جزى الله من يساعدني الف خير كهرب السياره

السلام عليكم ورحمة الله وبركاته

السالفه انا رجال راعي خطوط

وامشي في الليل مره من المرات حطيت العالي كالعاده وجيت للتفتيش وطفيته ماطفى وعلق علي

شغلته وطفيته نفس الحاله ماتغيرت
وصلت للبيت وطفيت السياره ماطفى فصلت البطاريه وخليتها وشبكتها من بكره وكالعاده في الليل علق علي
له الان على هالحال شهرين وانا افصل وافك في البطاريه واشبكها

خصوصا ان مافيه احد من الورش عرف وش فيه اللي يقول فيوز واللي يقول الكباس حق النور واللي يقول الكتاوت وووو ولاسويت شي اللهم اني امشي بدون نور عالي

وش الحل وش المشكله وياليت تعرفون احد يزينها في شمال الرياض

ويعطيكم الف عافيه

وعليكم السلام

المشكله هذي قديمه يالغلآ ومن احد حلولها ركب كتاوت

هلا فيك يالغالي

المشكلة يالغلا إن اللمبات قربت تحترق غيرها بلمبات جديدة وتضبط امورك

وافضل نورع هو فيليبس تلاقيها بمحلات قطع هوندا

وسلامتك ،،،

الله يعطيكم الف عافيه وابسوي اللي قلتوه والله يوفق الجميع

مرحبا يا الأخو صارت لي نفس المشكلة بس مع سيارة غير الهوندا وكان السبب هو أن الأسلاك سخنت وصار فيها ألتماس ورحت لكهربائي عبقري أشوي عليه ماشاء الله عثر على سلك مخدوش أو أن العازل أللي عليه ذاب من الحرارة حط علية تيب كهربائي والحمد الله رجع كل شيء طبيعي .

هذه عيب مصنعي تعليق النور العالي والوكالة تستبدلها مجانا

وايضا فيها حلول وهي انك تستبدل الكتاوت لكن الحل مؤقت

عموما هذه المشكلة تصير في الشتاء في 90% من الحالات اللي تم تسجيلها وفي الصيف نادر ما تصير


وانا صارت معي فعلا في الشتاء وعلق النور العالي بس دخلنا الصيف العام الماضي ما صار يعلق وبدلته في الوكالة على الضمان ببلاش يبدلون لك الظفيرة وعلبة الفيوزات مجانا

وطبعا اسمع طق كل ما اكبس لانهم ركبوا منظمات وكتاوت زيادة تحت الدرج عند الراكب

تم حل المشكلة تماما في موديلات 2008 وفوق

اخ بلال

اوديها للوكاله يعني ويغيرونها لي مجانا

انا انتهى ضماني من زمان ؟؟

شكر لكل من مر من هنا واتحفنا برده الله لايهينكم

اقتباس:

---

المشاركة الأصلية كتبت بواسطة اكورد الرياض2007

اخ بلال

اوديها للوكاله يعني ويغيرونها لي مجانا

انا انتهى ضماني من زمان ؟؟

شكر لكل من مر من هنا واتحفنا برده الله لايهينكم

---

عادي مهما كان موديلها حتى لو موديل 2003 بس اهم شي ما تتعدى 120000 كيلو


حسب سياسة الوكالة

السلام عليكم يا شباب. لمعرفة حقيقة مشكلة تعليق العالي، المرجوا زيارة الرابط أدناه.

http://www.hondaarabia.com/club/t47100/

أرجو من الجميع الرد على موضوعي والاتصال بي للضرورة القصوى.