شاركني رايك بخصوص اكورد 6 سلندر

كيفكم ياشباب بصراحة ماعندي شيء اقوله لكن من خلال تصفحي للإنترنت وفي احد المواقع رايت بعض الشباب اللي عارضين سياراتهم للبيع ومن ضمن السيارات المعروضة للبيع لقيت اكورد 2006 اللون ذهبي بسعر 83000ريال فقط وماقطعت إلا 7000كم بصراحة شيء حلو مرة فحرام نضع سعر 93000ريال في 6 سلندر ولو ندور في المعارض راح نلاقيها بفرق 8000ريال - 10000ريال طبعا اللي فلوسه كثيره هذا ماعنده مشكلة لكن اللي يبغى يقسط او ماخذ قرض بدل ماتشتري 4 سلندر اللي الآن سعرها 84000ريال اشتر 6سلندر افضل وممكن بنفس السعر وممشى بسيط جدا لها حتى هذي الايام اللي بيشتري سيارة جديدة الله يعينه على الحر حتى يقطع 1000 كم لكن اذا شراها مستعملة وقطعت 3000 - 4000كم فانت اختصرت على نفسك الكثير من العناء حتى إذا جيت تبيعها بعد وقت ماراح يطيح فيها كثير مثل ماطاح اول ماشريتها وعموما إذا قارنا طيحت 6 سلندر في السعر فهي تتفوق بكثير على طيحت الالتيما والمكسيما 6 سلندر يعني ماتطيح كثير مثلهم لدرجة اثناء تصفحي للإنترنت شفت لي التيما ماشية 1000كم تخيلوا وجديدة مرة بأكياس الوكالة لكن تخيلوا كم يبغىفيها فقط 68000ريال وسعرها جديد 87000ريال والله من جد قهر هذا وموديلهافي نفس السنة اجل إذا راحت سنتين كم بتطيح وموضوعي فقط عبارة عن نصيحة للي مااشترى او يفكر يشتري 6 سلندر ومحتار .:d

اقول دحوم الظاهر سعر الـ 6 سلندر نزل اكثر

اليوم انا مريت على العمودي موزع هوندا

سعر ال 6 سلندر 89 الف ريال و بالوكاله 89900 ريال

و ال 4 سلندر 84 الف ريال

اما الالتيما :p لا تعليق

إذا كان كذا والله اقول سعرها مهو رخيصة بس ألا فلة وتحس انك وانت دافع فلوسها الوكالة خسرانين فيها والله لو اني تاخرت ماشريت اكورد لحد الآن كان اخذتها لكن وش نقول النصيب .

صدقت :) ...

لكن أحياناً تخاف من سبب البيع !!!!!! ... قد تكون مصدومة أو فيها مشكلة ... هنا الخوف ...

تدرون يا اخوان .... كلنا الي عندنا أربعة سلندر فل نتمناها تكون ستة سلندر .....

:d


مثل ما قلت نصيييييييييب :d

اللي يبي الستة سلندر اقو شدوا حيلكم في مساهمة الملك عبدالله الكبيرة .

دحوم

لاعبه براسك الهنادي السته سلندر

كم مره قايلك لاتشرب بور هورس وانت جوعان

بس انا مستغرب من الوكالة وتنزيلة السعر القوية

شكلهم بيصرفون موديل 2006 محد اشترى سته سلندر

والله اخوي الاخطبوط كلامك صحيح .

والله اخوي الاخطبوط كلامك صحيح مالقوا من يشتريها .

الا شكله عشان بيجيبون مواصفات رهيبه بموديل 2007 لانه آخر موديل
زي ما صار بموديل 2002

عاد تخيلوا معي يجي ال 4 سلندر 2007 بـ ازرار التحكم بالصوت و بزينون شد بلد

كان دحوم تجيه جلطه من القهر :d
باسم الله عليه

والله ياشيخ ابيع على طول .

اقتباس:

---

المشاركة الأصلية كتبت بواسطة accord 06

عاد تخيلوا معي يجي ال 4 سلندر 2007 بـ ازرار التحكم بالصوت و بزينون شد بلد

كان دحوم تجيه جلطه من القهر :d
باسم الله عليه

---

انا ما استبعد إضافات قريبه من الفول تضاف بدون فارق سعر

بس إنشاء الله خوينا مايصاب بمكروه:d

لا إن شاء الله ولو الدعوة وصلت كذا وش نسوي اخذ قرض من البنك ونخلص .

معروف الننيسان يطيح سعره بسسبب قوة مكينته وقوة صرفية البترول هع هع حلوة البترول ..

.

لكن ابو عابد على فكرة سيارات نيسان في الخليج مرتفع سعرها اكثر من تويوتا اثناء البيع ومرغوبة بعد ماادري ليش .

حبـايب قــلبـي .. بصـراحـه انـا ما انصحـكم في الستــه سلنـــدر .. لو فيهـا خيـر ما نـزلو سعـره بالطريقه هــذي ..

الاربعـه سلنـدر مرغـوب في السـوق بكثيــر .. وثاني شي الستـه سلندر مافيها مـواصفـات زيـاده عن الاربعـه سلندر

إلا في قوة المكيـنه وزيادة ارباقين والجنط يختلف والتحكم بالصوت من الطاره يعني مافي زود في المواصفات ..

وثاني شي احنـا عرفنا الهـوندا في الاربعـه سلنـدر ماعرفناها في السته سلندر . يعني احتمال إن قـوة المكيـنه تسبب لك

مشـاكـل لا يحمـد عقبــاها .. وزي ماتفضلتم الستـه سلنـدر متكـومه في الوكـاله عـمي مـوظف في عبدالله هـاشم في

جــده ولـه تقريبا مع عبدالله هـاشم ثلاثيـن سنــه وهـو المسؤل عن استلام السيارات من المينـاء .. ويوم قررت اشتري

هـوندا قال ابتعد عن الستـه سلنـدر وخلك على الاربعـه سلنـدر حتـى ولده عنـده اربعه سلندر الفين واربعــه ..

وقـال إذا عنـدك فـلوس اشتري اليجنــد لان احتمال تنزل في الالفين وسبعـــــه .. وطيحت السته سلنـدر بالسعـر هــذا

سببها والله العالم نزول اليجــند في السنـه المقبله سنة 2007 والي بصراحه محببني في هـونـدا وفي شـركـه عبدالله

هــاشم .. إن الي ماسك الشـركـه الحين بعـد وفاة عبدالله هـاشم .. عياله .. محمـد وهاشم وخــالد واختهــم ..

واخوهم محمد عنده سياره هــوندا وهاشم عنده سياره هوندا غير السيارات الثانيه يعني متمسكين في الهوندا بشكل غير

طبيعي ومحافظين على سمعتها وعنـد ولد هاشم الي يدرس في كلية الملك فهـد للبترول والمعادن سياره هـوندا

اس 2000 والي سمعته من عمي ان الاس 2000 مانزلو منهـا غير خمس سيارات .. محتكره على عيال عبدالله هاشم

واخـوهم خـالد مايعترف بالهـوندا عنده بي ام دبليو .. طبعا هـذا لانه متزوج امريكيـه وافكاره غربيــه ,,

واظيـف لكم ايضـا إن عبدالله هـاشم هــنــدي الاصلي متجنس سعـودي ومتـزوج من لبنــانيــه ..

وعنـدهم مصنـع للاوكسـجين ومصنع للقــوارب .. ووقـف خيري عباره عن مصنع لعلاج الكلــى ..

حبيت ازودكم بمعلومات عن عائيلة عبدالله هـــاشم ..

في النهـايه : تقبـلو فائق احتـرامي وتقــديري ..

اخــوكم .. خــالـــــــــــــــــــــد .. كل عـام وهــوندا بخيـــر ..

بالنسبة لي سبب عدم أنتشار الـ6 سلندر بينت العالم هو لا يوجد فرق كبير بين محركين الـ6 و 4 بالنسبة لمقياس نيوتن للمتر والمقصود بة الأنطلاقة والأستجابة فهذا القانون هو المقياس الحقيقي لمحرك السيارة .
والدليل على ذلك شوف محرك الـ4 سلندر مقياس النيوتن للمتر كم فيها وهو 219 نيوتن/للمتر مع أن المكينة 170 حصان و الـ6 سلندر 288نيوتن / للمتر مع ان المحرك 250 حصان يعني لا يفرق كثير ومقياس النيوتن للمتر هو المقياس الحقيقي للمحرك للي يبغى يشتري سيارة ولا يعرف هالقانون .
تقبلو تحياتي

ياسلام عليكم وعلى هذي المعلومات الرائعة .

شاكر لكم

مع تقديري لأراء الشباب لاكن السته سلندر سياره مريحه وعمليه وماتفشلك بالدعسه ومعي 2004 ماشاء الله ماشفت منه أي أعطال تذكر والحمدلله.... وإختصارا الشخص اللي يبي يستخدم أنصحه بالسته سلندر والشخص صالحب المزاج المتقلب يخليه على أربعه سلندر.... وسلامتكم..

كلامك صحيح .

هنادي تخلي البنت تنادي

اسمك مشوار بس حلوه المعلومه :cool:

• دحوم
• تصدق بالامس القريب لقيت أكورد 2005ماشي22000v6للبيع طالب فيها 55000ريال طبعا الموتر شفته بعيني وكنا نسولف العصر كله مع بعض في المعارض وسيارتي جابت 68000ريالوهي رغبة الناس للـــv4

اذا انت راعي خطوط ومشاوير طويلة , فالستة تنفع لك ..

واللي راعي مدينة الاربعة زينة , بغض النظر على المواصفات الزايدة في الستة ..

وبصراحة اللي يقول الستة خراباتها كثيرة فهذا كلام غير صحيح , انا قبل اشتري سيارتي جربت الستة والاربعة , والشخص صاحب الستة السيارة عندة من سنتين وهو شخص مو محافظ على السيارة ماغير كرف ومشاوير فيها ومع ذلك السيارة لقيتها مثل العسل قوية وتستحمل وهذا اللي شجعني اخذ ستة خصوصا اني مستخدم ومالقيت فيها الا كل خير ...

اما ليش الستة ماتمشى فالسبب هو سعرها , لاحد يخربط يقول خرابات وماادري ايش .. لان سعرها هو الحاجز الوحيد واللي بيكون عندة مية الف ريال ماراح ينظر لهوندا بكل صراحة لان بنفس القيمة فية سيارات افضل , بس شوف يوم نزلو سعرها السيارة ماقعدت اسبوعين وخلصت ... وايضا سالفة الليجند مالها علاقة بنزول السعر ..

المهم اللي على راسة بطحا يحسس عليها :) ..

والله يااكورد الجنوب قوية فرق كبير بين الثنين .

Blue Love مثلك على عيني وعلى راسي وياهلا وسهلا بك .

اخوي اكورد الجنوب
وين شايف الستة سلندر و ايش لونها

هل مازالت السيارة موجودة او بيعت

لاني ادور اكورد ونفسي في ستة سلندر

انا اقول افضل شيء الواحد يشتري جديدة بس موديل 2006 تلقا سعرها راح فيها اللحين .