جديد نظام ساهر المتنقل - جيب متسوبيشي

بسم الله الرحمن الرحيم

السلام عليكم ورحمة الله وبركاته
اذا كان مكان الموضوع خطأ ارجو من المشرف نقله

اولا الهدف من المقطع ليس الاعتراض او التشهير بالنظام
ولكن الهدف هو تنبيه الاخوان من النظام خصوصا الكاميرات المتحركة


جديد نظام ساهر المتنقل - جيب متسوبيشي

http://q8motor.com/images/listing_ph...7_dsc06681.jpg

الجيب موجود في شوارع كثيرة
اضافة الى باص نيسان المعروف
والشارع هذا حول صناعية الشفا

[ame=http://www.youtube.com/watch?v=mnMvgDntjqQ]YouTube - ‫جديد نظام ساهر المتنقل - جيب متسوبيشي‬‎[/ame]

وش الجديد بالموضوع جيب المتسوبيشي لهم اكثر من شهرين منزلينه :)

وعليكم السلام ورحمة الله وبركاته


مشكور خيو عالتنبيه

بس مو كأنه السيارة تحمل لوح كويتيه وكأنه الشارع بالكويت :confused:

الصورة الأولى مالها دخل بالموضوع بس لتوضيح نوع السيارة المستخدمة.

اما عن الفديو واضح انه بالرياض واللوحه سعودية.

والله عندنا بالشرقيه بالدمام والخبر انواع السيارات الواقفه على يمن الطرق ويسارها الله يستر ؟

واذا احد في جدة والغربية ياريت يصور لنا ( تويوتا راف فور ) انظم لشلة نظام سارق .

^


ايوة صح كلامك الراف فور موجود بجده ان شاء الله اذا شفته صورته

طبعا الاكثرية للباثفاندر

اماا

واله ياكثرها بالدائري الجديد اشوفها موقفهـ وعدها رجال احسبهم مقاولين خخخخخخخخخخ

الله يستر بس

لا تستبعدون تلقون اكورد ساهر
:d

اقتباس:

---

المشاركة الأصلية كتبت بواسطة B Useful

واذا احد في جدة والغربية ياريت يصور لنا ( تويوتا راف فور ) انظم لشلة نظام سارق .

---

امس وانا طالع من طلعت شارع المحجر لقيته على يساري واقف على المثلث ولونه ذهبي
قربت جنبه وانا ماشي 40 ابغى اسلم على الي داخله بس ما حصلته وكان ظهر شكله راح يتغدا
خخخخخخخخخخخخخخخخخخخخخخخخخخخخخخخخ
والله اني انقهرت كان نفسي اساله الجيب للبيع:d
هههههههههههههههههههههههههههههههههههههههههههه

الجديد في نظام ساهر هو المرحلة الثانية (الكاميرات عند الاشارات ):

1-اذا كنت في المسارالاوسط عند الاشاره وتذكرت ان بيتكم على اليمين وتاخذ يمين على كيفك <<صوره 4*6

2-عند الالتفاف لليمين يجب التوقف وقوفا تاما لمدة ثانيتين وبعدها تروح يمين ومن يتقدم عن الخط قبل التوقف صورة 4*6

3- تجاوز خط المشاه بسنتيمتر واحد صوره 4*6

4- واحد ملحم فيك وطاير والاشاره فجاءه صارت صفرا وماقدرت توقف قبل الخط لانك لو طقيت بريك قوي بتحصله فووق تندة موترك فمالك الا تاخذ صوره 6*4


ايضا من ضمن المرحلة الثانية تطبيق اللوحات الالكترونيه اللي تعطيك اذا ماكان الطريق سالك قدامك ولا فيه حادث او مغلق


*نظااام ساهر جييد وفعاال واطلق شي لكن الشعب ناقصه تثقيف ووعي بالقيادة ماانزل عليهم اقصى انواع العقوبات بدون توعية بالاول

*نظام ساهر حرص على مخالفة السرعة فقط والسبب ان اكثر حوادث الوفيات السرعات العالية وانا لي اكثر من 7 سنوات اسووق بالرياض واكثر الحوادث اللي شفتها تكون داخل الاحياء وعند الاشارات والتقاطعات اللي بدون لوحاات ونادرا مانشوفها في الدائري الشمالي مثلاا


*اخيرا اتمنى من نظاام سااهر بما انه سهران لخدمه الشعب انه يشوف لنا حل مع اوقاات الذروه اللي صارت 24 ساعة باليوم
واللي سببها قلة وعي وذووق

^^^^^^^^^^^^^^
اوما رقم 4 خطيرر افضل انه يصورني 4بـ6 ولا القاه علي التنده :d

لبـــا ديرتي الي مافيـها سـارق للحيـن :p