عرض للطباعة
السلام عليكم ورحمة الله وبركاته
يسرني الانضمام اليكم وحاب اقول لكم اليوم ان شا الله موعد استلام سيارتي الهوندا كوورد 2010
والله يعطيكم العافيه انا متأكد انكم خير مستشار وذلك لخبرتكم ولمساتكم الفنيه ياريت تدلوني على افضل عازل حراري طبعا من خلال تجربه او خبره ولكم جزيل الشكر
الله يعطيك خير السيارة ويكفيك شرها وألف مبروك يا غالي..
وبخصوص العازل فأنا مجرب لومار وجدا جدا ممتاز وعزله مناسب وسعره أقل بالنسبة للشركات الثانية..
لومار كويس واسعاره معقوله ولاتنسى تأخذ خصم من الوكاله علا التظليل ومبروك السياره
الوكاله تعطيك خصم لزيبارت
ب 2000 ريال عزل للبودي والقزاز
اخوي انا الوكالة اعطتني كرت من لومار بس للحين معي الكرت ماستخدمته رحت لتوب شيلد علشان اسوي الوجيه مره وحده لانهم كان عندهم عرض حلو بس ماقدر اقولك انه احسن من لومار لاني ماجربته ابد
اخوي اليوم مريت بالصدفة وشفت محل جديد و إللي لفت إنتباهي عرض بمناسبة الأفتتاح خصم 50 % على التضليل
المهم دقيت إشارة و حكرت الديورة ورحت له و تكيت على الكرسي وصب لي شاهي و إليك التفاصيل بالأسعار
عنده 3 أنواع من التضليل راح أبدى بالأقل سعر
1 / تضليل ضمان سنة ب 550 ريال قابل لتفاوض بالسعر يمكن 500 ولو تقردنة يمكن ينزل
2 / تضليل ضمان 5 سنوات ب 700 ريال طبعآ مع الزجاجة الأمامية شفاف كل الأنواع
3 / تضليل ضمان 10 سنوات ب 900 ريال
بالنسبة لحماية المقدمة ربع الكبوت وربع الرفارف مع المقدمة كاملة تقريبآ ب 2000 ريال إذا ماخاب ضني و ما تاكدت
لأني مافي أمل أسويها غالي
ولكن الشمعات مع المرايات ب 350 ريال وهذا ما علية خصم حسب كلامة الحماية غالية و تركيبها متعب
نجي للوصف مكان المحل وانت جاي على خريص وجهك شرق تجيك إشارة المعارض إللي هو شارع عبد الرحمن بن عوف
تدخل يمين يصير وجهك جنوب تجيك أول إشارة تتعدها بعدها في إشارة إللي هو شارع أحمد بن حنبل تاخذ أوتير فوق تحت يعني ديور
إرجع كأنك تبي خريص يجيك المحل على اليمين لوحته صفرا مافي أوضح من هالوصف لا تقول مافهمت