عرض للطباعة
السلام عليكم و رحمة الله و بركاته ... كل عام وانتم بخير بمناسبة قدوم الشهر الكريم..
اخواني الاعزاء انا عندي هوندا سيفيك 2001 قير عادي و نوافذ منول و بدون جنووط .. عاد انا ابي اعدلها شوي و ادلعها لكن ابي اسويها رفيعة شوي ومثل سيارات الرالي و ابي اضيف اي شي على المكينة عشان تكون اقوى و اسرع لكن في نفس الوقت ما ابي اضيف عليها اشياء تخليها ما تصلح للاستخدام اليومي و ابي تقدرون الميزانية ... يعني كم بتكلفني
رجاء لا تبخلوا علي باقتراحاتكم
طيب كم ميزانيتك .. حدود كم ؟؟
مشكور اخوي على المرور و المشاركة ... بالنسبة للميزايني تقريبا يعني 500 الى 700 دينار اي ما يعادل من 5000 الى 7000 ريال
و عطنا ارائك
يعطيك العافية خيو أظن إنتا بالأردن ؟؟؟
لا و الله انا بحرييييييييييييييييييييييييييييييييني
أها حياك الله فكرتك في الأردن لأنو السعر الي تحكي فيه يجيبلك بس جنوط وكفرات يا دوب :(اقتباس:
المشاركة الأصلية كتبت بواسطة سيفيك2001
:cool:هلا و غلا اخوي، .. و ميزانيتك بسيطة لو بتركب جنط مثلاً راح اغلب المبلغ
و على حسب ما فهمت من كلامك انك منت ناوي تهبط السيارة ..
عموماً ، اولا تعديل للمكينه :...
بواجي ، اسلاك بواجي ، كنداسة رياضية ، طقم فلاتر هواء ، بكرات كرنك رياضية
ثانياً ، التعديل الخارجي :...
شمعات مكونه من شرائح ، عدسات ، طقم زينون ، شبك تفصيل بطريقه مميزة
اصطبات خلفيه led
تنجيد المقاعد جلد بتناسب مع لون الداخلية
و فيه طريقه اخرى مختلفه تماماً عن التعديلات اللي قلتها .. :cool:
جنط 18 يتناسب مع لون السيارة ، تهبيط خفيف حد الكفر .. هذي تعطيك منظر أحلى بكثير :d
بكذا تكون هذي التعديلات تقريباً قريبة من ميزانيتك ..
بالتوفيق ..
تحياتي
مشكور اخوي هيبة ملك على الرد ولكن كم تنصحني اخلي ميزانية؟؟؟ مثل ماقلت لك ابيها تصير مثل مال الراليات تقريبا يعني ابيها ارفع شوي
هلا اخوي سيفك ، بالنسبه للميزانيه كل ما تزيدها تقدر تضيف قطع
ركب جنط ريس خفيف 17 ، يخفف لك من وزن السيارة ..
و هذي صورته
http://i43.photobucket.com/albums/e3...88/maglite.jpg
تقريباً يكلفك حدود 2200 ، او 3000 طلبية من الخارج
و ركب عدادات rpm .. تعطيك منظر رائع بالسيارة .. تقريباً تكلفك من 300 الى 500 ريال
لو عندك اي استفسار انا حاضر :)
بالتوفيق ..
تحياتي
صديقي الهوندا ما تصير حلوة الا اذا نزلتها الهوندا بمجرد انك تنزلها وتركب لها رنجان تصير حلوة اما اذا رفيعة اسمح لي لو تلبسها ذهب ما تحلى خذ لك جانبينات ريسنق وتحكم في التنزيله وهم بسعر معقول ولا تعور راسك .
(hamood174@hotmail.com)
انا انصحك تركب لها زوايد اول حاجه
وتنزلها وانوار عدسات وانوار ليد ورى
وبتصير حليوه وهذا كله ما يكلف
وبعدين اذا كملت فلوس لجنوط خذ لك جنوط
بالنسبه الى السرعه هذي حاجه ثانيا
ااذا تبي سرعه ركب تيربوا وانسىىى
مشكورين يا جماعة الخير و ماقصرتوا لكن بعد ابي افكار مفصلة منكم اذا ما عليكم زحمة ولا كلافة
طيب ياليت تذكر لون السيارة .. و يفضل لو فيه صور لها :cool:
اللون ذهبي
طيب لو تحاول تزود ميزانيتك شويتين ..
تركب فيابر على السيارة كامله .. و جنوط رياضية و يايات رياضية .. و داخلية رياضية :)
كلامك صح و انا معاك 100% في كل كلمه .. خاصه ً السيفك لما تتهبط تطلع ملكة :cool:اقتباس:
المشاركة الأصلية كتبت بواسطة محمد صالح
و لو تبغى نصيحة اخوك لا تلغم .. و الله السرعه و التهور ما منه فايده :o
بالتوفيق ان شاء الله .. :d
اي خدمة انا حاضر .. ;)