بالنسبة لمشكلة الفحمات في الاكورد2009

شباب سلام عليكم ورحمة الله وبركاته
طبعا كلنا نعاني من مشكلة الهوبات والفحمات والصوت اللي فيها
انا عن نفسي ولله الحمد خلصت حقي من الشركات وغيروا لي الهوبات في الالف والعشرة والعشرين والثلاثين طبعا بعد مهاوشات ومشاكل
ويوم تصالحت انا والموظف واعتذرنا لبعض بعد المعرك المستمرة قالي التالي:
انه هناك مادة تم منعها دوليا لان تبخرها الناتج من الاحتكاك يطلع غاز يسبب السرطان الله يبعدنا ويبعده عنه ومن وقتها كثير من الشركات شالت الضمان على الهوبات وهم مطالبين من الشركة الام انهم يرفعوا الضمان عنها بعد العشرة الالف وجاري المفاوضات في هذا الموضوع وقالي ياخي مو السيارة على الضمان ريح نفسك قلتله وبعد الضمان امص حمر جلس يضحك وقالي يارجال لكل حادث حديث وطبعا ناوي على الاربعين اسوي هوشة ثانية علشان يغيروها فقط قلت اخذ فترة تجميع عتاد واسلحة واتوجه لهم واهجم دايركت
وسلامتكم

وعليكم السلام



يا خي من جد بس انا اعرف واحد قال غير هوبات الوكالة وركب هوبات رياضيه

لان الهوبات الرياضيه تكون فيها فتحات تهويه وماتحتر مثل ماتحتر هوبات الوكالة بسبب مافيه لا فتحات تهويه ولا شئ

ومحتاااااااااااااااااااااااااااااار شو بعمووووول :confused::(

أخواني أنا بعد ما مشيت بالاكورد 2500 كم لاغير بدء يطلع لي صوت الفرامل و لما صارت صيانة ال 5000 كم وبلغتهم عن المشكلة قالوا نغير الهوبات قلت معصي والله 5000 وتغير وشلون اذا وصلنا ال 40000كم قلت خلوها على حاله ويوم بدء الفني يغير الزيت قلتله عن المشكلة قال دايم تصير لكن فيه لها حل اذا جيت تفسل السيارة خل العامل يحط خرطوم الهواء في جوا الكفر ويطلع الغبار والمويه ومن يومها وانا اسوي هالطريقة والا الان ماسمعت هالصوت من جديد ولله الحمد



قولوا ماشاء الله

الله يعينكم والله انا خرط الهوبات وهي على ماظن على 5000 ... لاكن صيانه ال30 الف بخليهم يغيروها ...بس شرط اغير الاقمشه ولا لا
<< كيف تضبطني اغير الهوبات هههه ؟؟؟؟؟

يشباااااب ترون الصوت الي يطلع مو من الهوبااات الهوبااات مافيها شي المشكله من المواد المستخدمه في تصنيع الفحمات نفسها

والحل أنك تغير فحمات نيشن اليابانية أمامية وأنا مغيرها والله وبدوووون مباااالغه أني أضرب فرااامل على 220 لا صوت ولا

رجه أبددددددد نصيحه خذوها بس مشكلتها تطلع غبار أسود على الجنط وأنا ماهتميت فيها

اقتباس:

---

المشاركة الأصلية كتبت بواسطة عظام النملة

شباب سلام عليكم ورحمة الله وبركاته
طبعا كلنا نعاني من مشكلة الهوبات والفحمات والصوت اللي فيها
انا عن نفسي ولله الحمد خلصت حقي من الشركات وغيروا لي الهوبات في الالف والعشرة والعشرين والثلاثين طبعا بعد مهاوشات ومشاكل
ويوم تصالحت انا والموظف واعتذرنا لبعض بعد المعرك المستمرة قالي التالي:
انه هناك مادة تم منعها دوليا لان تبخرها الناتج من الاحتكاك يطلع غاز يسبب السرطان الله يبعدنا ويبعده عنه ومن وقتها كثير من الشركات شالت الضمان على الهوبات وهم مطالبين من الشركة الام انهم يرفعوا الضمان عنها بعد العشرة الالف وجاري المفاوضات في هذا الموضوع وقالي ياخي مو السيارة على الضمان ريح نفسك قلتله وبعد الضمان امص حمر جلس يضحك وقالي يارجال لكل حادث حديث وطبعا ناوي على الاربعين اسوي هوشة ثانية علشان يغيروها فقط قلت اخذ فترة تجميع عتاد واسلحة واتوجه لهم واهجم دايركت
وسلامتكم

---

طيب يالغالي انا مشيت في السيارة الحين 6000 وذبحني صوت الفرامل كاني اسمع الحديد جنب اذني ولكن ما ادري ايش اسوي
السؤال هو هل الفحمات على حساب الوكالة او على حسابي مع اني تحت الضمان الحين
والهوبات على حسابهم ولا حسابي ياريت تنورني بعد اذنك وعطني شوي من الاسلحه الي عندك علشان استفيد

اسمحولى يا اخوان بها المداخله الى اخى وعزيزى مع احترامى للموظف الى يقول سرطجان ماسرطان ان ون اتش ون كذاب ياحبيبي الان الوكالات المصنعه للسيارات لمن تصنع اى سياره لازم تخلى فيها قطع استهلاكيه ولى كيف تكسب ولى من متى اليابان والسيارات اليابانيه في قديم الازل صانعين سياراتهم انا اتكلم عن القديم بجوده عاليه والبريك يقعد عندك يمكن 3 سنوات زى الحلاوه ليش تغير الوظع وهاذولى هم لا سرطان ولى شي بس يبون دراهم بالنسبه للبريكات الى اخوى يقول عنها انها نيشن هى ياعزيزى انا مركبها وهى صينيه ويحطون استكر يابانى ولو تلاحظ فك القماشات الاماميه الى تبع الوكاله بتشوف كلمه نيشن عليها ترى يا شباب هاذا عيب فادح بالاكور
تقبلو مرورى.

اقتباس:

---

يشباااااب ترون الصوت الي يطلع مو من الهوبااات الهوبااات مافيها شي المشكله من المواد المستخدمه في تصنيع الفحمات نفسها

والحل أنك تغير فحمات نيشن اليابانية أمامية وأنا مغيرها والله وبدوووون مباااالغه أني أضرب فرااامل على 220 لا صوت ولا

رجه أبددددددد نصيحه خذوها بس مشكلتها تطلع غبار أسود على الجنط وأنا ماهتميت فيها

---

بسألك طيب .خابر محل في الشرقية يبيعها ؟؟؟؟؟؟؟ :(

^^^
النعماني لقطع الغيار

ورقم تلفونهم موجود في الاعلان فووووق

طال الكلام طال الكلام..

باختصار الشدييد الحل الوحيييد..

نيشن هي الحل الوحيد سعر الامامي مع الخلفي ما يتعدى 220 ريال.. ارخض من حقت الوكاله واحسن في انها تعيش اكثر

وانا اقول هالكلام عن واقع تجربه..اللهم لك الحمد انا على وشك الوصول الـ10 آلاف كيلو بهالفحمات الي يقولوا عنها تجاري وهي افضل من الوكاله ولا تطلع لها اصوات..!

فالي يبي يريح نفسه ياخذها وعلى مسؤوليتي..!:d

سلملم..

السلام عليكم يا شباب

انزين انا سمعت انه في نوعين للنيشن

ازرق واخضر؟؟

صح كلامي ولا غلط؟

وشو الافضل ؟ والاثنين اصليين ؟ ولا واحد اصلي والثاني تجاري؟

اقتباس:

---

المشاركة الأصلية كتبت بواسطة Mr-AlJoKeR

السلام عليكم يا شباب

انزين انا سمعت انه في نوعين للنيشن

ازرق واخضر؟؟

صح كلامي ولا غلط؟

وشو الافضل ؟ والاثنين اصليين ؟ ولا واحد اصلي والثاني تجاري؟

---

صحيح ممكن احد يجاوب على كلام اخونا :mad: