اصحاب الالوان ( الاسود - العودي ) تعالوا - لامانع بدخول اصحاب الاوان الاخرى :)

السلام عليكم ورحمة الله وبركاته


ياشباب المثل يقول ماخاب من استشار

الاسود - العودي

بغيت استشيركم باللونين هذي ..انا ان شاء الله بشتري اكورد 2010 .. طبعا ماني مشتري الـ

11 بسبب اصطبات البي ام البايخه .. مع احترامي للي مركبينها:p

^^^

*معلومه امكن ماحد يعرفها ترى 2011 تجي اصطبات بي ام بكل الفئات من السياحي الى الفـل

مثل ماسوو في 2006-2007 غيرو اصطباتها..

:-نعود لمحور حديثنا :cool:

المشكله مادخل مزاجي الا اللونين هذي .. اللؤلي حلو بس من كثر مهو منتشر كرهته

كيف الاوان هذي معكم تتعبكم بالغسيل والشمس ولالا .. انا عندي قراج او بايكه بالبيت بس

المشكله دوامي الجامعه 7 ساعات او اكثر يوميا بالشمس السياره توقف نادرا احصل مواقف فاضيه مظلله

وعشان تكونون بالصوره ماحب التظليل انا لاحد يقول ركب عازل حراري ولا شي :eek:

وعشان تكونون بعد بالصوره :eek: باخذ مراتب مخمل

اتمنى تفيدوني اخوكم محمد

هلا بيك أخوي محمد
أولا ألف مبروك السياره مقدما ويعطيك خيرها ويكفيك شرها
الأسود والعنابي الي هو العودي لونين حلوين بس بصراحه العنابي أفضل من الأسود من ناحية المظهر بس عيوبهم سوى أي وسخ راح يبين فيهم وأي خدش أو حكه راح تبين بوضوح وعاده هذه الألوان ألوان غامقه يعني تمتص حرارة الشمس يعني لو ماعندك كراج أو مظله الله يعينك على فرن السياره
أنا انصحك باللؤلؤي لون لايتسخ بسرعه ولا تبين فيه الخدوش أو الحكات بوضوح غير كذا إنه مايمتص حرارة الشمس زي الأسود والعنابي.
وفي الأخير أقولك إذا إنت راعي غسيل وعنايه وتلميع بإستمرار خذلك عنابي أو أسود بس العنابي أحلى بس ترى كثرة الغسيل والتلميع تتعب البويه وعاد تحمل الحراره.
وإذا كنت زيي ماعندي وقت عشان أغسل بشكل شبه يومي فأنا أقول خذلك لؤلؤي وريح راسك بس مثل ماقلت اللؤلؤي منتشر تدري ليه لأن الناس تفكر صح عندنا هنا حراره وشمس حارقه وغبار وناس ماتعرف تسوق فالواحد يأخذ لؤلؤي ويعيش حياته.
وأرجوا أن أكون إني أفدتك.
وفي الختام التحيه والسلام

وعليكم السلام ورحمةُ الله وبركاته ،،

حياك الله اخي الكريم ..

بصراحة انا كنت من محبي اللون الاسود ، وسيارتي لونها اسود ..

ومع ذلك كان عندي تلميع كل 6 شهور مجاني ، وكل ما خذت لمعّتها في البيت ..

لكن اذا تبغاها بصريح العـِبارة ، ما يصلح عندنا في السعودية لون من الالوان الغامقة ..

وخويي معه اكورد عنابي ، لون بطل ، لكن مع الشهر الثاني بدأ بالتلميع والسيارة ما بعد تمشي 6000

والسبب الدوائر اللي على بدي السيارة ..

سيارتي الاكورد الاسود ، قعدت معي سنتين وتعبت معها في التلميع والتنظيف يومياً الى اني بعتها وخذت لي لؤلؤي ..

اللؤلؤي غسلها في الاسبوع ولا الشهر مرة و وسّع صدرك ، وكذلك فيه له رغبة في البيع أكثر من الاسود ..

السلام عليكم ورحمة الله وبركاتة
مبروك مقدماااا علي السيارة..................

وأنصحك بلون فاتح مثل الأبيض وبس..... انسى الألوان الثانية ..... ليه أنا أقلك السبب

1- لأن ألوان الأكورد كلها تجي طبقه وحدة بس +اللكر ... وبسرعة يتأثر أنا عندي اكورد لونها أبيض 2009 ماشيه حوالي 25000 والله وأقلك وأنا صادق أحمد ربي أني ماأخذت العودي لأن اللون الأبيض تخدش وبهق وسار فيه دوائر ....كيف لو أخذت العودي كنت نايم عند ورش التلميع الساطع......

2-المملكه بشكل عام وعلى مدار السنه غبار الصيف غبار الشتاء غبار الويكند غبار وقت المطر غبار .....الأبيض سيد الألوان ..........

3- يأخو مايمديك تتهنا باللون السيارة .......مثل الكابريس اس اس يجي لها لون ملكي أسود ( ثلاث طبقات) مقاوم للغبار مثل الكزس .....

واسف على الأطاله ,,,,, وشكرا

هلا فيك يالغالي

ابعطيك نبذه في الالوان

من ناحية الالوان الداكنة مثل الكحلي و العودي و الفيراني هذي في الشمس تمتص الحرارة يعني تخش السيارة وهي مثل الجمر بيكون فيها حرارة مب طبيعية فما بالك الاسود كيف بتكون الحرارة داخل السيارة !
اما من ناحية الالوان الفاتحة مثل الفضي و الابيض اللؤلؤي ما تمتص الحرارة وبذلك اذا ركبت السيارة تحس بحرارة معقولة مب مثل الالوان الداكنة

فإذا بتاخذ اسود او عودي بتكون حرارة السيارة بشكل مب طبيعي فبتظطر انك تركب عازل

ومن ناحية اللؤلؤي انا عندي لؤلؤي ما شاء الله تبارك الله و الله اشوف انه ملكي ويعطي الموتر حلاوة وبارد اما الاسود تروح لمعته بسرعه ويمتص الحرارة يعني حار

واذا كان ما ودك بالؤلؤي شف الفضي مثلا او الذهبي اومالك إلا العازل الحراري من زيبرت افضل شيء للالوان الداكنة

و اتمنى اني افدتك يالغالي ، ، ،

انا عندي لؤلؤي صراحه اللون حلو وما اشتكيت منه الا

اني ما حصلت نفس الدرجة في محلات البوية

انا عاجبني العنابي اكثر من اللؤلؤي بس ما جربت العنابي

انا امتلكت اكورد 2008 لولي وقضت امرها واخذت اكورد 2010 اسود طبعا الثنتين جلد بيج من الداخل المهم الحراره بالسيارتين نفسها مالاحظت فرق بس المشكله تبقى عل بدي السياره اذا بتاخذ لون غامق يبغاله عنايه فقط اما الحراره فااظن اغلب الشباب موسوسين :d واذا تقدر على عنايه البدي خذ لون غامق وماعليك

اولآ مبروك السيارة مقدما
الله يعطيك خيرها ويكفيك شرها
محاكيك شريت سيارتين وراء بعض كلها ابيض لؤلؤي
تويوتا xA 2006
واكورد 2007
والحين معي اكورد 09 ذهبي
كنت اقول الذهبي مايبان فيه الغبار وللأسف طلع العكس اول ماتطلع من المغسلة وتوقف عند البيت شوي إلآ تلاحظ الغبار على البدي
نصيحة اخو تبي تريح راسك خذ الابيض وانت مغمض صحيح انه منتشر بكثرة بس والله له هيبة :cool: ومرغوب في البيع اكثر من الالوان الثانية
آسف على الإطالة بس والله بغيت لك الزين والله يوفقنا وياك .

اخوي خد عنابي وخل عندك عامل يجي كل يومين يغسلها
وانت بعد الغسيل استعمل هالمنتج وسعره ثلاثين ريال تقريبا طبعا العلبة الحين صار لونها اسود بس نفس الاسم quick wax

http://ecx.images-amazon.com/images/...500_AA300_.jpg

فقط رشه وامسحه بقطعة قماش شمواه تشوفها في ساكو وسعرها بعشرة ريال تقريبا وفيه عدة انواع
وبكدا راح تكون الموتر يلمع كنك ملمعنه بالتلميع العادي

هلا
يا خوك انا عندي اكورد 2010 فل اوبشن 4 سلندر أسود من ناحيت الشمس فاهذا امر لابد منه انا مع الشمس متفقين بتقولي كيف؟؟ انا اقولك كيف لأني حاط عليها طربال اوكي فا لما اطلع الساعه 1:00 الظهر او ركب السياره ما تحس بحراره ابد لأني الطربال إلي اسدخدمه من مميزاته فيه عازل حراره امى الغسيل مريح مره مع اللون الأسود.

انا معي عودي

وربي ندمااان ندم قد شعر رااسي الالوان الغامقة حلاوتها اول شهرين وبعدها تبدا المعانااة

خذ ذهبي رصاصي لؤلؤي

اي لون فااتح ولاتقرب الالوان الغاامقة ولاتصدق الي يقولك لمع ياخوي كل اسبوع المع وين عايشين والله لوانها بنتلي

طيب ايش رايك في اللون الرمادي

بس مدري هو يعتبر من الغامق ولا الفاتح ما عرفتله
خخخخخ

ومبروووك مقدما

الأسود أسد :cool:

ملك الالوان وما عليك من المشككين

أنا لون سيارتي أسود والحمد لله لا أعاني أبدا من الحرارة

وبالعكس كلما رأيتها بجوار سيارات من ألوان أخرى

أحس أن الأسود فعلا هو الخيار الأمثل

أما بالنسبة للغسيل فالحارس عندنا بالشركة يقوم بغسيل

السيارة كل يومين أو ثلاثة ومافي أي مشاكل مع الغبار

وسلامتكم

هلا فيك
شوف اخوي انا لون سيارتي اسود
وصار لي مطلعها سنه تقريبا
واللـــه انـــه هاللون متعبني جدا جدا
اغسلها اليلية ما اصبح الا وهي مغبره
ومثل ما ذكرك اخووي
(kakashi_san)
الالوان الغامقة ما تناسب مع جو مملكتنا الحبيبه
الا اذا بتشووف لك عامل يغسلها لك كل 3 ايام بهالحاله صدقني
راح تستمتع مع اللون الاسود

والله يبارك لك فيها ان شاء الله ....

والله انا معي اكورد ذهبي وماشيه تمام

يوضح فيها الغبار ولكن بعد فتره من الغسيل ولون صراحه رايق

واللون اللولوي حلو

نصيحه ذهبي ولا لولوي لا تدور غيرها

الف مبروك مقدما

و لا تاخذ اسود و لا عنابي و لا فيراني

و الله تتعبك ..

انا لون سيارتي فيراني اغسلها اليوم بكره اشوف الغبار

و خويي معه لؤلؤي 10 ما شاء الله يغسلها يجلس اسبوع اقوله توك مغسل

يقول لا من زمان ..

فالأفضضل لؤلؤي و الله يوفقك

نصيحه اشتر راحة بالك وابعد عن الغامق
انا سيارتي عنابي والله طفشتني تخيل اغسلها العصر
اجي بعد العشا الاقي خطوط غبار خفيفه
اليوم الثاني السياره مغبره وراح الغسيل>_<
وبما إنك طالب إصرف مكافآتك على نفسك أحسن ما تصرفها على التلميع:aa_Shopping:

الف مبروووك مقدما

والله ياخي انا مراااااااااح الحمدلله مع العودي

والراي يرجعلك ولا تلميع ولا شي لاتوقفها قريب من مكان في رمل ع الاسفلت

ولا قريب من منطثة عمل وبكذا راح تتجاوز الاوسخة

والقرار بيدك

اول شي ...

الله يطعمك من خيرها ويكفيك من شرها :d<~ ادري ما شريتها بس اسبق الاحداث :p

..

اممم الالوان :confused:

انا معي 08 ذهبي فل كامل .. صراحه حلو .. بس ياشينه اذا صار متوسخ مره :mad:

بس اذا غسلته يطلع خقق :eek::d <~ موتري وامدح على كيفي :d

..

اخوي معه لؤلؤي .. صحيح يغسل وبعد شهر يغسل ثانيه .. بس مشكلته منتشر كثير ..

والاسود ملك الالوان .. بس يبيلك بنقالي بالشنطه .. كل ما توقف لك محل ينزل يغسلها لك :d

..

الموهم القرار بيدك والله يعينك ..

الف مبروك مقدم شوف اخوي نصيحة خذ اللون اللي تميل لة اكثر انا عندي عنابي صح يغبر بسرعة لاكن صراحة له منظر رايق اما بالنسبة للون اللولي احس لو احد خدة ما اخد شي جديد يعني كنك متعود عليه من كثر ماشفتة

والله ابيض لؤلؤي وبس ماغسيل الله متى ما بغيد او اذى توسخت


ومبروك مقدما

اقتباس:

---

المشاركة الأصلية كتبت بواسطة بسكاتي اذلك

والاسود ملك الالوان .. بس يبيلك بنقالي بالشنطه .. كل ما توقف لك محل ينزل يغسلها لك :d

---

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههههههههه

الله يرجججججججججججك ههههههههههههههههههههه < مات ضحك

نعود لمحورنا :D
اخوي لو انك مسوي خاصيه التصويت كان احسن

وانت شفت الردود الاغلب يقولون فاتح واطلق شي ابيض ( لؤلؤي ) ياخي مره واحد بالمنتدى قال بيبيع السياره بسبب اللون اسود والمشكله المديل 2009 يقول ابي ابيض ..
بعدين قريبي معه كورلا اسود 2010 الحين هو يندم يقول ياليتني ماخذ ابيض ..

عنابي - فضي - ذهبي ( عودي ) -اسود و الاوان الباقيه خاصه الغامق كلها بعد 3 4 سنوات الا انت طفشااااااااااااااااان منها

الحمد لله معنا 2004 :D زي الحلاوه ابيض
شف انا والله ما امدح عشانه لي بس هذا الواقع
وسلامتكم اتمنى انك تستفيد من الدرس < وش درسه :D
ومبروك مقدماً << خلص سو اضافه رد :mad:

الله يوفقك اخوي,, وانصحك باللون اللؤلؤي,,لأني انا عندي اكورد لون عودي وموديل 2010 توني اشتريتها مالها 5 اشهر وكنت معجب باللون العودي لما شفته في الوكاله ولحد الان معجب فيه,,وصراحة اني متندم اني اشتريت هذا اللون>>لانه يبان في الوسخ بسرعه وكل الوقت يبيله غسيل وكذالك يبان فيه الخدوش بسرعه>>>لدرجه اني افكر اني اغير لون السياره الى لؤلؤي.. وتقبل مروووري,,وكلامي هو مجرد رأي وأنت لكـ الحريه..

اللؤلؤي - الذهـبي - الفـضي

خذ نـصيحة ناس مجربة ! :rolleyes: