كل ناحيه حلوه .. الا من ناحيه وحده .. اللي هي العزل ... هي اللي قالو فيها مشكله ... لكن حتى الاكورد فيها مشاكل ومحد ينكر هالشي ..

والاكورد موتر حلو .. لكن انت تقول 2010 ... لأنك لو قلت 2011 كنت قلت لك انها حلوه وفيها شاشه .. الخ

بس كذاا بكون في صف الاوريون

وربي يعطيك خيرها ويكفيك شرها من الحين

واستخرررر اهمممم شششي وتوكل على الله

بالنسبه ليا انا معايا اكورد 2004 ولها معاي 6 سنوات والحمدلله لكن عشان اكون صريح الشي اللي تعبني علبة الدركسون ومشاكلها بس

من ناحية عزم وقوه انا مااهتم بهذي الاشياء لكن تقدر تقول عليه انه طيب

هذا بالنسبه لموديل 2004 اما الجيد ماعندي اي خلفيه عنه والله

بالتوفيق

اقسم بالله حيرتوني اكثر من اول الاخ اكورد وبس نكبني اقسم بالله كرهني فيها

بس ياجماعة وش اخذ سيارة ؟

انا ما عندي سيارة حاليا وعشان كذا بفكر اخذ الاكورد رغم الشباب عندي بالعمل وفي الحارة عندهم مثلها بس يمدحوا فيها
وما يذمها

الله يقدم اللي فيه الخير

شكرا لنصايحكم اخواني

اقتباس:

---

ارجو من اللي عندي اكورد 2010 يدلني يرشدني ينصحني

---

اقتباس:

---

افضل من بعض الناس يدخل يقرا ويخرج

ويبخل عليا بردوه

---

اخوي الله يطول عمرك ويختار اللي فيه خير لك

انت محدد سؤالك لأصحاب 2010
وانا معي 2008

فلا تضايق اذا شفت موضوعك ومارديت
وغيري كثير بالمنتدى ما معهم 2010

اذا تبي افيدك عن سيارتي ابشر

تحيتي لك

اخوي اللي يقول لك الاكورد ياباني اصيل 100%

طيب بعض القطع الغير مهمة تايلندية او استرالية..

ما يمنع انك تاخد اكورد 2010

الجودة والتحمل والكرف والشكل والراحة
تروح للاكورد

صح المقاعد ونظام التعليق غير مريحين

لان المقاعد طبية ونظام التعليق رياضي
اي نظام تعليق رياضي يجي صلب شوي عشان الثبات
الكابريس اس اس فيها نظام رياضي وصلب عند المطبات خفيف

نفس حالة الاكورد

انا ما معي اكورد

لكن انا اقول لك اللي اعرفه عنها سواء سيئ او جيد

والخيار لك ويفيدوك راعيات ال2010 اكثر

خذ العـلم من الاخيـر عشآن لا توسوس

انت تقول ان خويانك في الدوام معاهم اكوردات وما يسبونهـا ؟؟!
انتا اسألهم عنها وهم يقولون لك

لان المنتدى هذي اليومين صآير فيه رجـه لان في ناس حاقدين على الاكورد

فـ لا تاخذ كلام اعضآء المنتدى وشوف اصحابك في الدوام وشاورهم وشوفها على الطبيعه وجرب سواقتها

عشآن ترتآح

انا عن نفسي لو بغير الاكورد بأخذ اكورد ثآنيه بدون تفكـير


واتمنى اني اكون افتـك

السلام عليكم


توكل على الله ياخوي


نصحتي لا تخد قير اتومتك خلدك اقل نوع
فيها تنداء الكشاف انت تركبو الجنوط انت تركبو

والله القير العايدي اصلي تقلك هات في الخط
والله يوفقك

اخوك اسير الجرح

نصيحه توكل على الله وخذ اكورد وان شاء الله ماراح تندم

خلاص بطلعها السبت الجاي وانا وهي عالله

المشكلة المنتدى بس اللي بقول اصوات ورجه اما اللي معاهم اكورد ينصحوني اني اشتريها باسرع وقت وبدون تفكير ولا استشارة لانها سيارة كفو

عالعموم انا استخرت وارتحت وانشالله ربي يعطيني خيرها ويكفيني شرها

الله يبارك لك فيها ويعطيك خيرها ويكفيك شرها مقدمآ وان شاء الله ماتشوف منها الا كل خير وتعجبك وترضيك :)

اخي الفاضل محمد 2011 ما بطول عليك وراي الجميع على العين و الراس بس الصراحة بقولك شي
"من تابع الناس مات هما"
اتمنى ربنا يوفقك في اي سيارة تطلعها ويعطيك خيرها ويكفيك شرها بس الصراحة وبدون مجاملة الأكورد تظل الملكة مهما كان راي المستهلك فيها وستظل الملكة الى الابد ان شاء الله وانصحك تجرب السيارة لمدة اسبوع على الاقل وانت الحكم
اهم شي اهم شي اهم شي الإستخارة ما تاخذ منك دقيقتين على الأكثر وبعدها اتوكل على الله

غير الهوندا لاتشتري يجمع بين الجودة وبين مواصفات السيارات الالمانية فالخط انا من عمري17والان 26 ما بشتري غير هوندا وما عمري اشتكيت منها ابدا وما برتاح فسيارة غيرها خذها وتوكل انا مجرب كل الهوندا سيفيك واكورد وليجند مافي مثلها 5سنين بس قطع استهلاكية تحط اقمشة وبواجي بس وبعض القطع الخفيفة

الله يعطيكم العافية ماقصرتوا
والله يوفقكم جميعا