كيف احافظ على عمر سيارتي اذا كانت تمشي اسبوعيا 1800 كلم

عرض للطباعة

23-09-2007, 03:25 PM
hmh023

ياخوان اريد نصائحكم للمحافظه على عمر سيارتي الاكورد
فانا يبعد عملي عن بيتي 170 كلم ذهابا (ساعه ونص )و170 كلم عوده يعني في اليوم 340 كلم يعني في الاسبوع 1800 كلم تقريبا.
- وبصراحه الطريق جدا رائع وفاضي ومريح و3 مسارات ومستوي تماما و بلا توقف او لفات( طريق جده- المدينه المنوره -السريع) ومثبت السرعه دائما على 140 كلم لا اتجاوزها ابداً مع المكيف او بدونه ولا أعرف دواسة البنزين أوالفرامل الا عندما اقترب من البيت او مكان العمل فقط

معلومات سيارتي: اكورد -2007- فل كامل مخمل-
15000 كلم مشت- وانا اغير الزيت مع الفلتر كل 5 الاف كلم

انتظر نصائحكم لأني بصراحه قليل خبره في امور الخطوط وصيانة السيارة

وماهي الصيانات التي تنصحوني ان اجريها علما بأن اخر صيانه عملتها هي 10 الاف كلم
23-09-2007, 05:22 PM
الهادف

اهتم بتغيير الزيت .. ويفضل ان تستخدم زيت ذو لزوجة أعلى من زيت الوكالة .. 20 - 50

راجع مستويات زيت القير وتأكد من تغيره قبل الـ 40000 كيلو ..

قم بفحص نظام التبريد بين فترة وأخرى للتأكد من عدم وجود نقص في مستوى السائل

خذ سيارتك للصيانة .. اقل الأيمان كل 30000 كيلو ..

افحص الأطارات دائماً وقبل كل طريق طويل للتأكد من الضغط الصحيح وتلافياً لأي أنفجار اطارات على الطريق ..

هذا الا عندي .. :)
23-09-2007, 05:29 PM
hmh023

الزيت الي استخدمه كاسترول جي تي اكس علبته بلاستيك ابيض رقمه 10\30 هل لزوجته مناسبه
23-09-2007, 05:36 PM
الهادف

اقتباس:

المشاركة الأصلية كتبت بواسطة hmh023

الزيت الي استخدمه كاسترول جي تي اكس علبته بلاستيك ابيض رقمه 10\30 هل لزوجته مناسبه

زيت كاسترول جي تي اكس ممتاز لمكينة الأكورد ..

حاول ترفع نسبة اللزوجة أكثر .. استعمل 20-50 ..
23-09-2007, 06:07 PM
فهد الشمري

على طاري الزيت
امس انا في الوكاله رايح اشتري سيفون سالتهم وش نوع الزيت حق الاكورد
قال التر سفن
23-09-2007, 06:39 PM
الهادف

اقتباس:

المشاركة الأصلية كتبت بواسطة فهد الشمري

على طاري الزيت
امس انا في الوكاله رايح اشتري سيفون سالتهم وش نوع الزيت حق الاكورد
قال التر سفن

مافيه شي اسمه زيت حق الأكورد .. واستعمل الزيت الي ترتاح منه انت ..
23-09-2007, 10:29 PM
$$الدولار$$

بالنسبة للزيت يفضل بالصيف استخدام زيت ذو لزوجه عالية والشتاء اقل شوي

واهم شي الكفرات الكفرات
والله لا يعرضك مكروه
24-09-2007, 01:46 AM
أكورداوي 999

والله ياخوي لي عندي نصيحتين لك
أول شي لاتفكر تسرع بالخط مررره
إخرج قبل موعد عملك بفتره عشان تمشي مررروق في الخط

ثاني شي حاول تشوف لك شي تغطي فيه واجهه السياره عشان لاتنعدم
بالنسبه للإسطبات تلاقي في محلات الزينه شي إسمه نظارات بلاستك تغطي لك الإسطب وتحميه من الترميل
وبالنسبه للوجهيه نفسها أنا ماعندي خبره بس سمعت عن شركه << لومار أظن
تحط لك طبقه حمايه للوجهيه حقت السياره بس والله ماعندي أي تفاصيل عنها لأنو أصلن أناا مابسافر كثير
لكن إن شاء الله الشباب يعلمونك
ونصيحه نزل السياره كل 5 ألاف للوكاله
لأنو إنتا بتمشي فيها كتير ف يعني أي مشكله راح يسونها لك على الضمان إن شاء الله
24-09-2007, 04:15 AM
ل م س 3 3 4

1-اهتم بالزيت وغيره كل 5000 معقوله جدا
2-البواجي
3-فلتر الهواء
24-09-2007, 08:31 PM
hmh023

اقتباس:

المشاركة الأصلية كتبت بواسطة أكورداوي 999

والله ياخوي لي عندي نصيحتين لك
أول شي لاتفكر تسرع بالخط مررره
إخرج قبل موعد عملك بفتره عشان تمشي مررروق في الخط

ثاني شي حاول تشوف لك شي تغطي فيه واجهه السياره عشان لاتنعدم
بالنسبه للإسطبات تلاقي في محلات الزينه شي إسمه نظارات بلاستك تغطي لك الإسطب وتحميه من الترميل
وبالنسبه للوجهيه نفسها أنا ماعندي خبره بس سمعت عن شركه << لومار أظن
تحط لك طبقه حمايه للوجهيه حقت السياره بس والله ماعندي أي تفاصيل عنها لأنو أصلن أناا مابسافر كثير
لكن إن شاء الله الشباب يعلمونك
ونصيحه نزل السياره كل 5 ألاف للوكاله
لأنو إنتا بتمشي فيها كتير ف يعني أي مشكله راح يسونها لك على الضمان إن شاء الله

من هالناحيه لاتخاف مسوي عازل ضد الترميل على الانوار والكشافات وربع الكبوت لصق من زيبارت قيمته 600 ريال+ حاط نظارات + حاط قناع على مقدمة السياره يحمي الصدام والانوار ونص الرفارف وكمان حاط قناع على المرايات الجانبيه قيمته 180 ريال
مابقى الا اغطي السياره بشراع وامشي
24-09-2007, 10:17 PM
acoord

هههههههههههههههههههههههههههههههههههههههههههه ..

ما شاء الله عليك حريص ..

الله لا يوريك مكروه ..
25-09-2007, 01:53 AM
وزران

الله يعطيك خير الطريق وانا واحد مثلك كان مشواار عملي

ما يقارب 240 كلم يوميا راايح جااي

لكن بنصحك نصيحتين خلها في بالك

1) - لا تسرع فإن الموت أسرع ولا تغفل عن الطريق وتسدح المقعده وترريح

من كد العمل إنتبه منها ترى والله مرت علينا مثل هالمواقف والحمدلله ستر علينا 0

2) - خلي أمور السلامه كاافيه ووافيه وشييك على الكفر الأسبير وعلى ألأدوات كامله

وخذلك لفه الصبااح وإنت تسخن السيااره على السياره من الخارج وإنتبه من الكفراات وماء

اللديتر 0

وحفظك الله ورعااكـ
25-09-2007, 01:57 AM
اكوردي...

مثل ماقالوا الخوان انا تقريبا زيك امشي كثير بس اقل منك

وكل 30000 اغير زيت القير والبواجي وفلتر الهوا مع التشييك الكامل على السياره

والحمدلله
25-09-2007, 02:05 AM
قوه أكورد

غير الزيت بالوكاله افضل لك

قوه أكورد
27-09-2007, 08:58 PM
hmh023

ربكم يعين وشكرا لكم
28-09-2007, 07:24 AM
السفير512

اهم شي وانا اخوك دعاء السفر

ولا ازد على كلام الاخوان