شباب ابي رايكم في الاكورد سنة سلندر v6 ضرووووري

سلام عليكم

اخواني انا صار لي فترة طوييلة ابحث وابحق واقارن بين السيارات من مختلف الشركات بصراحة

هوندا نيسان تويوتا الخ الخ

وانا ابغي 6 سلندر يعني 4 مو داش بالي خير شر

بصراحة من ناحية فخامة الاكورد ما شاء الله ما يحتاج نقول

بس المشكلة ..

المحرك الستة سلندر v6 ... وسالفة ال VCM اللي موجعة راسي

من خلال اللي قريته ( وياما قريت مواضيع كثير بالنت ) .. هذا النظام يخلي المحرك يشتغل 3-4-6 سلندر على حسب الحاجة

طبعا توفير بنزين هذا اهم ايجابياته

لكن اكيد فيه سلبيات ..

من خلال اللي قريته انك تحس بنتعة او (غصة لما السيارة تطفي سلندرين او 3 )

طبعا عزم السيارة ما بيكون مثل الستة العادي .. لكن هذا ما يهمني .. اهم شي الاداء ما بشتري سيارة حق سباقات

شغلة مهمة ايضا ومذكورة من الموقع الرئيسي للهوندا انه طبعا لما تشتغل السيارة على 3 سلندرات .. هذا يؤدي
الى حدوث اهتزازات بالمكينة ( ما تكون مستقرة كيف هي مصممة 6 وتشتغل على 3 )

وطبعا هم حاطين سييستم ANC Active Noise Canellation يلغي الضجيج وحاطين stablizers عشان تقوي من ثبات المحرك وتخفف اهتزازاته

فسؤالي للاخوان بخصوص اللي اشتروا اكورد ستة / 2008 / 2009

هل هذي الشغلات موجودة لما تسوق بالسيارة .. بالذات لما تنتقل بين سرعات مختلفة 60 - 80 -100 الخ ؟؟؟

تحسون بالنتعة هذي ( لما يشتغل سيستم ال VCM( ؟؟؟

طبعا قوة المحرك بيكون اقل شوي من السيارات المنافسة اكيد .. لكن هل ادائه فرق كثيرر او شي بسيط ؟؟؟

واهم شي سياقة السيارة تكون بسلاسة بدون ما تحس باي شي ذكرته فوق ؟؟؟؟

ارجووووووو من الاخوان التفاعل مع الموضوع وارحب بجميع الردود :o

السلام عليكم
انا جربت الستة سلندر 2008 تست درايف من الوكالة
اولا السرعة التصاعدية يعني مثلا من الاربعين الى الثمانين تحس فجأة ان المكينة جات لها قوة مضاعفة يعني تعطي شعور رائع ان السيارة مستعدة للانطلاق
ثانياً السرعة التنازلية ما حسيت باي شي لانه حتى لو انت ماشي 120 مثلا و شلت رجلك عن الدعاسة يقلب النظام عندك ايكو و تولع لمبة الايكو يعني ينخض عدد السليندرات على طول و لا اذكر ان كان فيه اي غصة او ارتجاج
طبعاً هذا من تجربتي المتواضعة اللي استغرقت عشر دقائق

اتمنى اكون افدتك و مبروك عليك الشهر:)

لو فيها اهتزاز او رجه ماكان حطو هالنظام ووصلت عندنا لان السياره تخضع الى اختبارات قبل ماتنزل الاسواق :)

اولآ انصحك تجرب السياره منت خسران شي

ثانيأ صلاه الاستخاره

ومن ناحيتي توكل على الله السياره ماعليها كلام وبالتوفيق ان شاء الله :)

بسمه تعالى :


خذ العلم من خبراء السيارات و بخاصة فئة Ex 3.5 الفخم :


للعلم أخي الكريم فنظام VCM الجديد المبتكر شكل ضربة صاعقة لمحركات تويوتا التي تعمل بالتحكم بالصبابات و محركات نيسان التقليدية كذلك ... فهذا النظام هو القمة على مدى خبرات هوندا بصنع المحركات و منها محركات الفورميولا ون ..... و للعلم أخي الكريم فالمحرك الجديد مثل القط الشقي و النمر الشرس عند الإنطلاق بلا مجاملة ...و أعني بذلك يقوم النظام الجديد بتشغيل 3 سلندرات عند وضع التشغيل بدون حدوث أي إهتزاز أو أصوات غير مستحبة ولن تلاحظ ذلك إطلاقآ و هذه الحركة تقوم بالعمل بالتزامن مع الإسطوانات الأخرى لمزيد من الإقتصاد بالوقود و إضافة فسحة للسلندرات الأخرى لتأخذ مجالآ للراحة تزامنآ .....و عند الإنطلاق بسرعة متوسطة يتم عمل ال 4 إسطوانات لحين الوصول لسرعة الإنطلاق الفعلية ليتم عمل السلندرات جميعآ بصوت المحرك الإغريقي المميز و الهدوء المطلق حتى عند وصول المحرك للسرعة القصوى فلا صوت نهائيآ للمحرك و الذي أدهشني بالفعل .....و هناك معلومة قد لا يعرفها مالكو V6 الجديدة و هو عند الإنطلاق من الصفر إلى وضع السرعة المقررة لقائد المركبة من السكون سيقوم المحرك بتشغيل كامل ال 6 سلندرات و سيصدر زئيرآ يطلق عنان هذا الأسد ليسبق به الرياح و أرجوا الحذر الحذر ...فهذا المحرك له من القوة لتجاوز السيارات الأخرى و بأقرب وقت ممكن مقارنة بالسيارات من ذات الفئة ....................... و كتجربة لن أقول سوى من لا يملك النمر فليس له سوى الصبر .................. مبروك مقدمآ و لا حاجة لسؤال المزيد فستتعب لأن مجربي هذا المحرك المميز لن يتوانوا بالمديح و التصفيق له و السكوت أحيانآ من تعب المديح و التشريخ ..................... وداعآ .

أكورد V6 النمر الإغريقي

http://www.accordsale.com/images/accord_photo.jpg

أشكركم اخواني غالي جدا mesho و gogo على الردود


mesho:

اقتباس:

---

اولآ انصحك تجرب السياره منت خسران شي

---

والله ياريت فيه تست درايف حق ال 6 .. لاحظت من بعض المواضيع انه بعض الاخوان ما قدروا يحصلون تست درايف في السعودية ايضا



gogo:

اقتباس:

---

ليتم عمل السلندرات جميعآ بصوت المحرك الإغريقي المميز

---

خخخ والله عجبتني كلمة الاغريقي .. ماحد غيرك الاغريقي يا فيلسوف .. تسلم والله

اقتباس:

---

يقوم النظام الجديد بتشغيل 3 سلندرات عند وضع التشغيل

---

هل تقصد انه السيارة لما تكون واقفة تشتغل على 3 .. ومجرد تتحرك تصير 4 وبعدين 6 ؟؟



اشكركم جميعا ونتنظر مزيد من الردود

بسمه تعالى :


نعم يتم عمل المحرك بالتزامن 3 ثم 4 ثم 6 كما جاء بالشرح اعلاه ..............و أضمن لك أن الأكورد v6 ستدهشك و ستنسى السيارات الأخرى بضمانة gogo .............. و لا حاجة للتجربة فقط أحجز و توكل على الله .

أهلاً يا كابتن

انا جربت اكورد 6 سلندر فل كامل في الوكالة قبل عدة أشهر

ممتازة

وما حسيت بنتعات ولا شي

عموما فيه واحد في المنتدى اسمه ابو سعود .. معه 6 سلندر من فترة .. يقدر يفيدنا أكثر :)

لأن الشي هذا ما يلاحظ من تجربة سريعة .. يلاحظه واحد يملك السيارة وله فترة يسوقها

:eek: ما فيه اي شيء من اللي قلته أهتزاز ونتعه .....

اكورد 2008 قوه .. ورساوه .. وسلاسه ....... أسأل مجرب :cool:

اقتباس:

---

المشاركة الأصلية كتبت بواسطة SaLmaN

أهلاً يا كابتن

انا جربت اكورد 6 سلندر فل كامل في الوكالة قبل عدة أشهر

ممتازة

وما حسيت بنتعات ولا شي

عموما فيه واحد في المنتدى اسمه ابو سعود .. معه 6 سلندر من فترة .. يقدر يفيدنا أكثر :)

لأن الشي هذا ما يلاحظ من تجربة سريعة .. يلاحظه واحد يملك السيارة وله فترة يسوقها

---

أشكرك على الرد يا كابتن

وينه هذا ابو سعود ابيك تجيبه لي هنا خخخخ :d

يسلمو

اقتباس:

---

المشاركة الأصلية كتبت بواسطة salman

أهلاً يا كابتن

انا جربت اكورد 6 سلندر فل كامل في الوكالة قبل عدة أشهر

ممتازة

وما حسيت بنتعات ولا شي

عموما فيه واحد في المنتدى اسمه ابو سعود .. معه 6 سلندر من فترة .. يقدر يفيدنا أكثر :)

لأن الشي هذا ما يلاحظ من تجربة سريعة .. يلاحظه واحد يملك السيارة وله فترة يسوقها

---

تسلم اخوي سلمان

وانا جاهز لاي استفسار
وترا من ناحيه الاصوات ما فيها اصوات
ترا السياره 2008 راحت ايام الاصوات والقرقشه
الوكاله (هوندا مب عبد الله هاشم ) يبون سمعه ويبون ناس عشاق للهوندا
ما يصنعون الشي الا وهم مضبطينه

ومشكور اخوي سلمان
والله كبر راسي

واي استفسار انا ما عندي اي مشاكل

اشكركم اخواني على المرور

اقتباس:

---

المشاركة الأصلية كتبت بواسطة ابو سعود

تسلم اخوي سلمان

وانا جاهز لاي استفسار
وترا من ناحيه الاصوات ما فيها اصوات
ترا السياره 2008 راحت ايام الاصوات والقرقشه
الوكاله (هوندا مب عبد الله هاشم ) يبون سمعه ويبون ناس عشاق للهوندا
ما يصنعون الشي الا وهم مضبطينه

ومشكور اخوي سلمان
والله كبر راسي

واي استفسار انا ما عندي اي مشاكل

---

ابو سعود اللي فهمته من ردود الاخوان انك تملك ال V6

يا ريت لو تسمح تشوف موضوعي الرئيسي فوق وتعلق عليه

من ناحية سياقة السيارة .. سلاسة التسارع والقوة ..الخ الخ

يا كابتن :)

انا اليوم قعدت ابحث في النت عن موضوع الـ Vcm وانطباعات الناس عنه

لقيت موضوع مخصص للنقاش عن النظام هذا وعدد الصفحات في الموضوع وصلت 182

وعدد الردود وصل 1814 !

طبعا ما فيه وقت اقراها كلها .. لكن قريت بعض الصفحات الاولى واخر الصفحات

فعلاً فيه ناس كثير يشتكون من النظام .. ويقولون ان النتعة تحس بها على سرعات معينة اذا كنت ماسك خط

يعني مثلا وانت ماشي 100 او 120 تبدا تحس بشي غريب .. لكنه موب واضح مرة لازم تركز عشان تلاحظه

ويوضح اكثر اذا ولعت اللمبة الخضراء وركزت مع صوت الماكينة بتحس بشي يتغير وهزّه خفيفة

لدرجة ان فيه كثيرين يطالبون هوندا بأنهم يلغون الشي هذا أو يسوون زر في الطبلون يخلي الشغلة هذي اختيارية حسب رغبة السائق .. يعني تبي تشغلها تضغط زر

بصراحة انا ما راح اشتري ما دام الموضوع فيه نقاشات

بصبر الى موديل 2010 بشوف كيف بيكون الوضع

انا يوم اجربها في الوكالة ماذكر اني عديت 80 لان كان الطريق زحمة وسقتها داخل الحارة

وما لاحظت نتعات ولا شي لأن الظاهر ما تلاحظها الا وانت ماسك خط او ماشي بسرعة ثابتة وتحديدا بين 80 و 120

عموما اذا تبي الرابط برسله عالخاص وتقرا كلام الناس عن نظام الـ Vcm

والله يا اخوي سلمان انا ماشي 220 وما طلع لا صوت ولا شي
وبعدي اللمبه الخضراء خاصه للبنزين واذا اشرت يعني انك مقتصد بالبنزين

وترا كلام النتع والرجه ما قد صارتلي واذا منتب مقتنع راسلني على الخاص وتجربها بنفسك وانا اخوك

وترا الدوره بخمسه اول بعشره بس على شان رمضان


(وكل عام وانتم بخير)

وتراني مطلع السياره من شهر 3 \1429هـ

أشكركم على الردود وبالذات اخوي ابو سعود بررردت قلبي :cool:

عموما خلاص انا توكلت

وحجزت السيارة مقدما اليوم

وان شاء الله الوصول نهاية الشهر :d:d:d

Acord 2009 - V6 EX

والسعر الى حد الآن مو محدد في وكالة البحرين

^^^

الله يوفقك ويعطيك خيرها ..


ممكن تعطيني دورة - لفة - بالأكورد V6 عشان بجرب نظام Vcm :o

الله يعطيك من خيرها ويكفيك شرها ومبروك مقدماً وبإنتظار الصور وإنطباعك عن السيارة .