السلام عليكم ورحمة الله وبركاته . ياشباب الله يعطيكم العافية أنا سيارتي ماشية 50000 كلم ودي أوديها للوكالة الصيانه طبعا أنا ماسويت لها صيانه عندهم إلا آخر شي 10000 كلم والان ودي اوديها هل الضمان بيروح وكم التكلفة بياخذون علي وكم بتجلس عندهم وماهي الأجزاء اللي بيشيكونها ؟
اذا تبي نصيحتي لا توديها للوكالة .. وانت حر .. لانها بس خسارة فلوس :)
بالنسبة للتغيرات ..
عندك ( بواجي + فحمات + فلتر هواء حق المكينة + زيت قير )
الله يعطيك العافية أخوي . لكن ودي اروح حتى أحاول أشيك على السيارة كاملا .
اذا كان فيها مشاكل ودها
اما اذا ماصار فيها شي اصبر ودها علا 60000 لانها اخر صيانه يكون الضمان ساري عليها واي مشكله عندك قلهم يصلحونها
قبل ماينتهي الضمان لاتنسي زيت القير والبواجي وفلتر الهواء لازم تتغير بصيانه 40000
^^ واحد من اخوياي ... مادخل سيارتة الصيانة الا حق تشييك 1000 كيلو المجاني ...
صارت لة مشكلة في الهوب الامامي الايسر بعد حادث وصلحها برا الوكالة وغير الهوب في الوكالة على ايام 50.000 على الضمان ..
وقبل فترة على 60.000 غير البوري على الضمان ..
ضمان السيارة مايروح لين 60.000 او 3 سنوات ,,,
عندك كل 40 الف كيلو تغير البواجي والفلاتي وجميع الزيوت وبالاخص زيت القير ,,
في تشيك الوكالة ( الصيانة ) يشيكون على السيارة من الصدام للصدام ,,
للمزيد ... راجع الموضوع المثبت - على خبري - بقسم الصيانة ,,
على كلام مهندس الصيانة
اذا انت ماسويت صيانة 40 ألف وجيت تبغى تسوي صيانة 50 ألف أو 60 ألف فالوكالة راح تعمل لك صيانة 40 ألف
يعني راح يغيرونلك بواجي وزيت قير وفلتر هواء الخ الخ
والتكلفه تقديريا حول 850 ريال >>> يمكن تغيرت الاسعار الله اعلم
طبعا الضمان مايروح حتى لو ماسويت صيانة
يا شباب والله بس ودهم يتكسبون من وراكم
والضمان والله مايروح
بلا تشيك بلا هم
واذا كنت ملزم مرررره على التشيك
اهم شي تشيك 20 الف و 40الف وبس
دمتم سالمين
الله يعطيكم العافيه لكن تبون الحقيقه مابعد غيرت الفلاتر غير فلتر الزيت ولابعد غيرت زيت القير ولاالبواجي ولاشي . ممكن توضحون أكثر .