الفرق بين كفرات الوكيل والموزعين أبويمن !!!

السلام عليكم اخواني
ومبارك عليكم الشهر

عندي بس استفسار وشي يحووس في البال

جينا بنبدل للاكوورد كفرات وشفنا اغلب المواضيع واقتنعنا بالبسيط
الي هو كفرات ميشلان energy مقاس 225/50/17

رحت للوكيل الجفالي بالدمام لقيتهم الكفر ب610 ريال
وتاريخه 2011/ شهر 5 وصناعته تايلندي

طيب قلت اشوف شارع الكفرات بابن خلدون وماشاءلله عليهم كل محل عن الثاني السعر اما يزيد او ينقص حصلت عندهم نفس الكفر والتاريخ نفسه بس يفرق السعر
الاسعار ابتدت عندهم من 580 ريال الين وصلت لمحل قالي ب490 ريال

نفس الكفرات بالضبط على الشكل بس مادري وش المضمون الي داخل

وانا متعجب والله في الموضوع ان الكفرات الي عند ابو يمن مافيه شي ملعوب فيه او ملفق ماحد يدري عنه كل شي جايز يستوي هالزمن
ولا الوكيل نصاب وابو يمن يخدمون الشعب ومايقصروون

نبي مشورتكم ياشباب واذا احد عنده سالفه عنهم يقولها لايبخل علينا

والله يكتب الي فيه الخير للجميــــع:)

في الغالب يكون الوكيل اعلا سعر من الموزع لاعطائه فرصه والا ما الفائده من الموزعين

واما الوكيل ربحان من البيع بالجملة على الموزعين او على الافراد يعني مستفيد من جهتين

وما دام الموزع يعطيك ضمان نفس ضمان الوكيل فتوكل على الله واشتر من الموزع

<<<<<<< كم كلمه موزع قلتها ههههههههه

ياخوي الله يهديكـ إن شاء الله ..
الدنيا رمضان وانت نازل في العالم ( أبو يمن .. أبو يمن ) !!
ما أدري بصراحة إذا انت بتتشمت أو إيش الموضوع بالضبط .. لكن إذا حبيت تاخذ برأيي أنا أشوف إستخدامكـ للكلمة بهالأسلوب غير لائق !!

أتمنى أحد من الأخوان يقدر يساعدكـ في سؤالكـ .. وأتمنى ما تشيل في خاطركـ علي .. حبيت أقدم لكـ نصيحه لا أقل ولا أكثر ..

بالتوفيق يارب ..

لا والله اخوي مااقصد الشماتة في كلمة ابو يمن
الله يوفقهم ويساعدهم على الي هم فيه
بس كاسم دلع للاخوان

-----
أيه والله اخوي الضمان نفسه مفتوح

وعليكم السلام

تأكد من عدة اشياء

1- موديل الكفر يعني زي بريجستون عندهم بوتنزا ادرينالين , وعندهم تورنزا gr90 وتورنزا gr80 وكل موديل له اداء مختلف وسعر

2- صناعة الكفر

3- تاريخ انتاج الكفر

زي ما قال اللي فوقي

وخاصه ان الفرق فوق الـ 100 في الكفر الواحد

وعليكم السلام

يا هلا بك يا بعدي

عن نفسي ما احب اركب الا من عند الوكيل عشان الضمان

يوم انفجر عندي كفرين ،، تم استبدالهم مجاناً

ما اتوقع يوم تركبهم من بره ، انهم يبدلونها لك ..

اقتباس:

---

المشاركة الأصلية كتبت بواسطة meshoo

وعليكم السلام

تأكد من عدة اشياء

1- موديل الكفر يعني زي بريجستون عندهم بوتنزا ادرينالين , وعندهم تورنزا gr90 وتورنزا gr80 وكل موديل له اداء مختلف وسعر

2- صناعة الكفر

3- تاريخ انتاج الكفر

---

:cool:

برضوه فيه شي ثاني بعض المحلات يستورد كفرات من الامارات

هي اصليه و يجيبونها من الامارات لان الوكيل يبيعها هناك بسعر اقل

الميزه في الشراء من الوكيل تضمن التخزين الجيد وهذي اهم نقطه
الشي الثاني التركيب والترصيص بشغل احترافي وعماله مدربه وبعضهم يعطيك ميزان الكتروني مجانا اذا الحيت عليه
الثالث انك توزن هواء الكفرات نيتروجين وتشيك عليها مجانا كل فتره وتبدل اماكن الكفرات ايضا مجانا << من زمان ودي اكتب ايضا :d

يعطـــيكم ربي ألف عافيه ياشباب ماقصرتو والله

الله يعااااافيك